مرثيه الفنان الراحل / مصطفي سيد أحمد

[شادي بابكر]

مرثية الراحل مصطفى سيدأحمد

شعر الاستاذ/كمال جبر الله...
من ديوان /حفيف شجر الغلابة
مصمم بقناه الشروق
وخريج كليه الفنون الجميلة والتطبيقية

وقع كتف الغناء وميل
وكيف بالله نتخيل

شرخ صوت النواح الليل
رحيلك هد فينا الحيل

طيورنا الما بتعرف خرطة
اتكتف جناحها عديل

هجير الآهة شال الضل
ومر الوجعة حارق الكل

بويتات الفريق حرقت
وهدار الدموع ما بفيد
ونار الآهة والتنهيد

مرقت على السفر غربة
وغريب سافرت ما ودعت
غابات الصنوبر ديك
ولا طيور النوارس تانى
ملهوفة بتشابى عليك

منو البقدر يشيل
كتف الغناء الميل
وكيف بالله نتخيل

ويا نوره
حليل غيماتك الجاياكى مهطولة
وحليل صوته الحنين مليان
يشيل أحزانك الأولى

ويشد عبدالرحيم حيلو
ويناشدو يناشدو فى حويلو

ويكسى أم الرحوم التوب
عشان تمشى الفريق يا دوب

تبارك للصفاح بى عز
وكيف يا أم الرحوم ينهز
نخلنا الكل تلات شهور
يشيل يكسيك رطبه الدر

وقع يا أم الرحوم شامخ
وغاب مطر الحريق فى الضيق

منو البذكر ملامحك
وانت جايى المغربية

وكيف زمان الآهة يتعد
حد حدودو الكان قوية

وقع كتف الغناء وميل
وحات رنة حنين صوتو
وطريق سلفاب على بيوتو
وحات حميد وكيف حميد

بعد ما راح رفيقو بعيد
وما بالليد قدر نافد علينا عنيد
وما فى وراه زولا يحسن التغريد

أرحمه فى جنانك يا كريم ومجيد
بعد ما شلته يا رحمن وكان وحيد

[جبارة محمد احمد]

مرثية الشاعر صلاح حاج سعيد
ما كنت قايل نفسي يوم
أرثيك يا أصدق خليل
أنا كنت بتخيّل أكون قبلك
أسافر غنوة في الوتر الجميل
زي ما عبرت معاك صروف زمن المسافة
وجينا للحزن النبيل
أنا كنت داير الدنيا تمهلنا
ونغني الفرحة لى الزمن الخُرافي .. المستحيل
ورحلت ما كان ده الأوان
رحت وحرقت حشا الغنا
خليتنا لى الزمن الهوان
والإرتهان لى خيول زمان الشنشنة
كل المطارات والمواني
وشفع البلد الفتارى
لسة بارين القطاري
يسألوا الناس عن خبر زولاً
مسطّر إسمو في قلوب العذارى
وفى عيون كل المساكين ... الحيارى
زول بيطلع من نفس طورية ضامة الطين
تكابد طول نهارا
زول بيسكن في عيون أطفال
تأمّل ديمة يديها البشارة
يا خي والله الفرقة حارة
وفقدك أكبر من محيط الدنيا
وأكوانها ... ومدارا
طليتنا زي حلماً جميل
فجأة في غفلة أنسرق
أسطورة تحكي أماني جيل
في حب غناك كان ليهو حق
أديتو في الدنيا الأمل
وريتو كيف في الحق يقيف
من غير وجل أو إنبهار
علمتو بى حس النغم إنو الكلام
لازم يكون واضح كما شمس النهار
صدقك ملاهو حماس .. يقين
بالخير وبالحق .. والنضار والإفتخار
إنو الحبيبة هي الأرض
والتضحيات عشان عيونا هو الفرض
والدنيا ورّاثا الصغار
وعرفنا يا زول قسوة الضنا والتعب
والإرتحال في غفلة الزمن الصعب
وقولة الوداع بالضبط
والسفر الأبيد من غير رجوع
أو غير متاع
وبكت عليك كل الشوارع في المدينة
ناحت عليك كل الفواصل
في الغنيوات الرصينة
وإنكتم نبض الغُنا
جلل سواد حزنك سنا
وإتوشح المنا بالضياع
وكان بدري يا زول الوداع
لا سكة لى درب الرجوع
بعدك أغانيك إلتياع
مسكونة بالأسى .. والخشوع
لكن بريقك ما خبا
أبداً بريقك ما هو ضاع
ساطع كما نور الشعاع
منو قال هو فات
زولاً وهب كل الحياة للأغنيات
منو قال هو فات
ما أظنو زيّك يقولوا فات
يا من وهب كل الحياة للأغنيات
يا من ترك في قلوبنا أنبل ذكريات
يا من ترك أحلامو في كل الجهات
وخلّد معاني الروعة بى كل الصفات
ما أظنو زيّك يقولوا فات
يا من وهب كل الحياة للأغنيات
****
ورحلت ما كان الأوان
رحت وحرقت حشا الغنا
خليتنا لى زمن الهوان
والإرتهان لى خيول حروف الشنشنة


||||||||||||||||||||||||||||||||

واحد جميل
سيد أحمد الحردلو
تاني قام واحد جميل في بلدنا ... ماتْ
وكان بغني للمساكين .. والمسولتين .. والحفاتْ
وكان بغنى للمنافى .. والعصافير .. والرعاتْ
وكان بغنى لى بلد في الحلم ... جاي .. أغنياتْ
وكان بطنبر .. وكان بدوبي .. للحياةْ
تاني قام واحد ملك ... روّح .. وفاتْ
وكان ملك في الريد ... وإنسان في الصفاتْ
وكان مهاجر في دموع كل البكاتْ
وكان وتر مشدود ... ومسكون دندناتْ
وكان "عليه سلام " تقول ما زول حياةْ
يا مصطفى .....
فاكر الجماعة الكانوا ساكنّك دوام
من منفى لى منفى
ومن عود ... لى سفرْ
فاكر العصافير المسافرات دون جواز
فاكر اللى داجّين في المطرْ
عبدالرحيم ... وهلم جرْ
فاكر القطر
فاكر النخيل .. فاكر الحراز
الليلة كانوا جميع هناك
قسماً يمين .. كان الجميع باكين عليك
كان المطار فارش عليك
كان الجميع مشتاق إليك
يا سلام عليك
لمّان تكون زولاً عزيزْ
عنْ ناس عزازْ
****
يعني كان لازم تفوتْ
والحزن مشرور في البيوتْ
والدنيا مازال فيها حوتْ
وفيها لسع .. عنكبوتْ !!
وتخلّي أوتارك سكوتْ
ولسه عندنا ريد جديدْ
ولسه عندنا ليك قصيدْ
يعني كان لازم تفوتْ
وتخلي هذا الحب يموتْ !

|||||||||||||||||||||||||||||||||||||||||||||||||| ||||||||
أمل الأغاني
كلمات: مدني النخلي
شرد الكلام مني وسكت
حس الأغاني الملهمة
لبس النغم ثوب الحداد نزف المقاطع مؤلمة
لمتنا بيك يمين ظروف في ليل رياحو ملتنا هم
أنت الأخو وبرضو الصديق والبينا كان إحساس ودم
للكل فتحت القلب دار .. ومزجت روحك بالنغم
يا حليلو زمناً كان معاك يا حليل جدارنا الأنهزم
روح الرحابة الما بتضيق
يا باهي يا دفق الرحيق
شاقي الدروب الموحشة
فارش عشم وترك طريق
دايس علي الجرح الأليم
في أحلك اللحظات رفيق
يا حليلو أملاً كان معاك
خلانا لى جرحاً عميق
نجم الحروف المرهفة
ضد الذبول والإنطفا
لكنو من بعدك رحل خلانا فات يا مصطفي
يا حليلو شدواً كان معاك
وأمل الأغاني الإنطفأ

[شادي بابكر]

جميل جدا يا جباره يا ريت لو نفرد الصفحه دي لي مرثيات الفنان العظيم الراحل مصطفي سيد احمد

[شادي بابكر]

أغنية مصطفى سيد احمد
شعر : د.عفاف الصادق حمد النيل
يا الكحلت عيون الدنيا بلون الغنوه
يا الضفرت ضفاير إحساس الكلمة الحلوة
يا الشتت نجوم الليل في وش النيل
عقداً فوق القمره بيقدح فينا الضو
يا الطقطقت أصابع السُحب الشالن جو
دفق عسل المطره ونقط .. كبت شو
نضمت .. غنت .. سكتت .. صنت
مرقت .. دخلت .. قامت .. قعدت
شن بتسو ؟
تقشقش فوق رقراق الدمع الكاسي العين بهدمة دم
كل ما أتعرى يجدد توبو يضاري الريحه الكست الجو
تساسق بين تيار الموج الكسر الجدول ودفق شو
تسارق فوق نجماتا برقنْ هجنْ لجنْ ..باتنْ قو
تضاير فوق وديانا شبعن .. رضعن ضرع السحب الشالن برا ..جو
تصنت غنوة سيره عريسه مهقد .. مكسي .. مجرتك
يفوح الصندل .. وعطر المحلب منو مدفق
أمو تعدل .. وأختو الرقصت ..وخالو يبشر ...
وعمو بيعرض وسط السهله ..وخيرو مدفق
غنوه بتعزف نغم أتشتت .. رعداً صفق
برداً هز اتباطن صوتو
أتطانن حر لوح و هوا
وظهراً فارساً تب ما إتلوى
وزغرد ليك ايقاع المطر إتلبب
حضن الأرض ونام
ود سيد أحمد دق المحلب جوه الفكره
وخت الذكرى
ذكرى الليلة وذكرى بكره
أبيه و حرة
مبدأ و عزه
سيما وعبره
درايا و خبره
شموخ بيت عازه الما بتهزه
برغم الضيم
وليد ضكران
هز و رز تب ما فز
اتقطر نز
ادفق ضي
ود سيد أحمد شال الريشة
ورسم اللوحة
وشتت لونها
وتيرب بيهو سما السودان
وكانت النبتة عصارة الغنوه الفيها
ثقافة .. وحب .. وسياسة
مزيجها بلدنا وفيها ولدنا اتعطن الريد
والبت الحلوة .. الوطن الغالي
وسرج بيهو وشد ضهر سودانا القام
وكيف بتفوت
وكيف بتفوت ..
يا الولد الغنى وشنا ورنا
وخالداً حي
ما بتتضارى بشوفك قاعد بين الرمش الفوق عيني
يا الدفيت أعضاء الكلمة في ليل
البرد .. الريح.. الصي
يا النديت أغصان الحرف بصيفاً
حًرا وشد الكي
وكيف بتفوت يا الولد الضوا وشيشو قليب الوتر
الغنا وطرباً غطى فجاج الحي
تمرق بين ورتاب الزرع الفرهد
تمرق بين حبات المطر الطقطق نقط
يحضن ليلاً سود .. هج .. وهود
تمرق بين النيل الكتر ادفق و نمرق
تمرق بين الوتر الصفق غنا وزغرد
تمرق بين صفقات الشجر أخضر و ورق
قام أتشابى وعانق كتف الليل
أتطاول باس القمره وقبل عين الشمس
كيف نبكيك يا راجل الليلة و بكره وأمس
كيف نبكيك ونحنا بنسمع صوتك
سراً.. وجهراً .. ومس
كيف نبكيك و أنت معانا تشيل وتخت
ترص وتقص
تفج السهله وتحكي الغنوه اللبست صوتك
وشالت حسك .. ونفسك .. وروحك
وسمحت زي
وأنت معانا بقيت جوانا و ماك بتفوت
حتلت حنيناً جوه القلب
بصمت عليهو وجود موجود .. برغم الموج
وسفر الجسد الما محدود
غلبت تفوت
كسرت الحاجز الراكز جسرو على المسدود
رقعت الهدم الراسي خيوطو على المقدود
مسحت .. مسحت البعد الأرضي الما محدود
نسفت مسافة الزمن الروح و ما معدود
سكنت مسامة النغم المن إيقاع النبض
بقيت الدم .. والروح .. والقلب
هزمت الموج .. غلبت تفوت
تفوت لى وين ؟؟
وأنت الزول الباقي وحي
أنت النور الوج الضي
وأنت البحر الدفق ري
تفوت على وين ؟؟.. ونحنا زرعنا لسع ني
النيل الأبيض لاقى وعانق حضن الأزرق
باس الأبيض خد الزنجي
اتقلدوا .. اتقادوا
اتوحدوا .. فاتوا
مات العنصر و دأب الفارق
من بيناتن
صدر العين اتملى بالعبره
اتنهد نفس الكلمة الحلوة ..أتأوه
آهة طفت القمره و نفخت قلب الجمرة
وكبت فينا ضلام
يا إنسان .. يا فنان يا لقاومت الذاكره والنسيان
دخلت بوين ؟
سكنت الدم الجاري على الشريان
لوليت جوانا عصاية الكلمة .. الشرف .. العزه
العايش فينا في كل زمان
جرجرت علينا حروف النغم الطرباً
يهز يفرح كل مكان
ختيت الرأي صريح قولاً و فعلاً و فكراً
سجل اكتب يا تاريخ
يا أستاذ .. يا ممتاز
ختيت الدرس مفيد و صحيح
درساً ما دايرلو وسايلاً للتوضيح
ونحنا فهمنا كتبنا درسنا على الكراس
انتهت الحصة و ناحن سكلبن الأجراس
مرقت صحيح ؟؟؟
مشيت بى وين ؟؟
وكيف خليتنا بدون تصحيح ؟!؟
نصحح وين !!؟
شلنا الهم
نصحح وين
جينا الكم
نصحح وين
وكل أقلامنا تقطر دم
كمل أحمر دفق لونها فحم
ونحنا كبرنا وعينا وزدنا فهم
عرفنا أهداف الدرس تمام
ختينا النقطة الهمزة الشوله الاستفهام
خلصنا خلاص
جمعنا قلمنا حبرنا كُتابنا مع الكراس
يا الوحدت بسفرك كل الناس
يا مقياس
يا ميراث
وأساس المعنى
الحب ..المبدأ .. والإحساس
نعم الإرث الباقي وأعظم ساس
وكيف بتفوت
و أفتش ليك أنا جاي بى جاي
و أهلك و ناسك مرقوا يكوسو عليك معاي
وأنادي عليك ارتي عليا
فوت بى وشك ارجع جاي
وفجأة ... وفجأة بتطلع من جواي
متل النور الضوا حداي
وموج النيل الرايح جاي
وهج العين الفكر الرأي
ومن الشمس بريق ضواي
وصدر الأم الليك غطاي
حديثها يناغم فيك لولاي
وصوتها يهدهد فيك هداي
هوها.. يا هوها
واحد ..اتنين .. تلاته
إبرة الخياطه
فيها م وفيها ص وفيها ط
و ف
وفيها جميع المصطفى

[شادي بابكر]

رحيل اليوتوبيا

مرثية الشاعر / محمد طه القدال
في هذي المدينة الفاضلة
لبس الشعراء تيجان غار وهجوا
مع النشيد .. والبوح وغنوا للغُربة المتلتة
في الزمن المكان الروح
وما بين الرماد والنار
فضا الكلمات ومعناهم
بيمرقوا من هطيل النوح ومغناهم
يشقشق للحياة والموت
يغرد للمدائن الفاضلة جواهم
جزاير دوح
قدر يوتوبي
ترحل في مداين الناس ... مدينة
يندلق حسك حداهم
قطرة قطرة تعبي صوتك بى نداهم
مشدود وتر صوتك ربابة
مسنود عليك صوت الغلابة
مفرود من الزمن المفتق والمرتق بالرتابة
مولود مع الجدة المعتقة والمجرتقة بالرحابة
ينسدل من شدوهِ أنشاد المزامير
ينسمع في شجوهِ ترتيل الصحابة
زمن يوتوبي ترحل في العتامير
والمغاسل والغُنى المندلي من شطر السحابة
من عنا الأطفال وأولاد المسادير
السنينهم فوق جوازات العصافير
الحنينهم بحة الليل الطنابير
الحزينهم حزنه في الجوف المطامير
نبلهُ يطلع زي شعاع
لا ولولة لا شيل ندابة
( يا مطر عز الحريق)
( كمّل الناقص وفرضو )
( يا مشاوير الطريق )
شوفي لي حُّميد وأرضو
يا بلد ليلك غريق
طولو زي طولك .. وعرضو
إن ضلامك حر طليق
أو سلامك أهلو قِرضو
آه من هذا السليق
يشتري الراجل وعرضو
الفرج باقيلي ضيق
والصحاح العندي مرضو
كم إديريجاً حليق
شان يعيش بى دقنو برضو
يا مدد قشة غريق
)يا مشاوير الطريق(
)يا وليدات الفريق(
لملموا الصابرين تعالوا
)رقصوا البنوت أعرضوا(
****
يا نخلة المقبول ظلالك
وأصلة الشموس بى حريرة
ومجدولة من طيب شمالك
مروية في عز الجزيرة
من همي همك سمالك
كسر همومي الجبيرة
لحن الوليد الرمالك
مشرق يجبر الكسيرة
طينك مقالد رمالك
تحتك مياهك خريرة
شعرك جريدك حلالك نمة غُناه الضريرة
غنوة بتقرب منالك
رعشة جروفي الخضيرة
غنوة حبيباً شكالك
هجر البنية الأميرة
عند الترابلة القبالك
ضليلة صهد الهجيرة
يا نخلة السلفاب جمالك
في الناس غناوي المسيرة
لو جيدك الفارع بكالك
موّال دموعي العسيرة
أو نيلك السالك أمالك
جيهة المشاوير الحسيرة
أو قلبك المفجوع دنالك
روح الأناشيد المنيرة
شيليلي عِب وأمليلي شالك
من غناويهُ السميرة
شدي من صوتك حبالك
نشفي العرق الدميرة
قولي للجنيات سؤالك
يا نخلة بس متكية مالك ؟
بطنة سبايطك عضيرة ؟
جدلة سبايبك ممالك
محصورة في فد ضفيرة ؟
ولا السلام البدالك
سراب الأماني الكبيرة ؟
لو صبري بيهدم جبالك
شن تبقى غير عيني الهميرة ؟
****
قدر يوتوبي ترحل يا صديق
زمن يوتوبي ترحل في البريق
والمدينة الفاضلة نامت في العتامة
والعتامة تهاتي بالشعر الهيافة
والشعر متغطي بالكلمة السلامة
والسلام متداري في الولد الشليق
والوليد مندسّي في الحرف القيافة
والحروف الوردة تحلم بالرحيق
والحلم يتجاوز المعنى الرهافة
والمعاني تعاند الزمن الرحيل
والزمن يوتوبي يرحل في السحيق
والرحيل يوتوبي
ترحل يا صديق ؟
الرحيل الشفتو للناس العلامة
الرحيل الشفتو للمتلك قيامة

[kassala]

تقشقش فوق رقراق الدمع الكاسي العين بهدمة دم
كل ما أتعرى يجدد توبو يضاري الريحه الكست الجو
تساسق بين تيار الموج الكسر الجدول ودفق شو
تسارق فوق نجماتا برقنْ هجنْ لجنْ ..باتنْ قو

وفجأة ... وفجأة بتطلع من جواي
متل النور الضوا حداي
وموج النيل الرايح جاي

ومن الشمس بريق ضواي
وصدر الأم الليك غطاي
حديثها يناغم فيك لولاي
وصوتها يهدهد فيك هداي
هوها.. يا هوها
واحد ..اتنين .. تلاته
إبرة الخياطه
فيها م وفيها ص وفيها ط
و ف
وفيها جميع المصطفى

نواصل أحسن يا شادي

[العطبراوي]

حبيبنا المغني النبيل
شعر/ ابراهيم المك

يا راحلاً بين النبض والوريد ، ورافلاً في ترف المحبة في قلوب عاشقيك ..
ونازلاً في نعيم الخلود بإذنه تعالي .. منذ رحيلك عنا صدئت اللحـــون ...
وانزوت الأشعار ورحلت عنا أسراب العصافير .. لك الوفاء والمحبة والدعاء ..

لمحـتك ، تغربل غــنانا وتنعمْ
وتدخل حروفك بيتوتنا وتســلِمْ
تفاصل ،تجادل ، تناقش، تفهِمْ
تفِـــرح، تضـحِك ،تَبَكِـي وتألِـم
لمحتك توَسِــمْ
وتمهــر غنانا
تلـــــوِن هوانا ...تحلي وتطــعِمْ
تجلي وتجمِـل مداخل سـمعنا
تغـني وتصــحح بوعــي المعلـــمْ
***
لمحتك توالـف خطاك الرحيل
مكندك عيونك غـبار السفر
محقِـب جروفـنا ومحزَم بنيل
يزامن رحـيلك رحـيل القمر
تفتش مـواني الأماني القـبيل
حرازِن مخاصـــم مجافي المطر
مراكبك محّرق شِراعن وراك
وبينك وبين المــــواني البحر
لحونك تمازج ملامح رضاك
تمازج لحـونك همـــوم البشر
تبنت ضلوعك شجون المعاك
شـجونك تبنت نحيب الـوتر
***
لمحتك تعالج مواجـع الغُنا
تســابق خطاك الرحيل الطـويل
تداقش متابع خطاك الضنى
بصبر المغــني العفـــيف النبيل
تتربل جداول حروف المنى
تشتت بـذور الأغـــاني النخيل
نجوم الأغاني البشعن سنا
يضــون مـراتع (بثينه وجميل)*
يشرف حضورك هناك ، وهنا
تنور مداخــل الغُـنا المستحيل
***
لمحتك تنقــر جـدار الســـكون
وتفـتح مخابي المواجــع نـواح
تكحل مــراويد غناك العـــيون
يسـامر أنينك أنــين الـــرياح
تلـــون مـــدادك مـداد الشـجون
تلـون بلـون الغــروب الـبراح
ترتـــب غنانا ومجـــيه يكــون
تغني وغـناك الجميل انــدياح
يداوي الدواخل غناك الحـــنون
يغـرق دواخلك نزيف الجراح
***
لمحتك تضيف الاطار الجـديد
اطارك يشكل معـاني الإضافــه
تعاف الكـلام المكبل بقــــــيد
تعاف المعاني السقيمه الخُرافه
تباري ارتحال النوارس بعيد
تنقي الاغــاني التشكل ثقـافـه
تغني الكلام البيهتف نشـيد
يمر من خلالك، ويطلع قـيافه
تغالب هموم ارتحالك وحــيد
طموحك يسابق همومك مسافه
لمحتك برغـم جراحك سعيد
تأســــس غنانا السـليم المعافى
***
لمحـتك وكان ارتحالك وشيك
تطرز حواف الحروف بالنغم
تفك الحروف ارتهــانن تجيك
مخافك عليهن يقوي العشـم
يعــــاند حصار المــــداين مشيك
غناك الـرزين يستفز الألـم
تخـت الحــروف الــتوابع عليك
موانع لحـونك تصــد الوهـم
برغـم الهمـوم والعــذاب العليك..
ولا مرة عمرك عرفت الـندم
***
لمحتك تقارب نهاية المطاف
مشارف مفازة الطريق المخيف
موسد حنايا الضلوع الرُهاف
هموم الغلابه البسكوا الرغيف
مودع سنين الرحيل العجاف
وزادك مقـــاطع غناك العفـيف
وراجع تقالد نداوة الضفـــاف
بصـدق المغني الرقيق الشـفيف
يقالد وسامة صباك العفـــاف
ربيعنا وشتانا وغيوم الخريف
***
لمحتك تقــاوم قساوة الظـروف
تطارد شوارد الحروف الغمــام
توشح يباب الصحارى الجروف
يحرض غــناك القــــوافي النيام
تعلـم مــوالف الرتابه العـزوف
تغني الكــــلام المفـــــيد التمام
تنور حـروفك ضـلام الكهــوف
تفتح نســــايم غــــــناك المسام
تدغــدغ لحونك ملاين الحروف
تبرد حشاهن ســــكينه وسـلام
تفتـش علــينا وتشـق الصفـوف
قيام للمعلم .. تحــيه وقـــــيام
تأمّــنْ وتضْرَعْ عشـــانك كفـوف
تأمّل مقــــامك كــريم المقـــــام
برحمة الاهـنا الرحيم العطوف
معـزز مكـــرم في دار الســــلام
برحمة الاهنا الرحيم العطفوف
مكرم معـزز في دار السـلام ... معزز مكـرم في دار السـلام ...
جدة/2002م

* يكنيه أحباؤه بجميل بثينة ( زوجته الغالية)

[العطبراوي]

يا حليل مصطفى: عدل كتف الغنا الميل ، وجيه غنانا .. ورحل تبراهو دعواتنا ( اللهم أرحم مصطفى النبيل)
اسعدني مرورك وحديثك الطيب. لك المحبة

</I>

[العطبراوي]

بكاك القصيد دم في عيون الشعراء
بكتك حروف واقلام الادباء
فقدتك جد وكنت الصديق والحبيب
كنت ضمير الناس في اليوم الرهيب لك الشكر اخي لقد احيت الحزن الدفين رحم الله مصطفي ود سيد احمد المقبول وقد مات ولكنه مقتول بايدي غدر واستغلالين لميرحموا المرض الذي انحل جسدة لم يهمهم الا ان يستغلوا حبه لفنه لمعجبي حملوا علي السهر والغناء والمجاملة والتعب وان كان قادما من الغسيل يتحامل علي نفسه ويجد من ينتظره من اجل حفل او مجاملة وغيرها ويذهب وهو يعاني ويكابد الالم
اغتالوك وانت تحمل عودك العراقي وقد بكاك بدمع الدم
بصوت الحزن
بشوق الولهان رحم الله مصطفي وادخله فسيح جناتة مع الشهداء والصديقين وحسن اولئك رفيقا ورحمنا اذا ما صرنا الي ما صار اليه

عماد الدين النخلي

[العطبراوي]

يا عماد أخوي

كلنا ذلك المفجوع برحيل مصطفى .. ذلك الفنان النهر الذي تدفق حباً وابداعاً ومات ولكنه لم يجف .. مازال في الدواخل ندي السريان ، يدغدغ مكامن الوجع ويجلو ويجمل مداخل سمعنا باغنياته الخالدات .. اسعدني مرورك واسعدتني الفتك ومحبتك للخال .. رحمه الله رحمة واسعة واسكنه الجنة برحمته بغير حساب ولا عذاب ..

دمت بالف عافية ..
ابراهيم محمد احمد المك

[العطبراوي]

الرائع مصطفي ............ لم تمت وانت فينا وبيننا من يحبك ويبكيك وينزف الدمع غالي عليك
لم تمت وانت تتغني عشم باكر وواقف براك والسمحة قالوا مرحلة وتتغني بلسان حميد واذهري ومدني وعبد العال ونجاة والقدال والكثيرون للوطن للغلابه للكادحين


اخيالغالي ابن اخت الغالي وصديق الغالي والاخرين من الشرفاء الذين لا يخافون في الحق قول ولا لومة لائم انتظر منكم الكثير في بوست مصطفي اغتيل ام رحل عنا ورحولهعنا لانه لايريد ان يري الظلم والفقر والجهل والمرض وقضايا حملها قلبه المرهف الذي كان ياني الضعف حسب ماراي بعين الفنان وانني احسبها له
واريد هناان اكد شياء فوالله مصطفي وانا موجود وبلسانه الذي صمت واذني التيتسمع الان قالانني لم اكن يوما شيوعيا ولن اكون يوما حزبيا يحيطني او يكتم انفاسي احد او اتحدث باسم او لسان احد وهذا ما جعل ايام غضب بين مصطفي وحميد واخرون ورجعت النفوس مرة اخري لبعض طيبة لان مصطفي يقول الحق انه لا يبحث عن كرسي او وزارة كما طلبها اخرون علي المثال احد الفنانين المعارضين الذي كان يبحث عن وزارة التربية في عهد الديمقراطية ولكنه صدم وبعدها تمرجح بين الاحزاب حتي اصبح الان انقاذيا

مصطفي صاحب قضية اسمها هموم الوطن والمواطن فقط
لك الشكر والتقدير ايها الغالي الرائع
عماد الدين النخلي

[العطبراوي]

منقول :
واحد جميل

تاني قام واحد جميل في بلدنا ... ماتْ
وكان بغني للمساكين .. والمسولتين .. والحفاتْ
وكان بغنى للمنافى .. والعصافير .. والرعاتْ
وكان بغنى لى بلد في الحلم ... جاي .. أغنياتْ
وكان بطنبر .. وكان بدوبي .. للحياةْ
تاني قام واحد ملك ... روّح .. وفاتْ
وكان ملك في الريد ... وإنسان في الصفاتْ
وكان مهاجر في دموع كل البكاتْ
وكان وتر مشدود ... ومسكون دندناتْ
وكان "عليه سلام " تقول ما زول حياةْ
يا مصطفى .....
فاكر الجماعة الكانوا ساكنّك دوام
من منفى لى منفى
ومن عود ... لى سفرْ
فاكر العصافير المسافرات دون جواز
فاكر اللى داجّين في المطرْ
عبدالرحيم ... وهلم جرْ
فاكر القطر
فاكر النخيل .. فاكر الحراز
الليلة كانوا جميع هناك
قسماً يمين .. كان الجميع باكين عليك
كان المطار فارش عليك
كان الجميع مشتاق إليك
يا سلام عليك
لمّان تكون زولاً عزيزْ
عنْ ناس عزازْ
****
يعني كان لازم تفوتْ
والحزن مشرور في البيوتْ
والدنيا مازال فيها حوتْ
وفيها لسع .. عنكبوتْ !!
وتخلّي أوتارك سكوتْ
ولسه عندنا ريد جديدْ
ولسه عندنا ليك قصيدْ
يعني كان لازم تفوتْ
وتخلي هذا الحب يموتْ !
مرثية بشرى الفاضل
رطبت بالنّداوة
وغلالة الروح
سنوات الجفاف الأولى
فرقص الشعر على ناصيات الـقـوافي
في هذا العهد الكالح
عهد الصرير ...
ولف الذقون على الضحك
****
برج الغناء العالي أنت
وأنت النسيم يتردد..
يا حلو يا مستطاب
رحلت وكنت على باب الدخول
فنهض بديارنا ذلك المأتم الجمعي
ذلك الحزن .. ذلك الإنشداه
ذلك الذهول
وكانـت أشد القبائل جسارة في لقياك
وأنت عائدُ إلى الوطن ...
قبيلة الصبايا ..
ينضحن نضارةً وعافية
في زمان نقص الغذاء ...
صبايا من الحسن الصافي
كأنما جبلن من طينة أخرى
وقفنْ سداً بديعاً .. حازماً
في وجه سرقة عبيرك
بغية سكبه في الساحة الكالحة ... الغبراء
في طريق مدني ... إنبثقت عن ذاكرة الأغاني
غابةُ من المحبين
في إستفتاء مع الأغنية المشبعة
وضد سلخ جلد الأغاني
وحشوه بالغثاء
النهر أنت
ورؤا ك ... تسير الأنهار
نغمُ منك أو همهمة
فيقفز عاطف مثل درويش
من المجهول إلى الصدارة
قم .. قال صنوك الشاعر..
يا طرير الشباب
غني لنا ... غني
من عبقري الرباب
أنشودة الجن
قم يا جميل بثينة
وأشهد هذا الوله
بما أمتعت به الناس
وضوأت ليالي القرى ... والأمدان
يدلقون عليها العسس والعسف ... والأسف
فتغسلها بآهة مرسلة إليك ... حُبلى بالفرح
منذ مطلع القرن عبر كرومة ... ووردى
وصادح تلو صادح
فتـنمّي فيها التشبيب بحب الوطن
وشهقة الشعر ... وإنــدلاق الصليل
مصطفى
يا مصطفى
النهر ..... أنت
فولاذ الرقة
برج الغناء العالي ..
والنـسيم

[العطبراوي]

http://img243.imageshack.us/img243/2535/copyqh1.gif

[العطبراوي]

يا من ترك في قلوبنا انبل زكريات
يا من ترك احلامه في كل الجهات

[العطبراوي]

مصطفى سيدأحمد.. مواقف وشهادات من أصدقاء الراحل
http://www.sudanelite.com/contents/newsm/7754.jpg
01-24-2010 01:33 AM
ما بين ميلاد مصطفى سيدأحمد عام 1953م بقرية ود سلفاب بالجزيرة ورحيله بدولة قطر الشقيقة مساء الأربعاء 17 يناير 1996م، سكب المبدعون والمعجبون أنهاراً من الأحبار في رحلة التوثيق والبحث عن أبعاد التجربة المتفردة من نوعها.. مضت سنون وذكرى الرحيل تؤجج حمية البحث عن الجديد من أغوار التجربة، وهذا الملف التوثيقي الخاص بالذكرى (14) لرحيل الفنان مصطفى سيد أحمد، هو قراءة من زوايا متعددة يقدمها زملاؤه والمتابعون لمسيرته، الشاعر عبد العال السيد من مقر إقامته بالسعودية، ومدني النخلي من أم درمان، عاطف خيري من استراليا، وهاشم صديق، والقدال وأزهري يقدمون شهاداتهم بكل تواضع كالذي كان يتميز به مصطفى.. يقول الشاعر مدني النخلي عن ذلك: عندما أُتيحت الفرصة لمصطفى سيد أحمد للظهور لأول مرة عبر الإذاعة والتلفاز عام 1978م قدم أغنيات منها (غدار دموعك، الأمان، السمحة قالوا مرحلة)، ولهذا الظهور قصة طريفة يرويها الملحن محمد سراج الدين الذي أشرف على البروفات قبل التسجيل، وكان يصر على مصطفى أن يرتدي بدلة كاملة كعادة الفنانين آنذاك، لكن مصطفى كان زاهداً في تقديم شخصيته في المظهر، ويرمي جل اهتمامه على الجوهر، وعندما حضر مصطفى للتسجيل تفاجأ سراج بأنه يرتدي قميصاً أبيض وبنطالاً أسود- (لبس المعلمين آنذاك)- وبعد إصرار شديد وافق مصطفى أن يخلع القميص الأبيض ويرتدي قميص أستاذه محمد سراج الدين ذا الخطوط العرضية في الصدر، وكان يطلق عليه (تحرمني منك) وكان ذلك احتراماً لأستاذه، ومن هذا الموقف تجلت شخصية مصطفى الفنان إيماناً منه بأن الفنان يعبر عن واقع طموح الناس.



إعداد: محمد أحمد الدويخ

[العطبراوي]

هاشم صديق: اقتطف سيد أحمد وردة واحدة من حديقة أشعاري فأضاء بها قنديل قامتي..

ماذا قالوا عن مصطفى سيد احمد؟

هاشم صديق : اقتطف وردة من حديقة اشعاري فأضاء بها قنديل قامتي

قال الشاعر الكبير هاشم صديق تغنى له الراحل مصطفى سيد احمد باغنية واحدة هي &quot; حاجة فيك&quot; قال لم يقطف مصطفى سيد احمد سوى وردة واحدة من حديقة اشعاري ولكنه اضاء من قنديل تها خطوط قامتي &quot; واضاف الشاعر هاشم صديق: لااستطيع تكرار الحديث عن تجربة الفنان مصطفى سيد احمد وانا في عجالة من امري لانني اريد ان يكون مفيدا لعشاق فنه.

[العطبراوي]

محجوب شريف كيف العصافير التي تعرف تماما مصطفى

الشاعر الفذ محجوب شريف كتب مرثية خالدة عن الراحل مصطفى سيد احمد نوجز منها:

كيف العصافير التي

تعرف تماما مصطفى

تعرف سلاما يابلد

ذاك اللي حباك اختفى

سكت المغني سكت سكت

بكت الكمنجات اتكت

مابين دموعا ودهشتا

بكت الاصابع رعشتا

وانسد حلق الاغنيات

[العطبراوي]

الراحل حسن ساتي : انطلق مصطفى من صوامع المرض الى حالة الابداع قال عنه الراحل حسن ساتي: في الازمات يمكن ان تجد متوترين يبيعونك الاحلام بابخس الاتمان ولا يكلفون النفس مجرد تزويقها او لفها بلفاف سلوفان واحسان اخراجها في ذات الوقت الذي تجد فيه قلة نادرة تلملم حماقات الاخرين ان كانوا النظام او الدولة والسياسيين او مجرد باعة الليمون في الاسواق الشعبية تلملم لك مضدات حيوية تعينك ان تنهض بمناعتك وان تصمد بوجودك ومصطفى سيد احمد كان من بين تلك القلة التي اجتهدت على طريق تقدبم المضادات من اجل الناس وان يبقي الحلم على خيوطه الرفيعة مع افق البداية وكما هو مصطفى خصما لدودا للركود لم يرتبط وهو في قمته برمز شاعرا كان او فنانا وكثر اطار الثنائية بين المغني والشاعر لانه يعرف ان اداد المضادات يحتاج لاكثر من نفس شعري وان كيمياء الشعر نفسها اكبر من ان يحتكرها فرد مهما علت اقداحه .

[العطبراوي]

الشاعر سيد احمد الحاردلو : تاني قام واحد جميل في بلدنا مات

الشاعر الفذ سيد احمد الحاردلو كتب مرثية مطولة عن الراحل مصطفى سيد احمد حملت عنوان مرثية الحزن الاخضر يقول في بعض مقاطعها :

تاني قام واحد جميل في بلدنا مات

كان بطمبر وكان بدوبي بالحياة

تاني قام واحد فحل روح فات.

تجربة مصطفى سيد أحمد في كتاب الغناء السوداني

[العطبراوي]

مدني النخلي

المتأمل في كتاب الغناء السوداني لاتخطيئه فصول التباين والولوج الى سطور التطور منذ بداياته الاولى وتدرج التجريب في فن لاخر وعندما نطلق عبارة فنان نقصد بها الفنان الحقيقي وليس الوت الطروب او صاحب الاداء الساحر لان الاصوات هبة الخالق اوجدها في العديد من الخلق ومنح القليل منهم صفة التفرد والابداع . لان مصطفى سيد احمد احد الذين وهبهم الخالق القدرة على التطريب وفضاءات الصوت المحلقة لابعد من خيال المتلقي استطاع في تجربته الغنية بالصور الابداعية من كلمات وانغام ان يجد لها مقعدها الخاص في شاغر الاغنية التي تظل حتى لو رحل مبدعها. ومثلما ابدع رواد الحقيبة الوانا من الاغنيات ظلت حتى الان تلاقى الاجبال بالق الكلم وسحر النغم .. ومثلما ابتدع الكاشف الفنان اطار اللحن الذي سار عليه معظم الذين جاؤوا امتداد له كذلك اختلط مصطفى سيد احمد وتوقها للجديد. تناول هذا الفنان قصير العمر طويل القامة الانسانية بالفرح لكنه اسعد الكثيرين وكان عملاقا منذ بداياته عندما نزف ما بتفيد في زول حواسو اتحجرت

[العطبراوي]

وتطور في تأن لم يسبق له مثيل في الصبر والثاني وهو يقدم اعمال خالده:

لما افوتك من دون خاطر

او دون خاطر مني تفوتني

حبايب في كل حته

وكل بيوت الفقرا بيوتي

قدم قمر الزمان الحزن النبيل وغيرها للشاعر صلاح حاج سعيد وضاحة ازهري محمد علي لمحتك الكتيابي الدنيا ليل عبد العال السيد ، حاجه فيك هاشم صديق الخ . كلمات ومفرده بقامة الحلم وتطلع الانسان البسيط الضايع في زحمة الحياة:

[العطبراوي]

اغني الناس المابتسمعني

النى بعيده ومبعده عني

النادي نشيده وكنت المعنى

الايدي في ايدها وايدها بتبني

في دنيا جديدة اليوم راح تدني

[العطبراوي]

هذه الاعمال تحرك في المستمع التوق للغد المشرف . والله نحنا مع الطيور المابتعرف ليها خرطه : حافظ عباس والله باكر ياحليوه لما اولادنا السمر يبقوا افراحنا المنسمح بيها احزان الزمن ثم دلف الى القرى البسيطة التي انجبت القدال. حميد ، السر عثمان الطيب وهو ينشد روعة النخل الشامخ شموخ انسان هذا الوطن موسيقى بطعم الحياة والحرية فالاغنية عند مصطفى سيد احمد شكل من اشكال المقاومة والصراع مع القبح في سبيل الانتصار للخبر والحب والحياة عم عبد الرحيم صورة الانسان والظروف الطاحنة وعجلات الموسيقى لبارع يوسف الموصلي في الحزن النبيل صلاح حاج وعي سافر قاسم ابوزيد ياضلنا مسافة القسم لمصطفى سيد احمد يلمح في محطات الوصول روعة التجربة ونجاح الحلم في ارتياد في افاق الزمن الذي سطره مصطفى حزنا واسى ومعاناة مع المرض الى ان اسلم روحه الشفيفة لخالقها ليدرك مساحة التاويل اكبر من فهم الزمن الموغل في الكأبة والفقد حاجة فيك دراما الوعي النبيل عند هاشم صديق الذي يشبه مصطفى فكرا والتزاما تجاه القضايا الانسانية ولااظن ان هذا يكفي عن تجربة الراحل مصطفى سيد احمد في تلخيص وزيف الكلام والنغم.

[العطبراوي]

دلالات الأسماء والشخوص في أغاني مصطفى سيد أحمد

باب للدخول:

أقعد الغالط نفسي فيك

واعجب على هذا الزمن

استنى ميعادنا الوشيك

ألقاك خطاويك يبعدن

أحقيقة لن نلتقيك

[العطبراوي]

إن المبدع الحقيقي يستطيع أن يصل الى قلوب الناس بأعماله الخالدة مهما حالت الظروف دون ذلك، وعامل الزمن هو الذي يعري حقيقة الأشياء. مصطفى سيد أحمد فنان جاء بتجربة مغايرة تماماً للمألوف لدى المستمع السوداني، إنها أخذت بألباب الكثيرين من الناس بما فيهم الغلابة والمحرومين والفلاحين والعمال، بل أثارت تجربة مصطفى سيد أحمد جدلاً كبيراً في الفكر والفلسفة والثقافة الشعبية بحكم عاميتها ولغتها السهلة لدى جمهور المستمعين بمختلف ثقافاتهم، فقد كانت أغلب أعمال الأستاذ الراحل مصطفى سيد أحمد تدور حول محاور مهمة، منها التراث وقيم الأجداد والسابقين رجالاً ونساء، ومحور الحبيب الوطن بجانب قيمة الكرم المتأصلة في (الزول السوداني)، كما في أغنيته الخالدة (عمنا الحاج ود عجبنا) وتمسكه بتلك الخصلة الحميدة وهو يبحث عن الرغيف لإكرام ضيفه الذي حل به في منتصف الليل، وظل ود عجبنا مصراً على إكرام ضيفه وحتى وإن أدى ذلك الى فقدان حياته:

[العطبراوي]

بس عشى ال ضيف يا جماعة

ضيفي نازل ليهو ساعة

نهروهو ودفروهو

وامسى بايت في الحراسة !

[العطبراوي]

وها هي (السرة بنت عوض الكريم) تجسد قيمة المرأة السودانية الفاضلة بلسان الشاعر الفذ محمد الحسن سالم حميد وأداء الراحل مصطفى سيد أحمد، وهي تتمسك بقيمتها النبيلة بصبر وجسارة رغم الفقر وضيق العيش:

قعدت على طرف العنقريب

المحاذي الواطة

ضايرت التراب

كسر العويش الفوقو

شالت باصبعا

وشختت شخيت

الله يارب ... كربك كرب !!

[العطبراوي]

رغم الحيرة والشخيت على التراب لم تيأس السرة بت عوض الكريم وهي تشكر ربها حامدة شاكرة :

الله يارب العالمين

الماجحدنا نعمتو في الشوف والسمع

راحة الولاد

ولا غيرنا دين

[العطبراوي]

السرة بت عوض الكريم هي خير مثال لامرأة سودانية تزرع وترعى وتتمرد على عادتها وتقاليدها ولم تلبس ثوب الحضارة الزائف:

مرأة من قديم

مرأة بت رجال قالوا لا

واختاروا في الحق الجحيم

ومن رفقة الفسل الخلاء

[العطبراوي]

وفي سبيل هذه الكرامة والمحافظة خطت السرة بت عوض الكريم سيرة امرأة ترملت بعد استشهاد زوجها من أجل التراب وهي ترف ض كل من تقدم لزواجها في أنفة وشموخ حتى يكبر ابنها الوحيد (هاشم):

جوكي الرجال آ السرة بت عوض الكريم

من وين.. ووين !!

لا الكلو طين أغراكي

لا السمح الوسيم

آ السرة صددتي المشايخ والعمد

مرسالة ليك ضيعتي بي إنفة

كيف قلبك صمد

قصاد المغريات

ستين سنة آ السرة بت عوض الكريم

وعودك أمداً ما انحنى!

هو النيل انحنى!

[العطبراوي]

إن الفنان مصطفى سيد أحمد يلون الأشكال الإبداعية بريشته الفنية بصورة أدهشت شعراء تلك الأعمال وهم يتفاجأون بها في قالب لحني فريد أدهش شعراء تلك الأعمال، وعندما تسمع رائعته (عم عبد الرحيم) تتحرك في داخلك كل الأمكنة وتعرض أمامك الأشياء كشريط سينمائي بديع في لوحاته (التكل، المراح و شاي الصباح بطقوسه الأسرية المعهودة)، (الماهم قراب قربم العمل).. فالعمل له قيمة إنسانية عميقة الدلالات في طبطبة المواجع، واختلاط العرق بذرات التراب أثناء العمل يؤدي الى فتح آفاق المحبة والتوادد والمساواة بين الناس (الأجير والمؤجر)، طالما الكدح واحد وهم يأكلون من نفس الصحن ويضحكون من الأعماق، هذا هو سر إبداع الكاتب والمغني معاً.. ويستمر العمل في التداعي وهموم العمل واحتياجات البيت (حق الملاح، الطرق القديم، النعال)، كل ذلك يتداعى على خاطر عم عبد الرحيم وهو يمتطي حماره الفاره ويطقطق للحمار (طق.. طق)، بتلك الطريقة السودانية المميزة (للزول) السوداني، فتتداعى المشكلات على خاطره وبإخفاءه خفيفة تجتاح عم عبد الرحيم وهو على ظهر حماره أشعث.. أغبر.. مرهق الذاكرة، فإذا بدورية الكجر تقطع عليه حبل استرساله وتطيح به على السكة الحديد لتغرقه في دمائه ولسان حال المنادي يردد:

(عم عبد الرحيم قدامك قطر.. السكة حديد يا عم القطر)

وأخيراً طارت (دمعتين واتشايح وتر ... عم عبد الرحيم اتلافا القطر).

[العطبراوي]

هل يكون الموت نوعاً من تآلف
يحى فضل الله


سافرى فىّ شموساً ووتر
لأغنيك التماسك
أبتغى منك الوصول
أمنحى القمح الخصوبة
أمنحينى نفسى دون خوف
دون همس
وأمنحى المدن الدليل
فيا طفلة
ظلت تفتش عن ضفيرتها،
بين دمع ورحيل
هل يكون الموت نوعاً من تآلف
فى غيابات الخليل؟

فى هذا النهار ، نهار 21/6/96 أستمع إلى مصطفى وهو يدخل منطقة خوفى الميتافيزيقى ويغنى هذا السؤال: "هل يكون الموت نوعاً من تآلف..فى غيابات الخليل ؟"

ترى هل أملك المقدرة على أن أحيل كل ذلك إلى عمق التواصل الذى يجعل من الموت نوعاً من تآلف ... ذلك التآلف المجازى بين الموت وبين غيابات الخليل ؟.....

كنا نستمع ــ خطاب حسن أحمد ، بثينة محمد نصر التى خصتنا بهذا الإستماع إلى صوت خليلها الذى غاب ،، بشير لا يملك إلاّ أن يهرب من الغرفة خائفاً من دموعه .. كل ذلك كان بالإسكندرية ، حى الإبراهيمية حيث تسكن الأخت الحميمة بثينة محمد نصر زوجة مصطفى سيد أحمد ــ وولديه سامر وسيد أحمد ... بعدها غنى مصطفى قصيدة العميرى ذلك الذى تآلف مع الموت من قبل ....

"مكتوبة فى الممشى العريض شيلة خطوتك لى البنية "

لا أستطيع أن أصف ذلك الفرح الذى تداخل مع الحزن فى وجه خطاب حسن أحمد حين إكتمل غناء مصطفى لقصيدة العميرى كاملة لأننا كنا نبحث عن تكملتها حيث إستمعنا إليها ناقصة فى عدد من الأشرطة وأخيراً وجدنا تلك القصيدة كاملة هنا فى الإسكندرية بين ثنايا خطاب مسجّل من مصطفى إلى بثينة ... أعفونا من زخم المشاعر حين كنا نستمع إلى الغائب الحاضر وهو يتحدث أعفونى من أن أصف تلك المشاعر ... حقيقةً ليست لدىّ هذه القدرة .

[العطبراوي]

إلى إنبثاق نفسى على داخلى
أزهرى محمد على

مدخل أول

لمتين متيمم شطر النيل
متوقـّى اليابسة وواردْ
متوكـّى الغنية
عصا موسى
بتـْهـش فى غيم الإلفة الشارد
مهدودة القُدرة وفترانة
حردان الضل البارد
بتـْوجـّل لى يوسف فى البير
يطلع من بطن البير المارد!

مدخل ثانى

فات الكان بدّينا إحساس بالإلفة
وكان راوينا
فات الباكى جرحنا وناسى جروحو
ولافـّى ورانا مدينة مدينة
فات الصاحى
ونحنّ نغط فى النومة السابعة
طالق حســّو ولا حسـّينا
حتـْحـتْ فينا غناهو الطاعم
وفات قنعان من خيراً فينا

سلامات يازول يا رائع
سلامات عوّافى
سلامات يا خلاصة الخير الفى الناس
وترياق الزمن المتعافى
سلامات يازول يارائع
سلامات عوّافى

محاصر فيك
بسأل عن سكـّة تطلّع منك
أو سكـّة تودّى عليك
بسأل عن مخرج منك وليك
زى نهر بينبع وما لاقى مصب
بتمدد عشقك فى أقصى ضواحى الروح
لى أقصى نواحى القلبْ
يتكثـّف بسعة إطلاق الرّب
وأنا كنت بفلـّى القلب بسيرتك

سميتك حلاّب الغيم
من ضرع الجدبْ
وظنيتك مارست الفعل السرّى
وحفـّظت فحولة النيل أيام الخصبْ
ولمحتك وإنت بتتمشـّى وترقـّص فى حمامـكْ
على حُمــّة إيقاع الحرب
وتكلكل جلد الكلمة الحافـّة
لحبيبة بتفتح مجـرى الغنا فى الدم
وتفلّس باب القلب
فيا بنوت الشارع الطاعم قومنْ كبْ
قومن لى الما قصـّر فى غناكن ضُمـّة
ولا إتلوّم بى وراكنْ تبْ
ولو تبقى السكّة الجايّة ضهبْ
وسلامات يازول يارائع


البارح عصفورتك
ركـّتْ فى البال
رقـصتْ
وأدتْ عصفور الريد شبـّال
وطارت من قولة كرْ
ما الزول النهر العصفورة
بحرّض فى كلاب الحرْ
لابسنى وداخل فى اللحم الحى
راصد كل البسأل عن حالى
حرّش ضُلـّى علىّ
ونتـّف زغب الخاطرة
التخطر على بالى
ومنع العصفورة تحومْ
إستجوب كل الناس التجى فى النوم
ما تقومْ !
يازول يارائع .. ومهموم
يا مضـيـّع ضى عينيّى وراك
واقف حاحاى لى النوم
يا مستـّف رئة الدنيا شهيق
ومشحتف روح الخرطوم
كيف حال يا أبوى
كيف حال يا خال
وتعالْ !
إتفضّل على باحة بيتنا .. الطـّيب
ماعون الأطفال
ضمـّد جراحاتك تعال
من ضلاماتك تعالْ
أدّينا هينين من صبُرْ
السكّة أبعد من مشيك
والجرح أعمق من حدود الإحتمال
السابلة والأطفال هناك
قدّامك المشوار طويل

والريح وراك
كل البيوت
إتشرّفتْ لى طلعتكْ
والونسة ما كملتْ معاك
القرقراب والقهقهة
مين سمـّى ترحالك غياب!؟
والغيبة بتزيدك بها
لو يرتق الحزن المصاب
كان بعدك الموت إنتهى
يا أقصى حالات الحضور المشتهى
يا منـْتهى
تعال قـرّّحنـا بى دهشة غناك الحى
وحـّىْ من جرحك الدامى
وفترْ حيلك
وحـّى من ضُلـّك الرامى
وحملْ شيلك
تموت متل الشدر واقف
تموت واقف على حيلك
فيا حليلكْ

يا حليلك بنستنـّاك
على صهوة جياد الريح
بنستنـّاكْ
فى الزمن اللّديح القيحْ
بنستنـّاك
على باب الحلم فى غناكْ
بنستنـّاك
رحيلك شلهتْ الدنيا
ورتـّب العالم البى هناك
بنستنـّاك
وأنا تانى وراك شنْ لاحــقْ ؟
دهستنى فى بعـْدك حدو الخوف
الدّاخلة علىْ بالسـّاحق
أدّينى القدرة التمنحنى
بحجمـْبكْ سعة الشوف
لو أقدر أطل من شاهق
لو أقدر ألوّح لى عيونك
تلمحـْنى
وأنا ضعفى أمامك فاضحنى
سامحْنى
ما قدرت أطولكْ سامحنى

شفتك من وجع طالع
من برزخ ملتقى النيلين
كنت هناك وحيـْدك
وكل الناس إتنين إتنين
براك واقف فى حد السيف
براك .الما وقفْ بينْ بينْ
تغازل حلمك الفارع
فتح بابين على الملكوتْ
تسلـّمْ على حضرة جلال الموتْ
وتفتح فى الأرض نفـّاج
إذا إمتلأ الفراغ بالصوتْ
فيا باطن الأديم أفتح
براحات الحنين مشرعْ
وأندهْ لى مدن شاختْ
أنده لأطلال القرى الرّاحت
بيوت فى بيوت
تمرق من شبر مسرح
مدنْ فاضلة
وعالم بى إتساع الحلم
بقامة يشتهى التابوت
فما لفظ البحر يونس
ولا إنسدّت شهية الحوتْ !
ويا زول .. يا رائع
تمشى بى الحسرة ... وتموت؟
سلامات
يازول ... يارائع

[العطبراوي]

المشاء الأعظم بروح أيوبية
أسامة الخواض


هكذا كان " مصطفى سيدأحمد" المشـّاء الأعظم .. مشى بين الناس بالغناء فى الأندية والمعاهد والجامعات ودور التحالف ... ومشى وسط حقول الكلام يلتقط فى فرح ما طاب من بنفسجها وسوسنها وفلها .

ومشى فى قلب هموم الناس العاديين يلتقط بؤسها وأشواقها للحرية وللعشق .. وكان فى المشائين من فئة المتفائلين ..... يبشر " بالبنت الحديقة " والإنسجام وأن نكون " أهل البلد بالجد " ... كان أمة وحده وسط فوضى الواقع المهترىء .

وحين أصبح الوطن طارداً لمصطفى العذب ، حمل صوته وأمراضه وحقيبة معاناته ، وهرول فى إتجــاه صوت الوطن العمودى .

ما مر بأرض إلاّ وبكت شوقاً لصوته الممزوج بنكهة الألم والعذوبة ..." كانــت طرابلس والقاهــرة والدوحــة " تهتف فى جلال : " مصطفى سيدأحمد مرّ من هنا " .

كان يكتم عذابات مرضه العضال ، ويصر على الغناء .. كان حين ينهــض مــن غيبوبة غسيـل الكلى الممض ــ كمـا يروى مــلازموه ــ يحتضــن عوده ويغنى مسابقاً الموت ... كان يتشح دائماً وفى أقصى حالات الوجع .. بروح أيوب .

وفى موته كان ــ أيضاً ــ مشاءً عظيماً ... إستقل صندوقه المعقم ، ومشى وحوله المشــاؤون العـظام إلى بيـتـه الأثير لديه " معهد الموسيقى والمسرح " ...

وحتى حين سكن جسده " ود سلفاب " مسقط رأسه ، لم يركن إلى الراحة الأبدية ، ولكنه بدأ مشيه الحثيث الطويل فى مسارب الخلود والأسطورة كأعظم المشائين فى ذاكرة الشعب السودانى .

[العطبراوي]

الحبيب جميل الصفات المسافه

سلامات ياغالي


أبدأك من وين وفيني منك لسة حاجات
من مخاوف و من شجن
أبدأك من وين وظني إنك
فكرة إعلان الحيـاة
وانتهاء العوارض والمحن
نفسي ألقاك
وأكون كلى من بعضك
أو بعضي من كلك بدن
داير ألقاك وأوحد دايرة الدم
المسمة بيني بينك والشجن
أبدأك من وين

مسافه ايها الفاتح لمنافذ الضؤ فى ظلمات هذا الزمن الردى
سلامات يا ضو شبابيك البيوت

أطل مصطفي كسحابة عابرة ابتل بشحيح مائها سطح الارض وما يزال باطنها يتوق اليها, رحل كضوء البرق لم تكد تراه الاعين بوضوح فذهب والجميع فى دهشة وهلع. ؟؟؟ انه كرواننا الراحل المقيم الاستاذ الفنان المبدع مصطفى سيد أحمد. لم يكن رحيل الفنان مصطفى سيد أحمد عن حياتنا مثل رحيل كل الناس..... كان لرحيله معنى وطعم مختلفين تماما . أمتلا هذا الوطن ببحيرات وبرك الدموع التى ذرفت من قبل اصحابه , عشاق فنه ومحبيه ...... جاء كحلم رائع ورحل كطيف مسرع........ لم ......................................يبقى كثيرا وتركنا ورحل

ما انت كنت فينا النور والضياء
ما انت كنت فينا الهواء والماء
ما انت كنت فينا مبعث الامل والوفاء
ما انت وريتنا الحزن النبيل بيكون كيف
و جسدت لينا البت الحديقه
والطيور المهاجره وين
ما انت البدر الاختفي في نص الشهر
ما انت روحنا وحبنا


والله لن تتكرر الاسطوره العظيمه مصطفى سيد احمد فقد عاش في دواخلنا واحدا وسيبقى واحدا
فهو الحب الذي سكن الفؤاد ولن يخرج منه
الارحم الله مصطفى سيد احمد رحمة واسعه

وبجيك صادي تااااني
ابقي شمس مابتغيب
حمدي اب جقادو

[العطبراوي]

حكايات وحكايات عن الراحل مصطفي سيد احمد

[العطبراوي]

نقاوم تيار النسيان لكي يبقي الجمال فينا لو سالوني لنقشته علي الشجر علي الاحجارليبقي قرونا
ليحكي للاجيال القادمة عن سيرة عطرة, تمر بنا هذه الايام زكري رحيل الفنان مصطفي سيد احمد اجمل مابقي لنا من زكري الراحل تلك المعاني الانسانية الرائعة في اغانيه سطر لوحات رسمت واجه وتاريخ للفن السوداني

اقدم لكم هنا حكايات عن اغاني الراحل مصطفي سيد احمد ومهرجان لاغاني الراحل



حكايات ليه غبتى يا القمرا

[العطبراوي]

ليه غبتى يا القمره

كتبت هذه الاغنية لمسرحية " اربعة رجال وحبل " تاليف الفقار حسن عدلان ومن اخراج قاسم ابوزيد ..وهى واحدة من اغانى المسرحية وكلها من الحان الراحل المقيم مصطفى سيد احمد

مقدمة الاغنية او الجزء الاول منها الى المقطع " نشرب بواقى السيل " كتبه الاستاذ قاسم ابوزيد ويقول المطلع
الحال وقف
وقفت معاهو كمان بلود
نار الفرح ما ولعت
ساق الحراز كضب
شرب موية المطر
دلوكة العز والعزاز
ما خنقت
****
ليه غبت يا القمرة
نركب جياد الليل
إنشرّ بينّا صباح
سفر العتامير .. ليل
نرجاكَ فى المطرة
أرجع تعال .. يا شليل
دِرع الأميرة .. سـِرِق
سووهو حِدوة خيل
بحر العطاشة .. نِشِف
نشرب بواقى السيل
***********

[العطبراوي]

وبجرأة الفنان الواثق من أدواته التعبيرية يستلف مصطفى من " محمد الحسن حميد " بعض السطور والمفردات الشعرية ويمارس القص واللصق ليكمل القصيدة من أشعار" حميد " بالمقاطع التالية
صُدْ لى ملامحك يا حراز
ريح العوارِض ... غرّبتْ
فرتِق ضفايرك .. فى الرزاز
جية العصافير .. قرّبتْ

[العطبراوي]

عبقرية مصطفى قادته الى دمج نصوص من شعراء مختلفين فى التناول والاسلوب دون ان يختل المعنى العام للنص
او تحس انت كمستمع بان هذا النص او الاغنية لشاعرين
وانا اعتقد جازما والى اللحظة انه لم يكن لاحد ان يشك ان هذه الاغنية لنصين مختلفين لشاعرين هما حميد وقاسم والذى قام بالدمج هو مصطفى لوحده وليس الشعراء كما سنورد بعد قليل
وهناك نموذج اخر وان كان مختلف قليلا كما فى اغنية " طوريتك "حيث بدا كتابتها مصطفى بالمقطع ثم واصل فيها محمد المهدى عبد الوهاب واكمل القصيدة الشعر صلاح حاج سعيد دون ان نحس باختلاف اللون فى القصيدة مع اختلاف الشعراء وطريقة كل واحد واسلوبه فى كتابة الشعر وهى فكرة لا اعتقد انها تكررت بالقدر الكبير لاى فنان اخر ان يكتب اغنية ثلاث شعراء

[العطبراوي]

حكايات اغاني للراحل

[العطبراوي]

حميد والضو وجهجهة التساب

يقول محمد الحسن حميد اذكر انه احضر شريطا عليه قصيدتى – الضو وجهجهة التساب – واداره فجاء الصوت هكذا :-

(ديك كورتن فى الدشى غبشى مشكنة ) فما كان منه الا ان صاح فى وجهى :-

(ليه كورتن ؟ لفتن ماله يا شايقى يا مطرطش) وكان بعد ذلك ان ركن الشريط ولم يهدأ باله الا بعد ان طمأنته انها لفتن وستظل كذلك وليست كورتن .

وبعدها انطلقنا فى ذم الشعراء والكتاب اللذين يخجلون من نوار البرسيم والويكة البالغ الروعة فيغنون للياسمين الذى لم يرونه اصلا . ومن هنا يتضح ان مصطفى كان واعيا ومدركا لمصدر النص . وايضاً اصراره على كلمة(عنب ) فى رائعة بشرى الفاضل (حلوة عينيك )

[العطبراوي]

زى عنب طول معتق فى الخوابى – وباءت محاولاتى معه بالفشل لتغير كلمة( عنب )

الى( تمر ) برغم استنجادى بالشاعر اسماعيل حسن حين يقول:-

( ريقن يمة زى خمر التمور المن زمن طامرنو فى جوف الخوابى ) واننا نزرع التمر ونخفضه الى خمر او عرقى ولا نزرع العنب بل نراه فى الاسواق بعد كل هذه المرافعة عن التمر الا انه لجمنى هاشاً هذه المرة قائلا :-



(لو اسماعيل حسن كان عاش فى روسيا لامن عرس منها زى بشرى الفاضل كان قال اكثر من عنب , فشيل عليك تمرك آ الشايقى )

فسكت انا بعد ان ادركت عمق عناده فهو مصطفى لا يصطفى نصا مالم يقنعه النص ودائما ما كان يردد ان النص الجيد لا يحتاج الى عناء فى التلحين او الغناء

[العطبراوي]

كما قام مصطفى بحسه كشاعر بعديل كلمات او جزء من النصوص التى غناها فعدل كلمة فاس بكلمة ناس فى رائعة محمد طه القدال الحليوة ليلة المولد (سالتك بالذى ركز الارض معبد وسوى الفاس علها مقام ) (سالتك بالذى ركز الارض معبد وسوى الناس عليها مقام)

كما قام بتعديل كلمة الخلقك بكلمة الرسمك فى قصيدة عاظف خيرى اقتراح

( واكتشفنا الخلقك وانا) (واكتشفنا الرسمك وانا) والمغزى واضح من التغيير

وغير فى قصيدة حميد ايضا (كونشبر ..مرزبة..مقطع.. ريشة فانوساً ..مدَرْدَحْ) لتبصح

(كونشبر ..طورية..منجل ..سبحة .. فانوساً مدَرْدَحْ )

[العطبراوي]

شارك مصطفى فى كتابة حتى الفصول صابة الجفاف وطوريتك مع صلاح حاج سعيد زمحمد امهدى عبد الوهاب كما شارك مع مدنى النخلى فى كتابة علمى عيونى السفر وشارك مع د.عبد القيوم فى كتابة مت فى قلبى .

وكتب يا بت يانيل و صديقى الاول واخر شعاع وغدار دموعك وغيرها..

[العطبراوي]

واختار مصطفى15 بيتا متفرقاً من نص كان نفسى اقولك من زمان لصلاح حاج سعيد والذى كان يتكون اصلاً من ثلاثين بيتاً دون ان يختل المعنى العام . واختار عدد من الابيات فى قصيدة محمد الحسن حميد بين الموجة والخزان حلم انسان (هردت لهاتى بالغنوات) ليغنيها والنص الاصلى للقصيدة طويل جدا . وكذلك اختار ابيات متفرقة من نص شوق الشوك لحميد ايضاً من جملة النص الاصلى ايضاً . ومن قصيدة حميد (نورا والحلم المدردح) اخرج للنور وركب نصين هما نورا(وكتين يضيع عرق الجبه الشم) ويا مطرعزالحريق .

[العطبراوي]

ادناه :- النص الكامل لـ قصيدة حميد (نورا والحلم المدردح ) لاحظ كيف اختار منها مصطفى ما اختار من مقاطع ليكون نصوص جديدة لم يختل به النص الاصلى فى معناه ولا النص الجديد ايضا

[العطبراوي]

آه يا غُبُشْ

ما عندي ليكم غير نغيم ..برجوه ينفُض

لي غبار زمن القسا ..الكتّاح

يهِزْ عرجون نخل صبر الغلابة الطالْ ..

يحِتْ يخرِتْ ..تباريح الأسى الممدودة فوق نور الدُّغُشْ

يا نورا آه ..

يحرَد كنائسنا المسيح ..يعرش مدارسنا الصّدى

[العطبراوي]

ييبس .. يباس حلق العصافير الوديعة من البُكَا

يندَرْدَرْ الصّوت البعيدْ .. أسيان يصُد من دون صدى

ينكَفْرَنْ الفجر الصّبوح .. يحمي الزهيرات الندى

تختا الدراويش الضّريحْ .. يسكن خلاوينا الجنون

يهجر جوامعنا الإله يا نورا آه ...

تطرح غيوم الشوق تئِنْ .. تشرَقْ تموت

خيل .. كلمة الحق التّناهِدْ في الشِّفاه

تعقِر بسيمة الصِّحْ مع لوبي الجّروفْ

تغرِزْ ضريعات الحروفْ ينشف مُرَاح الأمسيات ..

[العطبراوي]

تتمطّق الأرضة المروق والأغنياتْ

اللّي الشّروق .. والأرضوالحب والمطر تضْهَب تتوه ..

وكتين يضيع عرق الجِّباه الشُّم ..

شمار في مرقة آه يا نورا آه ...

من دّرْبِكْ التّور نَفَس خيل الصّبُر ..

فَتّر خطاوي الشّوق وراه يا نورا آه ...

ساعة الشّموس الغُرْ .. تهضلمْ

[العطبراوي]

تلحق الصِّح في المغاربْ تدفر الضو الكهاربْ

في وشيّكْ تذفر المدن الضّبابية

السّرابية ... الكآبة

وحائط التيِّه والطّشَاشَات

فوق قِفيِّكْ يا أم عوارض .. مو دعاشة ..

ماها شبّورة وتقيفْ

جايي ليك يا نورا غيمة .. تملا ماعونك خريفْ

يملأ عينيك ويفضِّلْ .. يروي جوّاك ... العطاشة ..مو دعاشة

[العطبراوي]

يا مطر عِزْ الحريقْ يا مصابيح الطّريقْ

يا المراكبية البتجبِدْ من فَكْ الموج الغريق

يا الجزاير النتحويبا .. لما إنشعوز بحرنا

جينا ليك والشوق دفرنا

يا المراسي النتحويبا .. لما إنشعوز بحرنا

يا نشوغ روحنا ودمرنا

[العطبراوي]

يا المحطات الحنينة ... القصّرَت مشوار سفرنا

يا ما شايلك بيني حايمْ أيوة شايلك .. بيني حايمْ

في الأرِضْ تكوين قضيّة .. !!! في السّمَا الأحمر .. غمايمْ

بي برِدْ نغما السّلامِي . ..رَطّبَتْ حلق الحمائمْ

طنبر النّخل التبلدي .. راقص الأبنوس وصَفّقْ

سَوّتْ الصقرية موجة خَلّت النِّيل هاجلو هوجة

بشّرت بالخير بلدنا .. شالت الشّبَال نسائمْ

جدّدَتْ زلفي القديم ..أمشي بي الماشيبو أقاوم

لا بتكَبِّر راسي فورة .. لا بتصغِّرني الهزائمْ

جِنْس يا نورا ابن آدم ..حلمو في عالم مسالِمْ

[العطبراوي]

لا اللّيالي الماها ليّا .. لا الشّمَاتات العليّ

لا البنوك المخملية لا تفاهات الحضارة ..

لا عفاريت المدينة .. لا العمارات السّوامِق ..

فوق ضَهَر ناساً فقارى لا الهتاف الفاوة ضارى

غطى بالي من الفوارق .. لا الألوهة الطوطمية

لا البرندات الوسيمة .. ولا الأسامي الأجنبية

بتمحى من عيني ملامحِكْ .. وإنتي جاية المغربية

جايي دايخي المغربية .. وشِّك المقبول مكَنْدَكْ ..

سامسونايتك زمزمية

[العطبراوي]

كونشبر ..مرزبة..مقطع ريشة فانوساً مدَرْدَحْ

قلت بيهن لي زمانك .. يا زمان الحاجة عندكْ

يا زمان الآفة حدّكْ .. لا تطا الوردة الصبية

[العطبراوي]

يا نفس فجر القصائد .. يا بلادي

القَطَع قلب الرّوادي باللُّواج الجاي وغادي

ده ما هو صوتِكْ .. لاها صورتِكْ

دي البترقش ناديي فوق صدر الجرائد ..

ماها صورتك !!!! لا هو صوتك ..لاها صورتك !!!

إنتي يا الفي إطْن الصّحَارَى شُفّع العرب الفتارى

البَفِنّو الشايلا إيدُنْ .. ويجرو كابسين القطارة

يجرو باريين القطارة

[العطبراوي]

لا سراب الصّحراء موية ..لا حُجار سلّوم موائدْ

إنتي في الغابة اليصارِعْ .. جوفو للآهات تلكِّي

ياما دفّقْ غيم رجاهو ..لكن الأيام كركِّي

في خلا حالنا اليمحِّن .. ويملأ بالسُّهد الوسائدْ

إنتي غيمة ..شديرة ..خيمة ..

[العطبراوي]

إنتي جاهنا .. والتّقَا الطّلَقَت وشينا ..

فرّقَت غُمّة جباهنا فرّجت في الحارّة ضيقنا

فرّحَت شُفّع فريقنا والمواعين الحزينة ..وإتجاهنا

يا النغيم البقّ فينا .. وشدّ لي وتر إنتباهنا

يا تباشير يا بشارة إنتي يا ضرعاً تَكَرْمَشْ ..

شان يرضِّعني الجسارة

[العطبراوي]

إنتي في منفاي رفيقة .. وفي حشا الأشواق حرارة

يا هُدَى النّاس الحيارى يا ندى الفجر اليبلِّلْ

صور عوينات الفقارى

جاي ليك .. آه جاي ليك .. جاى ليك يا نورا آفة

آفة للسوس الجا ينقُرْ ..عود عشيماً داخرو فيكْ

وأصلي لمن أدور أجيك .. بجيك

لا بتعجِّزْني المسافة لا بقيف بيناتنا عارِضْ ..

لا الظُّروف تمسك في إيدي ولا من الأيام مخافة

يا نفس فجر القصائد .. ما ضِهِبْ في بُعدي عنِّكْ

واصلي متغرِّب عشانك .. راضي بالبيجيني منِّكْ

ما بكيت شُحْ اللّيالي لا شكيت نُحْ .. شلتو حالي

رغم إنو الحال بيفسَخْ .. إلا كُت في الحارة بصرخ

يا وطن عِز الشّدائدْ ... يا وطن عِز الشّدائدْ

كانت (ودسلفاب) تفترش الأمل وتتغطي بالنجوم المنثورة علي مداخل السفر في إنتظار عودته ، فإذا به يتوضأ ميمماً وجه السفر الوداع ويتمدد بطول الوطن وعرضه ذاك العنيد البهي الحافي علي أشواك الطريق مازال يحترف الغناء

[العطبراوي]

أغنية شقى الايام وحكايته مع يوسف السمانى

[العطبراوي]

أغنية شقى الايام وحكايته مع يوسف السمانى

عندما بدا المبدع مصطفى سيد احمد الغناء فى نهاية السبعينات كليا يعتمد كلياً

على الحان الاخرين امثال محمد سراج الدين ويوسف السمانى وعبد التواب عبد الله

وفتحى المك وسليمان ابوداوود واخرين ولم يكن يلحن لنفسه مطلقاً .

وعندما غنى اغنية (شقى الايام ) من كلمات عبد الرحمن مكاوى والحان

يوسف السمانى (بالمناسبة يوسف السمانى يعمل حالياً وكيل لقناة art بالخرطوم)

غنى مصطفى شقى الايام لمدة عامين متتاليين بعدها جاءه يوسف السمانى وقال له

بالحرف الواحد :- (حمد الريح بيدفع فى الاغنية دى 500 جنيه انت بتدفع كم؟؟

500 فى العام 1984 كانت تساوى كثيراً. يقول مصطفى :-

قلت له شكراً اخ يوسف واشكرك على الفترة التى غنيت فيها هذه الاغنية

واعتقد ان المسالة لم تصل لحد الابتزال ده ؟ وانك قد جرفك السوق حت تصبح للاغنية

بطاقة تسعيرة معلقة على رقبتها .

[العطبراوي]

عندها قام منتدى الحلفاية الذى كان يضم الشعراء عبد الرحمن مكاوى والتجانى حاج موسى

وعبد الوهاب هلاوى والصادق الياس واخرين بسحب اغانيهم من مصطفى وهى جمعنا قدر

ووالله ايام يا زمان والملام على التوالى فكف مصطفى عن ترديدها والملاحظ انه فى كل

شرائط مصطفى لم يرددها مصطفى ثانية .

[العطبراوي]

المهم بعد ان ذهبت شقى الايام الى حمد الريح كما ارد ملحنها يقول مصطفى :-

بدات ابحث جادا عن صيغة بديلة وخضت تجربة التلحين واكتشفت اننى قادرا على ذلك

وكان اول نص يقوم مصطفى هو المسافة ويا لها من روعة وياله من لحن ومنها انطلق

مصطفىوترك كل الشعراء السابقين واغنياتهم الى غير رجعة وتعامل مع شعراء جدد لم يكن

احد ان يسمع بهم مثل يحى فضل الله وقاسم ابو زيد والقدال وعبد العال السيد وغيرهم

والمؤكد ان مصطفى بعد تلك الحادثة وحتى وفاته كانت كل اعماله الغنائية من الحانه

ماعدا عملين هما للشاعر محمد مريخة ( كيف انساك وصابرين على الزمن ) وهما من الحان

الملحن عجاج فى ليبيا مطلع التسعينات لانه اعجب جدا بالكلمات وكانت مكتملة اللحن.

[العطبراوي]

شقى الايام ويوسف السانى و500 جنيه كانت سبب اتجاه مصطفى للتلحين لنفسه

والان وبعد ان رحل مصطفى وفى اى لقاء مع التجانى حاج موسى او عبد الوهاب هلاوى

عن اجمل كلماته بدون تردد تجدهم يرددون والله ايام يازمان و الملام وتناسو حادثة منتدى الحلفاية

[العطبراوي]

كان نفسى أقول لك من زمان

سر الاغنية التى كانت عند وردى 10سنوات فغناها مصطفى فكانت اجمل ما غنى ؟؟

[العطبراوي]

فى نهاية السبعينات وبينما كان مصطفى عليه رحمة الله يقلب فى اوراق

صديقه الشاعر صلاح حاج سعيد اذ به يجد نصا مليئاً بالشجون يتكون من

ثلاثين مقطعاً فاعجب به ايما اعجاب الا ان صلاح حاج سعيد اخبره ان هذا

النص تحديداً موجود لدى الفنان محمد وردى لاكثر من خمس او سبع سنوات

فلم يهتم مصطفى بعد ذلك بها.

[العطبراوي]

وبعد سنوات وتحديدا فى العام 1983 سال مصطفى صلاح عن ذلك النص القديم

وهل لحنه وردى ام لا فاجاب صلاح بالنفى .

عندها طلب مصطفى من صديقه ان يسال وردى عن النص ويستاذنه فى انه يريده لنفسه

, ليس تقليلاً من مقدرات وردى اللحنية كملحن بارع ولكن يمكن ان لا يكون النص قد وجد

هوى لدى محمد وردى خاصة وانه كان طويلاً جدا .

[العطبراوي]

وبالفعل اصبح النص لدى مصطفى

بابـيـاته الثلاثين ومقاطعه السته وبعدها شرع مصطفى فى تلحينه

وبعد ان اكتمل العمل اسمعه لصلاح الذى تفاجأ بالاغنية لان مصطفى

قلص الثلاثين بيتاً الى اغنية فى حدود 15 بيتاً دون ان يختل بذلك النص او المعنى

, فأخذ عليه رحمة الله بيتين من المقطع الاول وثلاثة من الثانى ومثلهما من الثالث

وبيتين من المقطعين الرابع والخامس وثلاثة ابيات من المقطع السادس

ليكون المجموع 15, بيتاً فدهش صلاح لان النص الجديد كان مترابطاً جدا

كانما كتب ككتلة واحدة ولم يؤثر عله الحذف واللصق والقطع

وهذا انما يدل على مقدرات مصطفى كشاعر مدرك لكينونة النص .

اضافة لذلك فقد كان اللحن غاية فى الروعة والجمال مليئاً بالتعابير الرائعة

[العطبراوي]

هذه هى قصة او سر الاغنية التى كانت عند وردى 10سنوات فغناها مصطفى فكانت اجمل ماغنى

هل عرفتم ماهى انها بالطبع كــ.....

كان نفسى قولك من زمان

بالكاتمو فى سرى ومكتم فى حشاى مدسوس سنين
كان نفسى قولك من زمان بالشايلو فى عينى معزة وفى القلب

ريدا يخاف الغربة والشوق والحنين
زاملنى زى خاطر الفرح وكتين يقاسم الهم عذاب
وقتين مدامعى تكون جزا وتفتح مباهج الليل ظنون

[العطبراوي]

كان نفسى قولك من زمان

سطوة محاسنك عندى ما كسرة جفون وكت العيون تعبرنى زى خاطر المسا
سطوة محاسنك ما الرخام الفى الحرير وكت الثغير يفجعنى بى حرفاً قسا
سطوة محاسنك عندى وكتين كبريائك ينهزم لى طيبتى بى لفظة حنان
وكتين مشاعرك تنسجم فى عمرى تنفح قلبى بى رعشة امان
سطوة محاسنك عندى وقتين شوقى يصبح فى هواك.. ليل عزة ما بتعرف هوان

[العطبراوي]

كان نفسى قولك من زمان عينيك وحاتك غربتى وأهلى وبلادى الفيها ضائع لى زمن..

عينيك وحاتك شوقى لى زولا ولوف.. من بعدو ساب عينى سهن
وأنا كنت دايرك من زمان أشرح حكايتى معاك الِـف
أحكيك وأزيد القول ولف وأتمنى لو قلبك عرف كان من زمان

من قبل مافى قلبى يتحكر زمان الفرقة فى جرح لأسى

من قبل ما حرف الحقيقة الحلوة يتبدل عسى ويصبح امانى كتيرة فى خاطر الحنان

كان نفسى اقولك من زمان

[العطبراوي]

اغنية تراتيل– ديمة بتامل عيونك – ناجىقدسى وبسببها كاد أن يحطم مصطفىعوده

[العطبراوي]

يقول الاستاذ محمد صالح مدير مدرسة الراشدين بالحلة الجديدة

إنه قد حضر لزيارة مصطفى فى بداية الثمانينات بصحبة الملحن المعروف ناجى القدسى حيث أحضر له ناجى لحن جاهز
والكلمات للشاعر حسن ساتى وهى الاغنية المعروفة باسم( تراتيل )ويقول مطلعها (ليه بتسال ديمة بتامل عيونك ) وبدأت البروفات وكان أول لقاء بين ناجى ومصطفى ثم توالت اللقاءآت بمنزلى

وفى مرة من المرات قال لى ناجى حاول تقنع صاحبك مصطفى وقول ليهو إذا داير عدادات وقروش يتلحلح ويتحرك شوية , وبعد البروفة حاولت الحديث مع مصطفى عن طريق الهزل وقلت له ان الغناء فى الخرطوم دايرحركة شوية ففهمها مصطفى طوالى وقال لى عاوزنى أرقص .. كلم قريبك دة ويعنى ناجى قول ليهو إذا داير يطلعنى قرد أنا ما عايز غناهو دا .. وغضب غضبا شديد وكاد ان يحطم عوده على الارض وكان حازماً وجاداً ورفض أداء أغنية تراتيل الى أن أقنعناه بأن ناجى القدسى كان يمزح بطريقته المعروفة ..وحتى يرضيه ناجى فقد وعده بتلحين نص قصيدة (أجراس العودة أوجبل الزيتون ) وبالفعل فقد لحنها له وصادفت هذه القصيدة هوى لدى مصطفى وأعجب كثيراً باللحن

[العطبراوي]

زمن بروح وزمن بــجى

[العطبراوي]

زمن بروح وزمن بــجى

الاغنية عبارة عن عمل مشترك بين الشاعرين قاسم ابوزيد ويحى فضل الله وكتبت لمسرحية " ضوء البيت " وهى من اعداد الشاعر محمد محى الدين عن رواية للكاتب السودانى الطيب صالح واخراج قاسم ابوزيد وهى المسرحية التى جمعت بين مصطفى سيد احمد والشاعر محمد الحسن حميد على خشبة مسرح قاعة الصداقة فى يونيو 1985 ووقتها لم يلتقيان من قبل . لحن مصطفى كل اشعار المسرحية وغناها بل كان يصر اثناء التلحين على حضور ومتابعة البروفات ومعرفة ادق تفاصيل العرض والمعالجة البصرية الموازية للشعر واللحن وهل المشهد يتوافق مع النص الشعرى والغناء ام لا

زمن بروح
قاسم ابوزيد + يحـى فضل الله
**********
زمن بروح
وزمن بجى
لا شهراً بفوت
زى شهراً بجى
والصبح يغوص
فى ليلاً بجى
والليل فرح
صبحاً بجى
ود حامد اشهق
للخير يجى
للخير بجى

الشاعر محمد محى الدين - خريج معهد الموسيقى وهو من مدنى وقد غنى له مصطفى سيد احمد نص شعرى
بعنوان المناديل الوضيئة ستاتى

[العطبراوي]

نوادر ضرب الابرة فوق الابرة

[العطبراوي]

يقول مدني النخلي بأن هنالك قصة غريبة حصلت قبل وفاة مصطفى سيد احمد بحوالي عشرين يوماً وهي : كان الراحل في ذلك اليوم عائداً من جلسة غسيل الكلي وكان اليوم هو الأربعاء ، وبالطبع هنالك مرضي آخرين يغسلون في نفس غرفة الغسيل مع الراحل مصطفي ، وكان احدهم قد غطت طعنات إبرة الدريب علي كل جسمه بحيث لم يبق مكان ليس به ضربة إبرة ، مما يضطر طاقم التمريض بأن يغرزوا إبرة مكان إبرة قديمه ، وهنا يحدث الألم الشديد وقد شاهد الراحل تلك الآلام علي وجوه المرضي ، وعند عودته إلي البيت لم يجد نفسه إلا وهو ممسكاً بالقلم ليكتب مقطعاً شعرياً حول تلك الحادثة ، وقد أسماه ( ضرب الإبرة فوق الإبرة) ثم طلب من مدني النخلي تكملة النص ، ولكن مدني لم يستطع ذلك حتي لا يسبب معاناة جديدة تذكر الكروان بضرب الإبر عند غسيل الكلي، ولكن بعد رحيل مصطفي كتب مدني مقطع قصيدة الراحل ثم أكملها ، وكان المقطع الذي كتبه مصطفي سيد احمد يقول فيه:

ضرب الإبره .. فوق الإبره
راسم زي وشم..فوق ساعدو
كل مايقول قريب00
تعكس ظروفو .. تباعدو
راكز ..في الزمن
ماطر سماهو ورعدو
فوق حدب الصبُر
مترجي ..زولو الواعدو

[العطبراوي]

وبعد رحيل الكروان أضاف إليها مدني النخلي قائلاً:

غنيلنا ..قول يازول

بُعد السمافه براح

من جرحك النزاف

رسِّل .. غناك صداح

نوِّر مداخل الليل

بصبحك الفضاح

شِد الوتر ..دندن

وأفرد نداكَ.. وشاح

طيور القمري.. ماغنت

ولا لوّن مداك شادي

حليل ولداً بشيل همّك

شرّ غناهو في الوادي

نده مطراً سحايبو ملت

وشتت برقو عبّادي

وليد الصابره ( ست الجيل) *

رقد واقف قصاد النيل

حبيباً جرحو فينا نزيف

وفكراً فاتح التأويل

مرق من بين ضفاير البنت

حبيبتو اللونا.. كاكاوي

نهارا شمالي .. كتـّاحه

مناخا جنوبي..غرباوي

دخل شرق الحِلم حفيان

سند ظهراً .. حناهو الهم

حليلو الكان جميل النم

حليلو .. البينّا خوة دم

[العطبراوي]

تلك كانت ضرب الإبرة فوق الإبرة التي تحولت من قصة معاناة إلي مرثية بلون آخر من الوان مرثيات مدني النخلي المتعددة ، فالرجل لايزال وسيظل مسكوناً بحب صديقه كروان السودان الراحل مصطفي سيد احمد0 نعم000سيظل وجع فقد هذا الكروان هو وجع القصيدة السودانية علي إمتداد مساحات الزمن وعلي إمتداد تراث وتاريخ الفنون والآداب في بلادنا

[العطبراوي]

بعض تعليقات الاجانب عن الغائب الحاضر المرحوم الفنان الاستاذ مصطفى سيد احمد

[العطبراوي]

الشاعر المصري حسن بيومي معلقا علي قصيدتة ( ثلاث ورقات من اشجار يحي )
والتي اجتزاء منها مصطفي مقطعا وغناه وعرف باسم ( عجاج البحر) قال :

ياله من رائع , صوتة يشبه موجة عريضة تطوف بكل حواف الكون ثم تتكسر الى مالا نهاية.

الموسيقار الاسترالي روس بولتر معبرا عن دهشتة من مصطفي :

احسست بصوتة مغموسا في شجن متواصل كان هناك حريقا الم بروحه انه يغني من القلب الى القلب

[العطبراوي]

يقول مدني النخلي : من الاشياء التى لا أنساها أبدا هي عندما أتي الفنان خالد محجوب(الصحافه) إلي الدوحة وطلب منه مصطفي قبل إسبوعين من وفاته أن يحفظ لحن أغنية محددة ليتغني بها خالد ، وأمسك مصطفي بالعود وطلب من خالد مصاحبته بالأورج ، كما أدار مفتاح المسجل لكي يحفظ اللحن في كاسيت، لأن مصطفي كان لديه تفاني عجيب مع الواعدين ، وتأتي المقادير أن يسافر خالد الصحافه إلي البحرين القريبه من الدوحة جواً لإحياء حفا للجاليه السودانيه هناك ، فتوفي الكروان بعده بيومين فقط ، فغفل خالد راجعاً ليكون في وداع الجثمان قبل نقله إلي الخرطوم وقد كانت تلك الأغنيات التي تم تحفيظها لخالد هي (علمي عيوني السفر) وأيضا ( بنحكي ليك) والتي كتب مطلعها الأول الكروان مصطفي وأكملها مدني :النخلي ، وتقول مفرداتها :


لما تروق بنحكي ليك

عن الغربه وبحور الشوق

وكيف صِبح المحال رحّال

يلميلم في زمن ممحوق

نهارات الأسي الحراق

وقبل الراحل المحروق

بنحكي ليك

[العطبراوي]

كان ذلك هو مطلع الأغنية التي كتبها الكروان بخط يده والذي لايزال يحتفظ به الأستاذ مدني النخلي، وبعد ها أضاف مدني حينذاك باقي القصيدة ، حيث يتضح مدي التوافق ومدي إنسجام الإحاسيس المسكونه في وجدان كل من الكروان الراحل مصطفي سيد احمد ومدني النخلي:
بنحكي ليك عن النجم

القدُر ماكاس..

شرد تايه

وليلنا الدقّ ميس الليل

عن الوتر .. الرطن مشدود

نزف مشدود

صليل سيفنا

رباط الخيل

عن كل الوقف سردب

أخو البنوت

ضرا المشكوف

ذخر الحارّة .. جمل الشيل

بنحكي ليك

[العطبراوي]

ولأن مدني النخلي كان يعرف حقاً مدي حب وتعلق والدة الكروان الراحل مصطفي بالسيدة والدته ( ست الجيل) في ودسلفاب ، حيث كان مصطفي يتحدث عنها كثيراً وبتضحياتها من اجلهم ، وكانت مثلاً للأم الرمز ، ولذلك فقد كتب فيها الأستاذ مدني النخلي هذه الأشعار:

ست الجيل .. الطرب العالي

نجم الأمل .. الببرق عالي

يا متكيه علي الطوريه

واطيه الجمره وصافيه النيه

وآه من حزنك ياقمريه

***

[العطبراوي]

آه من جرح الوالده الفارق
خلا غمام البلد يتباكي

من تالاكم .. لي تركاكا

وآه ياريح الحزن العاتي

ياالبددتي الأمل الداخل

حس الورده.. وجايي يتاتي

خشم البيت العامر فاتح

ضم الناس .. وهبوبو تكاتح

وعصراً بدري .. مرقتي تغني

[العطبراوي]

للأرياف والناس الكاتحه

ضد الزيف والجهل المدّد

ريح الهم والمرض الكاسحه

وزي ما غني وليدك وأطرب

إنتي كمان غنيتي حزينه

شدّوا بِكا شجر وادينا

عمّق فقد الوالده حزينه

وفقدك أعظم يامسكينه

[العطبراوي]

غنى مصطفى سيد احمد لاول مرة رائعة الدوش سحابات الهموم عند وفاة أخته مريم

اخته مريم.. صغرى اخواته , كان يحبها حبا شديداً بينه وبينها ود جامح ..كان كثير التعلق بها فقد كان يرى فيها المستقبل الجميل والحياة الرائعة ,لذلك كانت قريبة منه حيثما كان وكانت تشغل تفكيره كثيرا لذلك اسهم فى تعليمها واكمال دراستها الجامعية حتى يتسنى له رؤيتها شامخة بقامة الطموح والامال التى عقدها عليها ..
الا ان الرياح لم تكن تجرى فى الاتجاه الذى خطط له مصطفى .. بغتة فؤجئت الصغيرة بمرض عضال انهك جسدها وكان تاثير مرضها واضحًا عليه واخذ من وقته هو وصحته هو الكثير ..ورغم ذلك ظل صابرا قوى الشكيمة كالعهد به دائماً ..
وذات ليلة جاءنى ليوقظنى وهو صامت .. نظرت اليه فوجدت كل حزن العالم فى وجهه .. نقل الى خبر وفاتها بالمستشفى ..تقاسمنا الدمع والوجع والحزن معا ونحن نحمل جثمانها الى ودسلفاب..

[العطبراوي]

كل شى كان يلفه الوجوم فى القرية الصغيرة ..وصولنا المفاجئ قرب الفجر ما كان له ان يهز سكون الليل لولا صائحة فجرت قشرة الصمت لينفجر الحزن وافواج الرجال والنساء جاءوا من كل حدب وصوب معزين وباكين حتى مطلع الشمس ..
حملنا الجثمان ليوارى الثرى كانمصطفى رابط الجاش صابراً هادئا ًوبعد انتهاء الدفن وفى طريق العودة دعونا الله سبحانه وتعالى ان يدخلها الجنة مع الصديقين والشهداء

[العطبراوي]

طرقت عليه بابه فى آخر مساء بعد رحيلها بثلاث أسابيع صافحنى و قبل ان يتركنى احيى بقية افراد الاسرة الكريمة اخذنى بيده الى غرفته ثم اجلسنى على اقرب معقد ثم تناول عوده .. تقوس حوله بعشق حان تماوهت الأوتار مع أصابعه , كعصفور جريح ,و مع ضربات الريشة , تسرب اللحن شفيفاً ,ثم رفع راسه وحدق فى البعيد .. اطلق خيول صوته فى كل الاتجاهات .. وكانت تلك المرة الاولى التى يغنى فيها رائعة الدوش سحابات الهموم بكن يا ليل بين السكوت والقول

[العطبراوي]

بين رشفة الشاى الذى يحبه فى كل الاوقات يسالنى دائما بين لحظة والاخرى ويومها تحدث كثيرا ..عن الديانات القديمة والموت والحياة والبعث وعن طائر " الفينيق " الذى يتوالد من رماد كلما احترق وعن الطاقة الذهنية للانسان والاحلام
وعن .. وعن ..وعن ... وعندما صاح الديك معلنا قدوم الفجر لم يتوقف وحكى عن اخته مريم التى ترفرف الان حولنا ويكاد يشم رائحتها .. تحولت انا الى تلميذ وديع يحاول ما استطاع حصر هذه المعلومات التى تتدفق منه .. وكان هو مصطفى قدرته الدائمة على معرفة الاشياء فاذا تحدث فى موضوع اجاد كانما تخصص فيه منذ ميلاده .و..و اشرقت الشمس

[العطبراوي]

تعالو ايها الجوعى تعالو ايها الفقراء ..
فقراء نحن له الان يا " بثينة " بالحاح اكثر مما مضى هاهو عاد فقيرا كما جاء
لقد توارى منا جميعا واختبا بعيدا يا "سامر" ويا " سيد احمد " وهو الذى لا يقول وداعا فاين يختبى منا؟؟ فهو لا يجيد غير الوضوح والسطوع .. هل يستطيع الاختباء ؟؟ هيهات ان يتوارى فهو بيكم.. بين تلك الجموع .. قد لا نراه ولكنه بيننا مبتسما ينقش اسطورته هو كالنجم جاء كانجم اضاء كالنجم افل
ايها الرائع الذى اهدانا بوح انسانيته غناءا شجيا ورحل .. نم هانئا عليك رحمة الله بقدر ما اعطيت وقدمت واسعدت

[العطبراوي]

سحابات الهموم
عمر الطيب الدوش
*************
سحابات الهموم .. ياليل
بكن بين السكات والقول
وباقات النجوم الجن
يعزن فى المطر..
فاتن عزاك .. رجعن
وشوق رؤياك زمان مشدود
على أكتاف خيول... هجعن
وصوت ذكراك .. مكان يجرى
يلاقى السيل ...
وسر مدفون بصدر النيل
**********
ولولا الذكرى مافى أسف
ولا كان التجنى ... وقف
وصوت ذكراك رزاز صفق
على خطوات بنات .. سجعن
وشوق رؤياك ..
حنين لى رحلة فى المجهول
ولولا الذكرى مافى ..وصول
ولولا الذكرى مافى ..
إصول..
ولولا الذكرى مافى شجن

[العطبراوي]

سر الاغنية التى كانت عند وردى لسنوات فغناها مصطفى سيد احمد فكانت من اجمل ما غنى ؟؟

فى نهاية السبعينات وبينما كان مصطفى عليه رحمة الله يقلب فى اوراق الشاعر صلاح حاج سعيد اذ به يجد نصا مليئاً بالشجون يتكون من ثلاثين مقطعاً فاعجب به ايما اعجاب الا ان صلاح اخبره ان هذا النص تحديداً موجود لدى الفنان محمد وردى لاكثر خمس سنوات فلم يهتم مصطفى بعد ذلك بها.




الشاعر المرهف صلاح حاج سعيد
.......................
وبعد سنوات وتحديدا فى العام 1983 سال مصطفى صلاح عن ذلك النص القديم وهل لحنه وردى ام لا فاجاب صلاح بالنفى .
عندها طلب مصطفى من صديقه ان يسال وردى عن النص ويستاذنه فى انه يريده لنفسه , ليس تقليلاً من مقدرات وردى اللحنية كملحن بارع ولكن يمكن ان لا يكون النص قد وجد هوى لدى محمد وردى خاصة وانه كان طويلاً جدا . وبالفعل اصبح النص لدى مصطفى بابـيـاته الثلاثين ومقاطعه السته وبعدها شرع مصطفى فى تلحينه
وبعد ان اكتمل العمل اسمعه لصلاح الذى تفاجأ بالاغنية لان مصطفى قلص الثلاثين بيتاً الى نص جديد واغنية فى حدود 15 بيتاً دون ان يختل بذلك النص او المعنى الاصلى
, فأخذ عليه رحمة الله بيتين من المقطع الاول وثلاثة من الثانى ومثلهما من الثالث وبيتين من المقطعين الرابع والخامس وثلاثة ابيات من المقطع السادس ليكون المجموع 15, بيتاً ..فدهش صلاح لان النص الجديد كان مترابطاً جدا كانما كتب ككتلة واحدة ولم يؤثر عله الحذف واللصق والقطع
وهذا انما يدل على مقدرات مصطفى كشاعر مدرك لكينونة النص . اضافة لذلك فقد كان اللحن غاية فى الروعة والجمال مليئاً بالتعابير الرائعة

هذه هى قصة او سر الاغنية التى كانت عند وردى لسنوات فغناها مصطفى فكانت اجمل ما غنى

هل عرفتم ماهى انها بالطبع كـ.....

كان نفسى قولك من زمان
بالكاتمو فى سرى ومكتم
فى حشاى مدسوس سنين
كان نفسى قولك من زمان
بالشايلو فى عينى معزة وفى القلب
ريدا يخاف الغربة والشوق والحنين
زاملنى زى خاطر الفرح
وكتين يقاسم الهم عذاب
وقتين مدامعى تكون جزا
وتفتح مباهج الليل ظنون
*****************************
كان نفسى قولك من زمان
سطوة محاسنك عندى ما كسرة جفون
وكت العيون تعبرنى زى خاطر المسا
سطوة محاسنك ما الرخام الفى الحرير
وكت الثغير يفجعنى بى حرفاً قسا
سطوة محاسنك عندى وكتين كبريائك ينهزم
لى طيبتى بى لفظة حنان
وكتين مشاعرك تنسجم فى عمرى
تنفح قلبى بى رعشة امان
سطوة محاسنك عندى وكتين شوقى يصبح فى هواك
.. ليل عزة ما بتعرف هوان
***************************
كان نفسى قولك من زمان
عينيك وحاتك غربتى وأهلى
وبلادى الفيها ضائع لى زمن..
عينيك وحاتك شوقى لى زولا ولوف..
من بعدو ساب عينى سهن
وأنا كنت دايرك من زمان
أشرح حكايتى معاك الِـف
أحكيك وأزيد القول ولف
وأتمنى لو قلبك عرف كان من زمان
من قبل مافى قلبى يتحكر
زمان الفرقة فى جرح لأسى
من قبل ما حرف الحقيقة الحلوة يتبدل عسى
ويصبح امانى كتيرة فى خاطر الحنان
كان نفسى اقولك من زمان

[العطبراوي]

الاغنية التى لحنها الفنان على السقيد وغناها مصطفى هى السحاب لو اصلو خاصمنا وتعب وهى من كلمات الشاعر الرقيق يحى فضل الله ويقول مصطفى بنفسه فى احدى الحوارات التى اجريت معه فى العام 1993:-

على السقيد كان دفعتى فى معهد الموسيقى وهوانه فنان كل اخوانه فنانون وهو من الاوائل اللذين تعاملوا معى فقد لحن لى اغنية السحاب وهذه معلومة غنائية يجب ان تعرف للعامة إحقاقا للحق وهو ملحن مقتدر واتنبا له بمستقبل باهر .....
وكان لهذه الاغنية الاثر الكبير فى تثبيت اقدامى فى بداية مشوارى الفنى ف للاخ على السقيد منى التحية على البعد ....

طرحت فى بوست سابق فى شكل مسابقة لمن يتعرف على هذه الاغنية وكان الشخص الوحيد الذى تعرف عليها هو الاخ ابو السرة فله التحية والاهداء له كما وعدت بذلك ومن هنا نحى اخونا الرقيق يحى فضل الله والاهداء له ايضا

اغنية السحاب بمصاحبة الاوركسترا فى تسجيل نادر

[العطبراوي]

السحاب
يحى فضل الله
*********

السحاب لو اصلو
خاصمنا ... و تعب
و الرياح الفي الدرب
شتّتتْ فرح القوافي
و بّددت حزن المنافي
مددت بعد المنافى
برضو ريدك فينا باقي
ريدك انتى فينا باقى
في الحنايا ..وفى الزوايا
في عيون أطفال بتكتب بالدوايا
في المشاوير والحكايا
و جّوه ثابت في القلب
************
يا سمحه ما غابت مدينة
يا سمحه ما بموت الفريق
و لابينهش في غناوينا الحريق
و الوتر دايماً بغني ..
للقوافل الجاية من وجع الطريق
*******************
و السحاب برضو بيعود
ويجينا بي بريق البشارة
بينا بينك لا موانع لا سدود
بيناتنا بس تبقي الجسارة

[العطبراوي]

قصة اغنية ليه غبت ياالقمرة

[العطبراوي]

كتبت هذه الاغنية لمسرحية " اربعة رجال وحبل " تاليف الفقار حسن عدلان ومن اخراج قاسم ابوزيد ..وهى واحدة من اغانى المسرحية وكلها من الحان الراحل المقيم مصطفى سيد احمد

مقدمة الاغنية او الجزء الاول منها الى المقطع " نشرب بواقى السيل " كتبه الاستاذ قاسم ابوزيد ويقول المطلع

الحال وقف
وقفت معاهو كمان بلود
نار الفرح ما ولعت
ساق الحراز كضب
شرب موية المطر
دلوكة العز والعزاز
ما خنقت
****
ليه غبت يا القمرة
نركب جياد الليل
إنشرّ بينّا صباح
سفر العتامير .. ليل
نرجاكَ فى المطرة
أرجع تعال .. يا شليل
دِرع الأميرة .. سـِرِق
سووهو حِدوة خيل
بحر العطاشة .. نِشِف
نشرب بواقى السيل
***********
" قاسم "

وبجرأة الفنان الواثق من أدواته التعبيرية يستلف مصطفى من " محمد الحسن حميد " بعض السطور والمفردات الشعرية ويمارس القص واللصق ليكمل القصيدة من أشعار" حميد " بالمقاطع التالية

صُدْ لى ملامحك يا حراز
ريح العوارِض ... غرّبتْ
فرتِق ضفايرك .. فى الرزاز
جية العصافير .. قرّبتْ
"حميد"


عبقرية مصطفى قادته الى دمج نصوص من شعراء مختلفين فى التناول والاسلوب دون ان يختل المعنى العام للنص
او تحس انت كمستمع بان هذا النص او الاغنية لشاعرين
وانا اعتقد جازما والى اللحظة انه لم يكن لاحد ان يشك ان هذه الاغنية لنصين مختلفين لشاعرين هما حميد وقاسم والذى قام بالدمج هو مصطفى لوحده وليس الشعراء كما سنورد بعد قليل

وهناك نموذج اخر وان كان مختلف قليلا كما فى اغنية " طوريتك "حيث بدا كتابتها مصطفى بالمقطع ثم واصل فيها محمد المهدى عبد الوهاب واكمل القصيدة الشعر صلاح حاج سعيد دون ان نحس باختلاف اللون فى القصيدة مع اختلاف الشعراء وطريقة كل واحد واسلوبه فى كتابة الشعر وهى فكرة لا اعتقد انها تكررت بالقدر الكبير لاى فنان اخر ان يكتب اغنية ثلاث شعراء

[العطبراوي]

الشاعر محمد المهدى عبد الوهاب يحكى فى بوح حميم عن صديقه مصطفى سيد احمد

[العطبراوي]

.....إنتقالى للسكن معه بمنزل الايجار......


فى العام 1982 حطت بى الايام لاسكن مع صديقى مصطفى فى نفس بيت لقاءنا اول مرة ومعنا صديقه معاوية سعد ورابعنا كان قريبه انور محمد الحاج وعشنا كلنا فى تالف ووضوح ومن حولنا الجيران من مختلف الجنسيات يجمعهم الفن وحب الطرب ذلك هو فريق ارض الحيوان الحى الكائن غرب الديوم الغربية والمتاخم لجنوب السجانة.

[العطبراوي]

.....حياة العزابة والبروفات الغنائية ……..


فى فناء الدار وبعد الغداء يجتمع الموسيقيون لاداء البروفات فيتحلق حولهم متفرجون من مختلف الاعمار يحفظون اغانى مصطفى ويرددونها فى نشوة ويستمع مصطفى لاراء العازفين وياخذ ببعضها ,باب البيت مفتوح لا احد ينهر احد حتى الصغار والاطفال العملية الفنية متاحة للجميع , وفى الاستراحات يتقدم طفل ليعزف على الاكورديون فيساعده العازف عبد الرحمن

[العطبراوي]

.....قصة الفتاتين الاثيوبيتين اللتان كانتا تسكنان معنا.....


هاتان الفتاتان لجاتا للسودان وذات يوم عرف مصطفى من احداهن انها واخواتها يلاقين مضايقات لا حصر لها من الرجال والمؤجرين والسلطات فأفرغ المطبح من محتوياته وحوله الى حجرة لهن بها سريرين ودولاب ثم شجعهن فالتحقن بدراسة مسائية وفى الصباح تقومان ببعض الاعمال المنزلية مدفوعة الاجر مثل الطبخ والكنس وكى الملابس وفى المساء عندما يعدن من الدراسة تنضمان الينا وتعيشان كما تعيش ست البيت فى منزلها والويل كل الويل لاى متانق مختال يحاول اغوائهن او يقل من ادبه امامهن فالفلاح اخو البنات لا يرى الا الاحترام الكامل لانسانيتهن ...اعلم ان هاتيتن الفتاتين اينما كانتا هما الان من اشد الناس حزناً عليه ..

[العطبراوي]

...قصة اغنية اخوان الانسانية ..(ما بين زمناً متمنيهو وزمناً منك زادنى اسية)....


ضمنى مصطفى لهمومه الخاصة ووثق بى وانى احترم هذا جدا وكنت اشركه فى كل ما يحدث لى وحدث ان لاحظ بحسه انى مهموم ومحبط فسالنى بحنو ورقة عما بى.. فعرف ان معلول وعاشق حتى العظم بحب عظيم فوجدته حكيما ًوعالماً بمثل هذه الامور وكان بمثابة البحر فى رقته فكتبت ان مصطفى هو ..(البحر الما خلانى اعيش برانى )..وبعدها سافرت لبراغ ناسياً..
( طفت الدنيا عشان انساك وانسى الحزن الطارد ليا ).. و(مداريا الحزن الاكبر بين الصيف وجمال المنظر ).. فكان ان سطرت واحدة من اصل ثلاث قصائد غنائية هى كل ما كتبت فى هذا المجال الابداعى وكانت اخوان الانسانية التسامح والمحبة لكل الموجودين وبينهم مصطفى ..( كنت بتطلعىمن عينيهم وكتين يفرحو او يندهشو او يفترشو سواعد بعض).. بين سطورها تمجيد لحبى الفاشل واعتزاز باصدقاء افاضل مثلوا العلاقة بين الفرد والفرد والجماعة والجماعة
فكانت احلى العلاقات لانهم ازالوا عنى الهم الذى كان يلازمنى.. ( مااحلاهم شالو معاى الهم بالجملة وفضلو يغنو يغنو) ...

[العطبراوي]

شعراء مصطفي سيد احمد
حنبداء بشعرنا الكبير..محمد الحسن سالم حميد
عم عبد الرحيم

فتّاح يا عليم

رزّاق يا كريم

صلى على عجل

همهم همهمة

حصّن للعباد .. وهوزز سبحتو

دنقر للتراب .. هم فوق هم هما

صنقع لى السما

وكان فى الجو فى غيم

وكم نجمات بُعاد

وكان الدنيى صيف

لا قالتلوا كيف

.. كيف أصبحت .. كيف

لا لمسة وداد

لا لمسة حنان

لا رمشة طِريف

من قلباً وفى

زى أيام زمان .. أيام الدِفِى

كانت ماها فِى .. كانت فى المراح

شدَّتلو الحمار .. تحلب الغنم لى شاى الصباح

والطير ما نضم .. ما رسـّل نغم

[العطبراوي]

عم عبدالرحيم

إتوكـّل نزل .. فى المُشرَع لِقَى

زُملان الشقا

الجا من الجريف .. الجا من الجبل

علْ الناس بخير

صبّح هاظرُمْ .. نقْنقْ ناقَرُمْ

غاظوهو .. ونعَل

وعم عبدالرحيم ما بخَبِر زعل

كل الناس هنا ما بتخبِر زعل

تزعل فى شِنو .. وتزعل من منو..

كل الناس هِنا .. كل الناس صِحَابْ .. كل الناس أهَل

والماهُم قُرَاب .. قرّبـُمْ العمل



الطاق اليَطُقْ .. عشتْ .. آ .. أبوالزَمَل

بى الحال العليك .. بى الفال .. بى الأمل

عم عبدالرحيم ..

كُتْ فلاح فى يوم

فى إيدك تنوم .. على كيفك تقوم

لا دفتر حضور .. لا حصة فطور

تزرع بالقمر .. تقرع بى النجوم

لكن الزمن .. دوّار .. آ .. بِدُوم



عم عبدالرحيم ..

ماشى على الشغل

فى البال القديم .. من عار التُكل

تنشايح جِراح

.. كيف الغُسُل

الدِنيِى أم صلاح تبدا من التُكُل

من حِجـّة صباح .. فى حق المُلاح

فى الغُبُن الجديد .. فى القسط القديم

وبيناتِن عشم .. فى الفرج القريب

أمونة الصباح ..

قالتْلُو النـِّعال والطِرقى .. إنَهَرَنْ

ما قالتْلُو جِيب

.. شيلِن يا الحبيب غشّهِن النُقُلْتـِى والترزى القريب

بس يا ام الحسن ..

طقّهِن .. آ .. بِفيد .. طقّهِن .. آ .. بزيد

إنطقّن زمن

وإن طقّ الزمن .. لازمِك توب جديد بى أيـّاً تمَن

غصباً لى الظروف .. والحال الحَرَنْ

شان يا أم الرحوم .. ما تنكسفى يوم

لو جاراتن جَنْ .. مارقات لى صُفاح

أو بيريك نجاح

ده الواجب .. إذن

وأيه الدِنيِى غير .. لمّة ناس فى خير

أو ساعة حُزُن



عبد الرحيم يا حُر

ماكا حُر

يا ريت التمر .. ياريت لو يشيل كلِّ تَلاتْ .. أشـُرْ

ولاّ أيام زمان كانت ما تمُر

كان ماجاك هوان .. ما لاقاكى ضـُر

كان لا ضِيق يضيق

لا أنغرغَرْ صبر

ولا شابيت غريق .. ولا طلوَحْ فقُر

كان ماكان .. وكان أكسيكى دُر



حيكومات تجى

وحيكومات تغور

بتحكم بى الحِجِى .. بى الدجل الكِجُور

مرّة العسكرى .. كسـّار الجِبُور

ويوم بإسم النبى .. تحكمك القبور

تعرف يا صبى

مرّة تلف .. تدور

وللاّ تقول بَرِى .. أو تحرق بخور

هِم يا الفنجرى .. يا الجرف الصبور

كل السقتو ما باقى على التِمور

وأرضك راقدِى بور

لا تيراب وصل .. لا بابور يدور

والماهية أُفْ

عيشة هاك .. وكُف

فى هذا الزمن .. تـُف يادنيا .. تـُف

يا العَبِد الشقى

ما أتعوّدْ شكى

لكن الكفاف فوقك .. منتكى

حالك ما بتسـُر

إِلِّى كمان فى ناس فايتاك بى الصبُر

ساكنين بى الإيجار .. لا طين .. لا تمُر

وواحدين بى الإيجار .. ما لاقين جُحُر

سِلعـتُمْ الضُراع .. والعرق اليخُر

عمال المدن

كلاّت الموانى

الغُبُش التعانى

بحّارة السُفُن

حشّاشة القصوب

لقاطّة القطن

الجالبة الحبال

الفِطن الفُرُن

الشغلانتو نار

والجو كيف سُخُن

عيشُنْ كمّهو .. وديشُن هان قَدُر

وناساً حالا زين

مصنع .. مصنعين

طين فى طين .. ووين

ما مرابا مُر.. بارد همها

لا يعرق جبين .. ولا وشاً يصُر

عين والله .. عين

كلها كمها .. وهمها هان قدُر

فى الجنة أم نعيم .. فى الجنة أم قُصُر

يا عبد الرحيم إلِّىِ ورا القبُر

ويلكد فى النعال

فتاح يا عليم

وإن كان الفقر يا عبدالرحيم

أشبه بى الكُفُر



ونقرط لى الحمار

نقريط الحمار .. لاتنسى النِعال

الطِرقِى الخدار

اللِّبِس الجديد

تسريح السفر .. لى الماشى الصّعيد

ماشى الدّيش .. نَفَر

والبال إشتغَل

بى الأبى ما يعِيد .. الحول ما أشتغل

الغُبُن الشديد .. السابا ورحَل

الضيق .. المحَل

والفرج القريب

الجا .. وما وصَل

زى الحال ده يوم .. لا كان .. لا حصَل

والبال إشتعَل

السكة الحديد .. يا عمو القَطَر

يا عبدالرحيم قِدّامك قطر

...........

وسال الدم .. مطر

وطارت دمعتين .. وإنشايح وتر

يا طاحن الخبر

ما بين القضا .. ومَرْحاكة القدر

الشِّهدوا الدموم .. والدمع الهَدَر

إيدُمْ فى التُراب .. والعين فى القطر

عارفين الحصل

عارفين فى حذر

الخبر اليقين .. بوّخ .. وإنتشر

أطفال القرى .. وعمال الحضَر

أدوهو الطيور .. ودنّوا البحر

إنصاعت سحاب

وإنْدافَقْ مطر

عم عبد الرحيم .. فى الشارع عَصر

لى تالا اليسار

متفادى الكَجر .. دورية الكجر

جفّلت الحُمار .. وطلوَح زى حجر

وعم عبد الرحيم .. إتلافا القطر

فتاح يا عليم .. سال الدم مطر

جرتق لى التُراب

منشور بى كتاب

روشتّة .. وجواب

مفتاح أب قُراب .. أورنيقين سَهَر

جنب لِبدة حُمار

مقطوعين ضَهر

... عم عبد الرحيم ..يا كمِّين بشر

صحِّى الموت سلام

ما يغشاك شر ..

[العطبراوي]

شعراء مصطفي سيد احمد
ومازلنا في سلسله شاعرنا حميد مع ..طيبه
كل ما تباعد بينا عوارض

كل ما هواك يا طيبة مكنِّى

تلد الغربة .. الكُربة الواحِد

بيكى أسمى الشوق .. وأكنـِّى



............

لمـّا أفوتك من دون خاطر

أو دون خاطر منى تفوتى

بلقى حبايب فى كل حِتـّة

وكل بيوت الفُقرا .. بيوتى

لا غيرت وراك الجِتـّة .. لا بدلت ملامح صوتى

لا غافلنى وهادن فنى .. غام لى المدن .. الما عِرفتنى

إبن الشوق الصبرو .. مصوبر

للأرياف الكم .. وفّتنى

وللأطفال الناشفة ضلوعا .. ونازفة بغنى

أطمن روعا .. وأهتـّى دموعا

ببسمة بكرة اللاّها تمنى .. ولا مصنوعة



.....................

أغنى لشعبى ومين يمنعنى

أغنى لقلبى .. إذا لوّعنى

مخيـّر دربى الما رجعنى

إذا طلعنى نخلة القرب .. أو الغربة الكدروبية

تنزل غنوتى بى قمرية

أو وقـّعنى فى بطن الجـُّبْ

بطلع يوسف بالأغنية

أغنى الناس الما بتسمعنى

المِنِّى بعيدة .. ومبعدة عنى

النادا نشيدا .. وكنت المعنى

الإيدى فى إيدا .. وإيدا بتبنى

فى دنيا جديدة اليوم .. راح تدنى

وأريت غنواتى فى ناس شغالة

تكون سُندالة .. وعود طورية

ضراع رجالة .. كتاب أطفالا

وجملة بالا .. الما مكرية

سدّة مالا .. وبقـّة فالا

فى ليلة الدخلة على أسمى قضية



.............

حبيبة قلبى يا سودانية

يا أسمى معانى فى زول بيعانى

ياود ضكران .. ويابتْ دغرية

وأنا إنْ سامعانى فضـّلت أغانى غُـبش .. فقرية

وروح غانيانى

حويتك منك يادافعانى براحة إيديا

ويا جابدانى ... برفق عليا

وما بتحيـّر بين الفوق .. وبين الناس التحتانية

إلاّ مغـيـّر .. ولاّ عقُوق .. ولاّ كفيف الإنسانية

ومنـِّك وين يا كاشفة عينيا

بنور الإلفة .. ضِيا الحنية

وحِلم العالم .. ناس تتسالم

والبنى آدم صافى النية

والأطفال الناشفة ضلوعا

يطمِّن روعا

وتبدى تغنى

غناوى البكرة .. الكم مسموعة

حسيس طنبارة .. مع نـُقارة

صفِقتاً حارة .. ودارة تغنى

فيا حلتنا عليكى تـُرابك ..

وإنتى شبابك زينة الجَنـِّى

أحلى عروس البلد اللّتنا

ولاّ الغُبُش الرّابّة تهنى

ولاّ هدير المدن التصحا ..

وتمحى ظلام الحاصل .. عنـّى

[العطبراوي]

شعراء مصطفي سيد احمد
حميد..نورة

وكتين يضيع عرق الجباه الشُّم

شمار فى مرقة .. آه .. يا نورة آه

من دربك التوّر نفس خيل الصبر

فتـّر خطاوى الشوق وراه .. يانورة .. آه

ساعة الشموس الغُر تهضلم

تلحق الصِّح .. فى المغارب

يستر الضو الكهارب

تستر المدن السرابية .. الضبابية الكآبة

حائط التيه .. والطشاشات .. فوق قفيِّك

يا أمْ عوارض...

يا أمْ عوارض .. ما دُعاشة

ماها شبـُّورة وتقيف .. جايى ليك يا نورة غيمة

تملا ماعونِك خريف

يملا عينيكى ويفضـِّل

يروى جوّاك العطاشا

*****

يا نفس فجر القصايد يا بلادى

القطع قلب الروادى .. بى اللّواج الجاى .. وغادى

ماهو صوتك .. لاها صورتك

دى البترقش نادى فوق صدر الجرايد

إنتى يا حُضن الصحارى

شُفّع العرب الفتارى

البفنـّوا الشايلا إيدمْ

ويجروا كايسين القطارى

لا سراب الصحرا .. موية

ولا حُجار سلّوم .. موائد

حالكم البصرخ وينادى

ياوطن عز الشدائد

*****

يا هُدى الناس الحيارى

يا ندى الفجر الببلِّل نور عِوينات الفقارى

جايى ليك يا نورة

آفة .. للسوس البنقـِّر

عود عِشيماً داخرو فيك

أصلى لمـّن أدور أجيك .. بجيك

لا بتعجّزنى المسافة

ولا بقيف بيناتنا عارض

لا الظروف تمسك فى إيدى

ولا من الأيام .. مخافة

يا نفس فجر القصايد

ما ضِهِبْ فى بعدى عنـِّك

أصلى متغرِّب عشانك

راضى بى الجايينى .. منـِّك

ما شكيت شُح اليالى .. وما بكيت نُحْ .. شِلتوا حالى

رغم إنو الحال بيفضح

إلاّ كٌتْ فى الحارة بصرُخ :

يا وطن عِز الشدايد

[العطبراوي]

شعراء مصطفي سيد احمد
حميد الشوق من حاطفْ .. لا .. قاطفْ

الشوق من حاطفْ .. لا .. قاطفْ

إتلمَّ يهز ليك .. يا نوراى

يادرقة وسيف

يا حضناً .. كيف

من شر الصيف والشتا .. ضاراى

يا شعلة عِـز .. بقـّت جوّاى

عدّت بى ضلام بحراً عاصف

...................

يا بت العرب النوبية

يا بت النوبة العربية

بى فردة نخوة .. بجاوية

أو شدر الصحوة .. الزنجية

دسينى من الزمن الفارغ

من ريح المتعة .. الوقتية

من شر الساحق والماحق

بين دبشْ المدن .. المدعيـّة

والليل إتحكـّر بيناتا

كحـّل بى دبشو عويناتا

يا شمس الناس .. المنسية

[العطبراوي]

شعراء مصطفي سيد احمد
حميد..مطر عز الحريق
من الواسوق أبت تطلع


من الأبرول أبت تطلع

من الأقلام أبت تطلع

من المدفع طلع خازوق

خوازيق البلد زادت

يفيض النيل .. نحيض نحن

يظل حال البلد .. واقف

تقع محنة

ولا النيل القديم ياهو ... ولا يانا

نعاين فى الجروف تِنهد .. ولا يانا

رُقاب تمر الجدود تِنقَص .. ولا يانا

متين إيد الغُبُش تتمد

ولا قِدّام

تتِشْ عين الضلام بى الضو

تفرهِد شتلة لا هدّام

ولا فيضاً يفوت الحَد

عُقُب يا نيل تكون ياكا

ونكون أهل البلد بى الجد



يا مطر عِز الحريق

يا مصابيح الطريق

يا المراكبيى البتجبِد .. من فك الموج الغريق

جينا ليك والشوق دفرنا

يا نشوق روحنا ودمَرنا

يا المحطات الحنينى القصّرت مشوار سفرنا

ياما شايلك بينى حايم

لا الليالى المخمليى

لا العمارات السوامق .. لا الأسامى الأجنبيى

تمحى من عينى ملامحِك

وإنتى جايى المغربية

.. دايشى .. داقسى .. المغربيى

وشِّك المكبوت .. مكندك

سمسونايتك زمزميى

كون شِبِر .. طوريى .. مُنجَل

سِبحِى .. فانوساً مدردح

قلتى بيهن لى زمانِك

يا زمان الحاجى عِندك

يا زمان الآهة حدّك

لا تَطَى الوردة الصبيى

[العطبراوي]

شعراء مصطفي سيد احمد
حميد..... الشوك الشوق
شوك الشوق لى الشوف آ خَىْ

ضارب فِطن النسج الحى

يا منقاش أحزانى إنشرت

وادى الفرح إتمدد صَى



يا راحلين ــ عِـنْ ــ دُغُش الليل

ما لاقيتو جناياً زى ..

تكية نخل الفجُر الجاسِر

فوق فى المتَرَة .. عَرَاجِنْ ضَى



آ رعاوة .. العرب الرُّحّل

ما لاقاكُنْ فى المطرانى ؟

فى كاويقْ الجرف الأمحل

بين أسراب الرهو الراحِل

ساند أكتاف الليل الميّل

عِنْ ساساق الغيمة عليكُن

بين رقراق الخيمة معاكُن

ما أديتوهو شِوَىْ ... بى حرجل؟



آ رطّانة الليلُن ليّل

ما لاقاكُن فى ونساتكُن؟

بين الشادِى وبين كاساتكُن

فى صلواتكن .. عِنْ دعواتكن

أو .. دقساتكُن عِز خلواتكُن

.. زول .. زول الله

إن مِحِن .. آ .. بِسأل



الهبّاد لى غُلبْ أخواتو

الفرّاح عوّان الحلّىِ

الفدّاع لى الليل ظُلماتو

آ نجمات .. شقيش قولن لى

ما لاقاك طالِع .. متدلّى ؟



المطيوب من طيبة أُمّاتو

كالفجّاج .. الندّ نباتو

موج البحر اللّحَمَر هوجتو

وعِرق العِرِق .. اللاّوى ثباتو

جانا الشَدر الأخَدَر منو

ونار الشدر الأخَدَر جاتو

فات شِقيش ...

أب قولاً واحِد ..

وليش ما يرجع من غُرباتو

طوّل طُول .. ما طلّ علينا

وقاطِع مِننا جواباتو

الغابات جات تنشِد منو

والعربان راجين جياتو

أديناهم عرقو .. وعَلَقو

صورتو يقلِّب فى كِتْباتو

ضُل رشاشو .. ركيزة زولو

ساعة سِلمو .. ويوم حوباتو

سِن طوريتو ولون أبرولو

حِس طنبورو البى نغماتو

لهْلَب عِشق الناس الفقرا

وبرّد جوفُن .. بى غنواتو

... ويا غنواتو

الدخلت فينا

تمرق .. جينا على جِلاّتو

وجِيداً جينا .. طلقنا وشينا

وش الدنيا الليلة حلاتو

وش أطفالنا الليلة حلاتو

وغنى معانا غنانا هويتو

غنِّى العالم

غنى حياتو

لا ساومنا عليها قضيتو

ولا فكينا من إيدنا .. وَصَاتُو

ألف شليل يا نورة يفوتو

عشان ما يجيك شليلك زاتو

[العطبراوي]

شعراء مصطفي سيد احمد
حميد بين الموجه والخزان
سنّى على النضال إيدى

سوّكى بى الهتاف .. فمّى

شوارعك لى .. دويها .. على

إذا ما آخر العلاج الكى ...

مراويدك حُمر يا أمْى

**********

هردت لهاتى بى الغنوات

وقتْ يبرد حشاك .. يا أمّى

من التعب البلا صالح ...

تفيقى .. تروقى .. تنجمّى

تسوّى مكانسك المطرة

تضوى البيت وتنجمّى

تمرقى صبوحة لى الجيران

قدح فوق إيد ... (وفْيد) ألمى

**********

يلاقوك شفّع الكتـّاب

نضاف وظراف بلا النسمى

يغنولك غناوى السـاب

وفى بيوضة مافى سراب

جبال كجمى وفيافى الكاب

تميد بى الخضرة ...منقسمى

فيافى الصّى وبيوضة ..

البراسيم فيها مفروضة

خدارا يرارى شوف عينى

على الأبواب .. طواريها وحواريها

بقت روضة

بقت تشرب من الحامداب ..

تشوفى رهاب ... بُعُد نجمى

.. بشوفو قريب قُرُب نضمى

بشوف العالم التحتانى هيلاهوب وقف ناهض

وهدّ عمايد الفوقانى ..

جوّة الجُب رمى العارض

وفى الساقوا الدمار أفراد

عريق الحب نبض قابض

متل قبض الحروف فى إسمى

وغناوينا القبيل .. رقراق

علينا تصب برد .. قارض

وأجر نمّى ...

أدوبى لهاتى بى الغنوات ..

عُقُب يبرد حشاك .. يا أمّى

....

وطنى ولا ملى بطنى

سكاتى ولا الكلام النّى

بليلتى ولا ضبايح طى

قليلتى ولا كُتُرْ سمّى

سلام يا أمّى

سلام لا هكمى .. لا دكْمى

[العطبراوي]

شعراء مصطفي سيد احمد
وحنخش علي....الشاعر الفارس القوي....الممتع....والمبكي.وولد البلد بجد
...محمد طة القدال........سمحة وسمريه
سمحة وسمرية

محبوبتى ولفتاتا غزالة

خضرة ومسقية

وجنب النيل مشتولة النالة

بهواك يا بنيـّـة كتبتو قصيد

وبقولو مقالة

بتفتحى فيـّـا معانى غناى

تديلا مجالا

*****

زهرة وبرية

بشوق الأرض عيونا كُحالة

تريانة ندية

بعرق الناس

والناس فى بالا

يا خوفا علىّ عقل وثبات

ماها الولوالة

*****

من فرحى البيا

قلعت الخوف وكستنى بسالة

قت ليها النية متين نتلم

والحال بطالة

قالت لى غنية وإنت معاى

مستورة الحالة

بت سودانية

محبوبتى ولفتاتا غزالة

[العطبراوي]

...شعراء مصطفي سيد احمد
القدال...رجعلك قليبى

رجعلك قليبى المهضلم

يراجع صنوف الغناوى .. العصيـّة

يراجع معاك الكلام القبيل إستباكْ

الكلام المبهرج وفاضى

الكلام المزيف

وما فيهو غير إحتلام وإنفصام

تموت الحروف .. يوم تقوم القصائد

مقام الطبول والبخور

**********

بشوفك جرايد شواكر حوامِد

ولا هامِّى فيها

عليها المصايب .. تمام التمام

مغايص بتفرم حشاها

وغباين بتنفُخ بطون البسفـّوا التراب

وحايح لهيب البتنفح .. تلهْـلِبْ .. وتشوى الجلود

أتف القصايد

إذا ما القصايد دايرة ليكى البكا

البصاحب رِضا السرِّدار

وأتف القصايد

إذا ما القصايد بتنزل مريدة

وتسبِّح بحمد الذى إبتلاكى

.. وهدانى الودار

********

طريتك وأنا الكنت قايل

خيالك معشعش جوايا

سكنتك .. وما لاقى فِجـّة

أخيرلِكْ أقول البحرِّق حشايا

أخيرلِكْ أفضفِضْ جراب الخبايا

أقول الكلام البفكك سوارك

يوقـِّف جدارك .. ويرفع عضايا

تضيع الرموز التغطى الكلام

أقول السكاكر .. أبتنى ورمتنى .. وكفانا

أقول العساكر .. تبارِى الكبارى

تفتش قلوب الجُهال الشلوخهُمْ .. هويّة

وأغنى الزيود .. والكنانة

كِضِبْ

أقول البنات البفتْحَـنْ صِدورْهِن

يقالدن رشاشك .. ويخلّنْ حبيبهِنْ

كِضِبْ

************

مُراحك .. يعشِّى .. ويفشِّى

خدارك .. يرطـِّب .. يندِّى الضَهَارِى

تُرابَك يبوسِبْ .. يقوِّم دُخُن .. لو زرعتوا الحجارة

وِلادكْ .. بِلادك .. كروها السَّحالى

تسفِّر سعيتك

تقنِّب تبارى الجداد العُقالى

تجوع يا البشدِّر خريفك سفافى البطانة

ويمطِّر رزازك .. عزازاً حصاية

وقموحك سنابل مُشاط كردفانى

***************

وِلادك قُصادك .. شُعاع التحايا

يضووا الشقوق التَّلِم الدوابى

ويورّوا الدروب لى القلوبهم عمايا

عرقهم حُبالك .. وصوتهم مشانق

تلم الدقون الكبيرة

وتحدِّر فِقَرْ .. سمنتها اليالى الضليمة

بتهدر حرايق .. وتحمى البياكلوا المطايب

وتسجن بطون الجياع .. العرايا

وشوشهُم سُمُر .. حَر أباطك

صفوفهُم مقامك .. وحِلمك حِلِمهُم

رغيفة وكرامة .. وسلامة

مصانع بتحرق قبُل تبدا فيها

مزارع بتيبس

ونيلك ممدَّد جنازة

وعقيدك .. وسِيدك .. بيكتب ويمحى

وتبقّ المحاية

[العطبراوي]

شعراء مصطفي سيد احمد
القدال..حليوة .. فى ليلة المولد

بقول غنوات


فى البلد البسير جنياتها لى قدّام

ولى الولد البتل ضرعاتو فى العرضة

ويطير فى الدارة ... صقريّة

ولو السمحة تلت إيد .. ومدّت جيد

يقوم شايلاهو هاشمية

يشيل شبّالو ختفة ريد .. وريدة روح ..

وحمرة عين .. وإيدية

ولى الولد البشيل مدقاقو ..

قولة خير على القمرة

كلام فاسك على أرضك

بيبقى عديلة .. يا بيضة

وببقى زفاف تزغرد ليهو .. قمرية

************

وقبّال حول تغيم غيمة .. قبلية

ترش الدّارة .. والحدبة الصعيد الحلة

يافرحة نصارة الصفقة ...

بى النسمة الصعيدية

ويا جهرة نهار الليلة ... بدرية

رحيح جنياتنا فى الحدبة .. الصعيد الحلّة

... يا سمحاتنا هولب ــ لب

ويا اللـّوز الفتق فى الوادى

... هولب لب

ويا البحر الطمح مدّادى ...هولب لب

يا غنواتنا ياصلواتنا ... هولب لب

سألتك بى الذى ركز الأرض معبد ...

وسوّى الناس عليها مقام

سألتك بى حشا الأمّات ... ودمعاتنا

سألتك بى كبيداتن ... ودعواتنا

شليل وين راح

يكون ضلّ الخريف ... فاتنا

وشليل وين راح

************

وزى برق السماك الجابها .. دغشية

وزى زغرودة البطن الكبارية

مرق من شامة القمرة

مليتك بى وداعة الله

ومقدّم بى العديل .... يبرا

تعالوا أبشروا ياجنيات

شليل ما راح ... شليل ما فات

شليل عند المسورو حرق ... بقالو حصاد

شليل فوق التقانت قام ... خدار وبلاد

شليل مسدار ... شليل مشوار

شليلنا أرضنا يا جنيات

شليل قايم نصايص الليل ...

يتمتم ليلو وردية

حرازنا شليل ... شليلنا دليب

شليلنا دليل على البلدات

... بعد درب التبلدية

شليل ما راح ... شليل مافات

شليلنا ونحنا همباتة ومهاجرية

مزارع بات على عشقين .. تراب بلدو

.... وسماح فوق بت مزارعية

[العطبراوي]

شعراء مصطفي سيد احمد
القدال..صابرين

صابرين

ياحزن الغنا

صابرين

من بعد الضنا

صابرين

على وعد المنى

*****

برجاك

يا وكت الحبيبة

وبلقاك

فى الفرحة القريبة

وبشراك

يا أم السنا

*****

لا ليل ولا حزن طايل

لا صد ولا دمع سايل

لا هم جاك يا أم نفايل

والنيل فاض وإنحنى

نيلين

وحلمك أنا

فرعين شايلين جنا

*****

عشرات حبابك

سلامات

شايل سحابك

سلامات

والقبلى شابك

سلامات

خيلك سنابك

سلامات

وهواك هنا

صبـّين

عاشقين ترابك

سلامات

[العطبراوي]

شعراء مصطفي سيد احمد
يمتلك..احساس......وبحر من الابداع.....لا نستطيع وصفهم.......الاستاذ المخضرم..حقيقتاً عاطف خيري....صاحب سيناريو اليابسة.....المستحيل المعجزة

أقراك مرّة صاح

أقراك مرّة صاح

عكس إحتشادك فى الحضور

هل غاب معاك وعى الطريق

.. أم بيكى زكـّانى الزمن

ماشيك .. وعارفك يا حريق ..

فى يوم غماماتك .. بجن

فرهد غيابك .. أغنيات

ظلت أراضى اللقيا بور

بلقاكى يا كل الطيور ..

مسجونة والحرية .. سور

وبلقاكى بيناتنا الثبات

وبيناتنا شمس البكرة فى لحظة .. مخاض

*******

طول الوجع رشـّح مواطن العافية .. فيك

خلانى أرجع وأبتديك

وأقراكى من كل الجهات

ومابين أقابلك .. ومشتهيك .. كان حلمك الأول

.. ترفْ

وكنتى الصبية الغايبة

فى زحمة حجا .. وكلمة شرف

كنتى الزوايا الميتة .. فى متحف خزف

كنتى الوصايا العشرة .. واللون الشحيح

*********

سميت مساحاتتك حكر

.. كل البيحلمو ا بى الشمس

هجـّرت من واقعك .. عبث

سكـّنت فيك ..ضد السكون

كل اللى كان ممكن .. يكون

وطارت ضفيرتك ليل غنا

جدلة صبُر .. وطولة نفس

*******

ومابين أقابلك وجيت عليك

كان عندى ليك بس نحنّ .. والجرح الثرى

وخيبة أمل أم الشهيد

فى الكلمة .. والوجه الجديد

وكان إحتقان نبض الزمن

نومة طفل .. فوق الدّمن

... يا صاحية بى الحاصل علىْ

يا نايمة عن فقرى البليد

سميت منافيك الوطن

.. صبحت مناحاتك ..

... نشيد

[العطبراوي]

شعراء مصطفي سيد احمد
عاطف خيري.....شهيق...اقتراح

إقتراح


نكر صوتك صداك

غالطنى الزمن فيك

شهرت على الجفاف وعدك

بطاقاتنا الخريفية

رجع فاضى الكلام مليان

معاك إتبرجت غيمة

وشهق جوايا صوت جدول

مرقت على المطر .. حفيان

لقيتك والرزاز .. مدخل

وناديتك :

أقيفى معاى

نشيل كتف الغنا .. الميّل

ونتخيل

حلم دونك بيتحقق

وقبلك خيل دماى .. واقفة على شريانى .. تتشهق

وعرف صوتك .. صداك .. غنيتى

رشحت حلقك لى إذاعات الشجر

والمنتظر من عودة المدعو المطر

والمسادير .. والطنابير

واللسة فى رحم القصيد

والدابو حسّ فى سوق عكاظ

بين مزادات الحروف

غيبت رسمك .. وإحتكرتك لى الظروف

للزمان الجايى .. واللحظة اللى فاتت

.. منى هسة

.........

يا واقفة بين جرح السحاب

وبين شهقة الأرض البكر

ما كان ده ريد

كان إحتمال تغيير قوانين شهقتك

ما بين حديثنا .. ولحظة الفعل الحقيقى

وإنتباهك إنتى للشارع البيرجع تانى .. لى نقطة بدايتو

وإنحيازك إنتى للشارع البيرشح

فى مسام رملو التوقع

وما أنعرف قانون نهايتو

غايتو أمشى فى الدرب البطابق فيهو خطوك .. صوت حوافرك

يا فرس كل القبيلة .. تلجموا

يكسر قناعاتا ويفر .. يسكن مع البدو .. فى الخلا

ما يرضى غير الريح تجادلو

.. وتقنعوا

........

إفترضتك لون أساسى

يمنح اللوحة إزدواجية القراية

ويفتح الضو

بين خطوط الريشة ..

والخط الإضافى .. الجايى من شبكية الزول المشاهد

وإكتشفنا ــ الرسمك وأنا ــ برضو التوارد فى الخواطر

نفس أرقام التذاكر

البيها سافرنا وشهدنا

إنفجارك فى الأرض

يا سمرا يا واضحة

ما غنيت يوم جيتك .. صدفة

قبل أبداك كان غصنك .. بشـّر

يوم ما كان إحساسك مسرى

عرج غيمك فينى .. ومطّر

لحظة طار عصفور من صدرك

رتب فينا إحساس بالإلفة .. ودوزن عصب الزمن الأشتر

وإتوكلت عليكى .. وقلت

المارق منك داخل جرح الوردة وراسم فوقا غناوى الطل

المارق منك

رجع للغابات الزنج الهاربة

وللعتمور العرب العاربة

وأدى الكون مفتاح الحل

المارق منك

شادد عصب الورقة .. وحرفى

وراصد فى اللاّ وعى سكونو

مواعيد صحوه .. وحلمو ولونو

شارى يقينك فى ظنى

سارق لحظة إنى أفكر

المارق منك

مارق منك .. أو ..

منى !

*شهيق

ما تتضارى ورا الدعوات

وما تتلبسى فرح الفات

بسكن فيك النغم الزايف

ويسرق حاسة شوفنا الواقفة على رجلين جوانا

نحن الهاوية .. والمتطامن من الأرض

آه من نحلك ساعة يرحل

ولمن يكتب فينا الحنضل

ويختم عمرو بفعل الشهد



قال الجدول :

طلوع النخلة .. مرور الريح .. واحد

لكن الريح بعانق حقل

ونحن بنطلع نخلة .. وننزل

ونكتب فى ذاكرة الصفق الأخضر

سجنا الريح فى الورق الأبيض

وجهناها ضد التمر الناعس

يسقط زى قبعة الحارس

زى الكان بيناتنا .. و فات



قالت غيمة :

".. بين قوسين غيمة لئيمة"

أولاد الشارع فهرس لى كل المدن

التهرس جوفك بالأسمنت

قالت ريح :

شوف الناس قنديل

لو ما نور يحرق كوخ .. وباقى الحلة تنور

أو جبة جوخ .. أو ينزل بوخ

يقول للنسمة الزايفة .. أقيفى

لو تتفرد ريح .. تتشرد ريح .. ريح الخوف

لو تتفرد ريح تبدا تفرتق ضفاير المدن الكاذبة

تعيد تسريحتك



ويوم سمايتك .. شكل قامتك

كيف تموتى .. وتحيى تانى

ويوم قيامتك .. هو البيدينا الثبات

يا مجلوبة فى قافلة رق

ما بستحمل صدرك رصاصة ظلم

يا صابت رحم الفال

يا قطعت حبل الحلم

يا كنا نبيعك .. يا نسرق

إخترنا النار .. الضلها يحرق

طمنـّاك إنو الدنيا بخشها ضو

يجرح جلد العتمة

دم الليل قربان فجرك

يا بت يا نيل

لو نامت قمحة على الأبيض .. وإتشرت زيو

وزاد الأبيض فى غيو

ومدد رجلو اليسرى

ما كان الكسرة .. جاتك من برة

صفرا .. ومنكسرة

زوجناك الشهدا وِلاد الكلب

الماتو عشان الشعب

زوجناك ما عندك ضرة

زوجناك ما جاتك ضرة

وما إنشاف ماعونك فى الحلة يساسق

ويلقى فتات

قال الأبيض لى الأزرق:

يبقى ضد الإنتباه

وضد تواريخ التمازج بينى .. بينك

البشوفك فى مراهقة الخرائط

وفينا من وجع المسافرين .. واطه .. ما لاقت هوية

رد الأزرق:

مطر الحبش لو كان نبش جواك سقف

أو هد حيلك فى الدواخل

وشدّ عصبك فى المداخل

صوت مراكبى

وإيد بتسأل فى القمح

وفينا من فرح المسافرين قصة الشمس .. القضية

يا أعشاب النيل الأبيض .. ما تتضارى ورا الدعوات

أقرا تاريخك .. وأخاف

أسأل جبين الفجر .. وألقى الفجر مطعون فى القفا

هل سافرت فى دمك المحقون رجا

حبة غضب

ما شلنا جمرك .. وإنطفا جوانا نارك .. والمطر

جايين بالكتابة .. وضربة الناس المهابة

لو هز نخلك باشبزق

ما غادرت تمرة السبيط

وما ساور الطورية شك

إنو الأرض أنثى .. وبتحمل بالحلال

مين اللى قال

إنو المسافة البينا بين الشمس طاقة

أو مياه النيل

بتدخل فى عروق السنبلة المسقية بى عرق الجعانين ..

والمساهرين بالبطاقة

أقرى تاريخك .. وأقيف

جواكى .. والزمن النضيف

جواى .. من جواك غضب

سلم مفاتيح السؤال

جيل الشمس .. موكب حريق

واقف على باب الدخول

بيناتو بينات الوصول ..

لحظة شهيق

[العطبراوي]

شعراء مصطفي سيد احمد
عاطف خيري ...وسيناريو اليابسه.....مووت المووت عديل كدا يا سيناريو اليابسه

الهدهد:

مخدوش الفضا

طويل الحزن .. مفتول الحنين

مصاب بالديانات والشرود

نوح:

يبلغ من الطول مسافة يشتهى الغرقان .. شهيق

لونو زى سرك .. تكلمبو الصديق

أمو تتوحـّم على طين البحر

قبال تقابل والدو .. صدفة على الطريق

عمرو ستة شهور حِلِم

إنو الأرض مسجونة فى موية .. وكل الناس مراكبية

اليابسة ... فِركة .. مدخورة لى يوم فيهو ساير النيل

قطـّاع رحط كل الجزاير

والبنات البفتحوا الباب للمطر

وأنا جدولك شارف على كل الجداول الصاحية فيك

والغباش فى دمى منك

لو كسر ضلعين عذرتو

لكن نهر كل العصافير البتلعب فى الوريد

وفنـّاكى جواى زى حجر

والبينـّا ما فات الدوائر



الليل خِمار القمرة .. مجدوع فى الفراغ

والرقصة لى البت فينا ..

فوق كل المسامير الندقها فى البساط

والرياح حكـّامة بى دلوكة مرّقت الشياطين .. منها

إتجنن فقير الحلة دقيناهو بى نفس السياط

كل المجرات .. النيازك والشُهُب

ودع راميهو الله على السما

والدنيا زار



ويا هدهد هنا مرت مراكب نوح

محملة بالبخور

مين اللى شال من طاقة الطين البعيدة

قنديل حبيبتى وطيـّب الجرح المثير

مين السرق من بابا مفتاحو الملون .. والصرير

منهوبة مقبرة الفواكه فيكى

قولى معاى يا شرف القبايل .. جر

الشاف تباريح الطلح فى النار

شافنى مرقت من عندك ضرير

أنا ليه تجينى الموية حفيانة ..

وأدنقر ألبِّسا شبط أخضر

وأبيت مبلول .. وأصلِّح فى الرباط

أنا ليه شبابيك البيوت الواجمة .. والناس البُساط

وليه يرجانى النخل

فى السكة يفتح قلبى خمارة .. وخلاوى ..

وبيت بكا



تعبت من المساسقة والهتاف .. ياغيمة

أتبنى جبهة القمرة

السهر والحمى طول الليل تهضرب



ويا هدهد لقيت أمك

ترشرش فى السعف من عينها

وتجبر خاطرا المكسور عليك

ينكسر خاطر السعف فى إيدا

يا هدهد قيام

من السما الأول قيام

من السما السابع قيام

وأنزل مسافة تهبشك غنوة .. وأناولك كاس



ومرت مراكب نوح محملة بالملوك

ركعت على الموج الجنود

من كل جندى تفوح ضحية

ودم مشتت فى الأبد

دسيت جبهتى من السجود

بكى فى مخاض الخوف .. ولد

إشتبهوا فينى ورا الجبل

شافونى دسيت الهداهد بالزبد

صفا !

إنتباه !

وقعت من الهدهد بلد

نهبوها .. وإتقسموا الحدود



ومرت مراكب نوح محملة بالطيور

واقف مع نوح الغراب

ينضم ويأشر فى إتجاه

باقى الطيور يتوسوسوا

إلاّ الحمام .. إتوضا مارق للصلاة

القانقرد فى حزنو يغزل شاله من صوف

الطواويس شارّة قمصانا المزركشة فى الضحى

الزرازير بى عراريقا المغبشة .. جات على



أرجينى يا صالحة !

ومشيت فى الموج

يا النبى نوح أصل سالم

يا النبى نوح أصل .........

حجر الدُّغُش فى الموية يقلع ضُفرى

يادم !

ده ما وكت الرسم واللون

وجات المغارب حننت إيدا .. ومشت

سبحانك الأديتنا من حزنك فوانيس

ــ الغراب يا نوح طفش

واليابسة وين ...؟

يا الله ما يابس سوى حلقى المجرح بالدعا

طير يا حمام !

ـ الحمام يا نوح يجامل فى السما

وبيّاع مناديل خضرا فى كل العصور



أنا ما خلقتك يا ظنون

شان تبيتى الليل معاى

وتجرى من فوقى الغُطا

ما تشُرّى فى حبلى الوساوس

والمعانى الداكنة .. والليل والشتا



الهدهد تميمة الموت

معلّق فى بيوت الناس .. نعش

من خرافاتن تعال

من دياناتن تعال

نفّض نعاسك من كل بيت

من كل حجوة حكوها عنك

فى الليالى الباردة والأطفال نيام



مين يشترينى من الملوك الخايدة فى الدم القديم

مين يوصف بيتنا لى هدهد يتيم

مين النبى القادم؟

من مكة !

أو من دكة !

فى شارع حميم

مين اليوصف للنحل ريق الحبيبة

وحبة القمح التقوم فوق محفضة حبوبة

فى الزمن اللئيم

مزيداً من الطين يا إله

أبنى خوفى عليك .. ومنك

أبنى آخر بيت .. حرام



ومرت مراكب نوح محملة بالحجيج

ــ وين ولدك ؟

ــ تركتو على الجبل .

ــ وين بلدك ؟

ــ ضربتها فى مثل .

ــ وين نحن ؟

ــ مرقت على عجل .

ــ يا نوح تخلينا

زيتونك مخلل بالشمس

نار الله والرِجل الغريبة

نحن البلاد الشاكية جرحها للصديد

جاتنا القوافل بالضجيج

جرتنا من حلبة رقيص

ورتنا كيف صلبوا المسيح

ورتنا كيف كتلوا الحسين

وبكينا أكتر منها

ساقتنا فى الآخر .. عبيد

مين يشترينى من الملوك

الخايدة فى الدم القديم

مين البوصِّف بيتنا لى هدهد يتيم



يا هدهدى المهدود

مين هدهدك .. نمت

كل الطيور غنت .. منك يجينى سكوت

مين الهداك للناس

أو هدّ فيك الموت؟

يا أوسم الجايين .. أنا قلبى حِلّة حنين

والشوق فتحنى بيوت

يا صالحة

لا جنبك .. لا فتّ منك فوت

دايماً معلق بين ..

بين الحياة والموت

أدخل ضلام الناس

نورك يجينى خيوط

وقبّال أقع فى الضو

جوّاك سندنى خِفوت

أنا برضى حلة شوق

لكنى فى التابوت

ومرت مراكب نوح محملة بالعبيد

الجنة .. زى هدهد معلقة فى الكتاب

ونحن العبيد

باب الحياة السرِّى

حرير فى فكرة الدودة الموجعة .. بالنسيج

وصيوان عزا نوح

.. المكفّن بالوعود



هدهد يرك فوق دفــّة المركب .. يدندن

الريح سكن خيمة حريمو الأربعة

النيل رجع فى اللوحة

للوادى القديم

البحار مكتوفة الأيدى

.. الشموس فاقت

ونوح بعاين فى مفاتن اليابسة

تغسل فى حصا .. ومتبرجة

سبحانك الأديتنا من ملكك سلاطين .. وإختفيت

هاك أنبياءك سالمين

وأنزل مسافة توجعك .. غابة

رقيصنا الحى

طبولنا...

وليك شبال

من اليابسة الممشّطة بالملح

... وهدهد

[العطبراوي]

شعراء مصطفي سيد احمد
عاطف خيري مع جالوص....وجالوص النفوس.....الاتحكر وابا يطلع ...احكموا براكم

معتوهة .. معتقة .. ومنعتقة

نوافير إنتشاء .. وحشمة وحمار العين

تنقـِّى من القبور السكلبة

ومن بيت بكاك .. زيف المعزين

تضحك كل ما وقعت مصيبة

تمشى على العجين وتلخبطو

ترطن إذا جاها الحنين



يا بت بيوت الهجعة كيف

وغبار شوارعك ماشى وين

زقاق يفتش فى زقاق

كتمة وضلمة .. وإنعتاق

أنا فيكى لامونى المساجين



سكاتك منازل حلال الحرام

سكاتك على حين أهش الحمام

سكاتك عليك لما تصحى المسام

وسكاتك عليهم .. سكوت والسلام



صوتك وكت قطع البحر

قُبـّال مراكب العمدة .. ضهر النيل عـِرِق

والشمس فوق حبل الغيوم شرت جلاليب النعاس

ناشف غرب .. مبلول شرق

والمطرة زى شِفّع العيد .. تدخل غرف كل البيوت

حكمة الجوع الشرح للأرضة كيف تقرا المِرِق

وقبال يقع فوقك سقف .. يتنحنح الجالوص

أمرق على مهلك .. مروق الحنة من ضُفر العروس

وأصعد على مهلك .. صعود البذرة والروح .. والشموس



مبنية مدن الخوف .. من طينة آخر الليل

وأنا فى سقالة الشوف .. قدح البصيرة تقيل

فاتح زريبة الجوف

تمرق تخش الخيل

على كيفا .. كيف معلوف ..ضهر المظنة يشيل

وأنا ظنى ظنيتو .. لا النيل غريق فى النيل

والليل ولا فى بالو ليل



ساكت يغنوا على القمر

واجعنى فى البحر السكات

وسكتنى فى الوجع البحر

يا بِت صباح الطير .. وين البلد ركّت؟

ما عاد هواك يفتح فى الكتمة شباك النزيف

ريف الجسد ــ صدرك ــ سبلوقة اللبن الحريف

داسينى فيكى نَدُر .. والأنبياء فاتوا

وأنبياء بين بين .. قاعدين فى ضل النار

داسينى فيكى نَدُر

وفى غفلة جوا الكفار .. وطارت حمامة الغار

لاقونى ناشف .. ومـُر

ماذنب جلد الطار ..

لو غنوا بيهو شـُتـُر

ما تخافى الله معاك

.. وكل الملايكة .. سـُمـُر

[العطبراوي]

شعراء مصطفي سيد احمد
المكان الكبيرة المتواضعة..الهرم والشموخ....والاعتزاز....والروائع..منك وليك..وشاعر الامل لبكرة وبعدوا ..يا مدني يوسف النخلي..........احيك واحيك واحيك وبنقول ليك واخ من باكر ومن بعد باكر....ولاكن املنا مابنقطع ونفسنا طويل

وقصيدة عشم بكر.............




فى عينيك عشم باكر


وزغرودة بتزف لى الناس


خبر زمناً جديد مولود


لقيت غيرك .. بضيع إسمى


وبقيت أنا حى .. وزى مفقود


*******


لاقينى يا عشقى الخرافى


لاقينى قبال الزوال


لاقينى فى كل المرافى


زفاف ربيع .. وفرح قوافى


وإنشرى فى حزن السنابل


غيمة يا كل المشاعل


وأمشى قبّال الصباح


وزعى الطل للأزهار


وأبقى يا شوقى الخرافى


خير .. وضمى شقا البيادر


*********


لاقينى يا شوقى الخرافى


لاقينى قبال الزوال


غنوة من أزمان بعيدة


طالعة من صخب الدميرة


تلقينى راجيك فى الأماسى


وفى المراسى


.. وفى الملمات الخطيرة

[العطبراوي]

شعراء مصطفي سيد احمد
مدني يوسف النخلي.....إحساس بالأمل..........مبنتازل عن احلامن واملنا..والغيمة مصيرة تنقشع والظلام ..بداية النور




أدينى إحساس بالأمل


فى كل رحلة شوق .. تطول

وأدى الخطاوى الراجعة ليك

فى سكتك عشم الوصول

ما الدنيا كلها إنتظار

والإرتحال قدر الفصول

الموجة تحلم بالضفاف

والغيمة تحلم بالهطول

********

جايى ومعاى ضى الأمانى

وذكرى للأيام .. هناك

لحظات بتذخر بالأمانى

وكيف أنسى تذكارات هواك

نتحمل الغربة .. ونعانى

ونصبر عشان نكسب رضاك

ونغنى لو زاد الحنين

ياريتو كان سفراً .. معاك

[العطبراوي]

شعراء مصطفي سيد احمد
النخلي...سفر العمر


مـا بــان عــليـك سـفــر العـمـر


لســة الربـيـع يـادابــو زار

لسّــة الضـفـاف المـتـرعــة

بـتـفـيـض نـدى ... وتـطـرح ثـمــــار

الـنـاس عـلـيـك نــاداهـا .. فــــال

فى عـيـونـا نـام الإنـبـهـار

وأنـا جـّــوة قـلبى الـمـشـتـهـيـك

.... نـزفـت جـراحـات الـودار

********

جــّوة العـيون غــطـّى الـفـرح

... لـمّ الـزفـــاف

جـــّوة العــيــون تـشـرق شـمـوس

... يـرحـل جـفـاف

أزمان بـتـغـرق فى الـنـعـيــم

... وحـنـان غـمر عـاشـقـيـن رهـاف

*********

يـازهـــرة طــالت بى الـفـــرح

بـتـراقـص أنـوار الـمســـــــا

مـا بــان عـــلـيــك أثــر الــقــطــاب

... ولا جـاتــك أيــام الـقســــا

ما أروعـــك وإنـتى الـشـــبــاب ..

بى حــمــرة الـريــد إكـتـســـــا

[العطبراوي]

شعراء مصطفي سيد احمد
النخلي...... واقف براك ..........اكيد واقف ومتحزم..ومتصبر




واقف براك

والهم عصف

ريحاً كسح زهرة صباك

ليلاً فتح .. شرفة وجع

قمراً رحل فارق سماك

*******

مطر الحزن عاود هطل

جدد عذاب الأرصفة

ضى المصابيح البعيد

أتعب عيونك .. وإنطفا

لمتين مواعيدك .. سراب

والريد شقا .. حرقة .. وجفا

********

بعد المشاوير البقت .. ممدودة فى نبض التعب

بتعود وتلقى رِجاك زول

حفظ الوداد زمناً صعب

والباقى من ليل الهوى

وعطر الصبابة الما أنسكب

والباقى من كل الغنا

وسيل الكتابة ..

الما نضب

[العطبراوي]

شعراء مصطفي سيد احمد
النخلي......أملنا الباقى....غايتوا لو العمر ماكفانا بندي الرايه ...لا ولادنا....ويمسك نفس الدرب




أملنا الباقى يسرح بى


وأسافر لى زمن تانى

تبقى الدنيا فى عينى

هجعة خطوة .. فى سكة فرح مفقود

ورحلة موجة فى بحر الأسى .. الممدود

ورجعة غنوة من درب الضنى المهدود

.. وأفتش ليك

*******

وأفتش ليك حنانى معاى

أمانى تصارع المكتوب

عشانك لا مسافة تطول

ولا بتصعب معاكى .. دروب

وقلبى عليك

وعلى الوعد الحزين .. مصلوب

وراجع ليك

*******

وأفتش ليك

أجوب الدنيا .. وأرجع ليك

أجيك فارساً يشق صمت المتاهة .. الطال

يواعدك بى حكاوى الشوق

وبى شمساً .. وراها منال

وبى فرحاً يغرد .. فى سماك ألحان

ويجيب البهجة للأطفال

[العطبراوي]

شعراء مصطفي سيد احمد
النخلي.....من جديد....

من جديد جيت تانى تكسر صمتى .. بالنظرة الخجولة

يا أمل عمرى القبيل .. ويا سنين عامرات .. فصولا

ما قدرت أنساك من زمان

بس ضاعت أحلام الطفولة

********

الحنين الجيتنى بيهو

جانى فى لحظات ندم

ما زمان ضيع صبانا

وكل لحظات العشم

من جديد جيت تانى ليه .. تبنى فينى الإنهدم

وما قدرت أنساك من زمان

بس ضاعت أحلام الطفولة

*********

ما بفيد لو ألملم من عيونك .. ذكريات

أو أصحى الماضى فيهن

وأنسى حزن الأمسيات

برضو زمن البهجة عدّى

وعمرى فات فيهو الفوات

[العطبراوي]

شعراء مصطفي سيد احمد
النخلي...لحظات نديه

فى خاطرى لحظاتنا الندية

وإنتى ساعة المغربية

قعدتك جنبى وعيونك .. سارحة فى الدنيا البهية

وخوفنا من سفراً بودى

للمسافات القصية

وسكة الزول البسافر

وقلبو عشرة .. على البنية

*******

كنت جد .. ناوى الرحيل

إلاّ شايل ذكرى منِّك

خفت فى الغربة البعيدة

المسافات يبعدنك

العيون الشايلة سيرتك

بكرة يبكن .. ويفقدنك

والأماسى الحالمة .. ترحل

والمشاوير يتعبنك

********

شفتى كيف

لما الشمس لمت نوافير الشعاع

والضفاف بعدت كتير

والريح ملت .. جوف الشراع

كيف هناك بدت الضفاف

تتلاشى فى زمن الضياع

وإنتى ساعة المغربية ..

وخايفة من كلمة وداع

[العطبراوي]

شعراء مصطفي سيد احمد

رحمه الله لقد مات ومازال فنه حي

لقد تغني ايضا الي محمد عبد الله شمو
في قصيده مريم الاخري
وحافظ عباس في اغنيه الطـيـور
عبد العال السيد في غربـة ومطـر..... واخرين

وهج الشعاع ل مدنى يوسف النخلى

يا ريتنى زى وهج الشعاع تمتد سحابات الغروب سر روعتو
وزى قدر المسافر لمدن محهولة لما تضيع خطاوى البهجة
فى همس الكتوم
حبك صبح أشتات ظلال وأطلال خيال خرافات قصتو
برحل عشان أنساك وأسيب الذكرى فى وجع الطريق
وأمسح دموع شمس الهوى المصلوبة فى صمت الغروب
وأمسح دموع قلبى التعب كان فى هواك
يقدر يتوب ما كان عشم قلبى الحزين
مترجى من عينيك حدود كان عندى فى سفر الأمل
تلقى البودع ليك وعود والليلة يا قلبى اللى راح
بروعة أشراق الورود مد الغروب المادى أيدو
ضاعت أحلام الورود زى ما بموت وهج الشعاع

[العطبراوي]

شعراء مصطفي سيد احمد
يحي فضل الله شاعر..وراويه...وخير من يطوع الكلمة..واللغة عنده سهل ممتنع..متخصص في الحزن والواقع.......ويحكي ويشعر...للحياة...اليومي للمعاشيين والعمال الكادحييين.......نفتقد ذلك المبدع وهو في بلد المهجر في كندا..ولكن اشعارها تعيش ونتعايش معها يومياً...بحكم الواقع.....هي لنبحر في...الجميل المستحيل.

أسئلة ليست للإجابة

ما معنى أن نحيا .. ولا ندرى

بأن العشق قد يبقى سجيناً فى الخلايا

ما معنى أن نشهد موات الأغنيات

ما معنى هذا الصمت الذى لا ينتهى

وبرغم حوجتنا الصراخ

***********

هل يختفى الظل الذى لا ينتمى

إلا لمعرفتى وجهلى

وهل نودع بعضنا ونذهب فى سراب الذكريات

كيف تبدو الذكريات

كيف يبدو طعم أيام الشجن

من يعلم ذكريات كل أشكال التداعى ..

والرحيل المر دوماً

حين يختلط المدى بالمآسى .. والمخاوف

وأحتراق الأمنيات

*********

تعِبٌ هو البرق الذى لا يضيءُ أقبية الخبايا

لا ينتمى للسحبِ ..

والعشبُ الذى لا يرتوى

إلاّ بطعمك يا عصيراً من خليط الدهشةِ الأولى

وأحتراق الأغنيات

[العطبراوي]

شعراء مصطفي سيد احمد
يحي فضل الله..........وقصيدة....حبالنا الجوة


حبالنا الجوة .. ما تخنت


حبال السما الممدود


حبال الصوت وكت يرجع


يجيب الخاطر المردود


*********


تعالى نشوف


غنواتنا


البقت فى الدنيا ما بتشوف


تعالى نشوف


حروف البكا .. الجوّاها مافى حروف


تعالى نشوف .. تعالى نطوف


على المدن البِقت أشباح


على الجوع القعد مرتاح


على الكلمة البِقت فى الجوف


.. تفتش سكة الأفراح


**********


تعالى نشوف


منو البقدر يخاصم طفلة


صِبحت هازلة فوق مدّ الأسى .. الحرّاق


يا غنوتنا ما تفوتى


ويا كلمتنا ما تموتى


فتشى فوق ضمير الكلمة


عن وتراً رحل ... فرّاق


وعن ولداً رحل ... فرّاق


وعن بلداً رحل ... فرّاق


وعن عِلماً رحل ... فرّاق


غُنانا الفينا ما بشفع


حديثنا الجوّة ما بِنفع


تعالى نشوف .. تعالى نطوف


تعالى ..


نعلم الشُفّع

[العطبراوي]

شعراء مصطفي سيد احمد
يحي فضل الله...........يا.خطوتك

لا زمان حبك حقيقة

لا تعب زمنك .. فرح

يا خطوتك

يا خطوة الوجع .. الجرِح

لا الفيها منك إبتدا

لا البيها منك إنتها

يا خطوة ضاعت بين صراخك .. والصدى

بين المشاوير والنوى

بينك وبين كل المشاعر

الفينا غرقت فى الغنا

*******

يا خطوتك داست على الحرف اليِبِس فوق الشفاه

داست على البوح .. والكلام

داست عليك .. وعلى إنتظارك والملام

داست عليك

وعلى الدروب الجاية منك .. وماشة ليك

لا تِعِب فيها الحرف

لا فتر فيها الوِلِف

يا خطوتك

بين إبتعادك .. وإنتظارى

بين مشاوير طفلة ضاعت

بين عيونك .. وإفتكارى

[العطبراوي]

شعراء مصطفي سيد احمد
يحي فضل الله...................يابكرة

مساماتك بتشقق عشان تشرق صباحاتك

صباحاتك بتتعانق مع الفكرة

وتاخد من جراحاتك

نضيف إحساسنا بى بكرة

*********

يا بكرة الغصن ناشف

ويا بكرة الفرح يوماتى ..

بيكاتل حزن أطفال

بتتشابى عشان تعرف .. شنو الفى إيدنا لى بكرة

شنو الداخرنـّوا لى الكسرة

عشان تشرق صباحاتك

عشان تقصر مسافاتك

عشان تبرق غماماتك

عشان تخضر مساحاتك

عشان بكرة

وبعد بكرة

[العطبراوي]

شعراء مصطفي سيد احمد
يحي فضل الله............ياضلنا

يا ضلنا المرسوم على رمل المسافة

وشاكى من طول الطريق

قول للبنيـّة الخايفة من نار الحروف

تحرق بويتات الفريق

قول ليها ما تتخوفى

دى النسمة بتجيب الأمل

والأمل بيصبح رفيق

والأصلو فى الجوف إندفن

لا بتنسى .. لا بنمّحى

لا بنتهى منو الحريق

********

والفينا من آهات أليمة

فى حكاوينا القديمة

لا بيرحل عن عيونـّا

ولا بتغشاهو الهزيمة

والقبيل راجِنو نحن

يوم تبشـِّر بيهو غيمة

لما تمطر يوم علينا

الفرح يملا المدينة

والبلودات الحزينة


http://www.sudanesehome.com/forum/images/misc/progress.gif

[العطبراوي]

شعراء مصطفي سيد احمد
يحي فضل الله..... خبرينى



والمساء الشاحب الخطوات يحترف التعب

ورحيل أغنيةٍ توشوشُ فى خبايا الإنتظار

تضيع منى

كى تجاذب كل أطراف الزمان

أهدهد الكلمات

لا أقوى على شىءٍ من الذكرى

وهذا العقلُ متعب



رجوعُ الدرب .. لا يفضى إليك

ولا إلى اللغةِ الصريحة

كى أحدد ما تبقى من رحيقك

فى مسام الروح .. والجسد إشتعالاً

وهذا النبض .. أتعب



وتلك الخطوة إبتعدت عن الصحو

المكمِّل للحقيقة

أغلقت بالخبث أبواب الوضوح

زيفت صوت المغنى

عهرت لغة النشيد

ضيعت حلم الصبايا .. فى طوابير الرغيف

غيبت حلم الطفولة

أنهكت حزن الشيوخ

همشت منك .. القضايا

فى إحتمالك للتواصل

والمرابون إستباحوا هذه الأرض الحلوب



فيا جميلة .. خبرينى

كيف بددنا الكذوب

ثم إنّا لم نعد ندرى بأنا

مذ حملناكِ .. جنينا

قد نسينا أن نضع فيه الملامح

لو سـُئلنا كيف ضيعنا إنبهارك بالخصوبة

وأرتضينا أن نسلم للعساكر

من ثمارك ما يطيب


http://www.sudanesehome.com/forum/images/misc/progress.gif

[العطبراوي]

شعراء مصطفي سيد احمد
علميني الاحتمال
هذه القصيده شاعر اخر لا اذكر اسمه الان
علمينى الإحتمال
وكيف أجاوب عن هواك
لما يغلبنى السؤال
لما يتأرجح منانا
بين مظنة وإحتمال
ما بحسِّـك دونك إنتى
ما الحقايق ما الظلال
والحرِف بِعرِفْ مداهو
حتى لو جفّ الخيال
علمينى الإحتمال
ونحنا كيف نقدر نقاوم
فى بلد ملّ الحِوار
صرخة بتموت فى المزارع
زيف مشتّت فى الشوارع
بين مداينّـا الكُتار
علمينى الإحتمال
ونحن كيف نقدر نقاوم
هجمة الزمن التتار
وكيف نحصِّل ومضة الأمل
البيشرِد كل مرة
وفى إنتظارى
إنتى والشوق فى المجرّة
برق خفّق من خدودك
ورعد يفتح لى حروفك
وغيث يخدر فى سهولك
علمينى الأحتمال
ونحن كيف نقدر نجمّع
لى ملامح الليل
بنوصل من مدار
علمينى الإحتمال
وكيف قواى تقدر تقاوم
فى بلد ملّيت صِفوفة
ولاّ أمشى على المزالِق
فى بلد نقرت دِفوفة
ولاّ أشيلِك وإحتِمالِك
إمّا أدّيك فى إحتمالى
يا أشيل منِّك ظروفك
ولاّ أرجّع ليك حروفِك
غنية تمرُق من جروفك
برجا هجعة ليل طيوفك
علمينى الإحتمال
ولاّ نتعاهد نواصِل
فى الدروب القاسية نمشى
وفرحة الأطفال نشوفة
ومضة تمحوها الظلال
ولا نتعاهد نواصل
ونظرة تغنيك عن سؤال
فى خيالك وغيم ظلالك
بين ظلالك واحتمالى
لمّا يتجاوب سؤالك
ترفع الأحزان ظروفة
وتنقر الأفراح دفوفة
لمّا نتقابل نحقّق
فى وجودى وفى وجودِك
أحلى شوفة

[العطبراوي]

شعراء مصطفي سيد احمد
يحي فضل الله......ضوء شبابيك البيوت

يا ضوء شبابيك البيوت

بين التوهج .. و الخفوت

أسرح معاك .. و اسألك

قبال ما يخنقنا الرماد ... و يعلم العقل الحياد

قبّـال لهب حلمك يفوت

و جذوتك تبهت ... تموت



يا ضوء شبابيك البيوت

أسرح معاك .. أستفسرك

عن ظلمة تمتد و تطول

وإتلخبطت فيها الفصول

عن كلمة ضاعت في الفراغ

بين البزيـِّف و البقول

عن سر يباس البذرة .. في طين الحقول

عن كل أحلامي ... الصغار

الما لقت ... غير الذبول

[العطبراوي]

...شعراء مصطفي سيد احمد
يحي فضل الله.....غياباتِ الخليلْ

بالأمس ،، كان غناؤنا عذبآ

و كنت تتخذين قافيةً

لها طعم التواصلِ ،، و التبادلِ بين قمحٍ و خصوبة

فلماذا تأخذين الآن شكلاً يرتدي لغة الظهيرة

يقتفي ظل الفجيعةِ

تختفي منه العذوبة؟

إنها اللغة التي عمقت فينا التداعي

و غلغلت بين العظامِ

تزامن الوجعِ المعبأ بالضياعِ ،،، و بالرطوبة

فأخترنا من بين الزحام

خرائط الفرح الملون

بالطبول العازفات مقاطعآ تنمو علي عين الحبيبة

بادرتني هواجسي

فأستعرت من الشوارعِ عظمةً كانت تحدقُ في الحياةِ

و تعتريها الأمنياتْ

و سمعتُ من مدنِ الخرابِ حكاية الآتين منك

يلعقون السمّ

من شفةٍ تدندنُ بالرخيصِ من التباكي ،، التشاكي ،، الأغنياتْ

فيا بنتُ المسافةِ والرجوعْ

و يا بنتُ الخريطةِ و الدموعْ

إذهبي مني ،، تمنِّي

و أمنحي القلب التجلِّي

و غادري اللغة التي ظلت تموتْ

أغرزي فيّ الثباتْ

الله يا وجعآ تمدد في العشيةِ ،، و الصباحْ

الله يا حلمآ تناثر بين افواهِ الرياحْ

و يا طفلةً ظلت تفتشُ عن ضفيرتها

تحدقُ في حطامِ الأمسياتْ

سافري

سافري

سافري

سافري فيّّ ،، شموسآ و وتر

عمقي جرحي اقترابآ و سفرْ

لأغنيكِ التماسك

أبتغي منكِ الوصول

أمنحي القمح الخصوبة

أمنحيني نفسي ،، دون خوفٍ ،، دون همس

وأمنحي المدن الدليل

فيا طفلةً ظلت تفتشُ عن ضفيرتها

بين دمعٍ ،، و رحيلْ

هل يكون الموت نوعآ من تآلف

في غياباتِ الخليلْ ؟

[العطبراوي]

...شعراء مصطفي سيد احمد
يحي فضل الله..........السحاب

السحاب لو اصلو خاصمنا ... و تعب

و الرياح الفي الدرب

شتّتتْ فرح القوافي

و مّددت حزن المنافي

برضو ريدك فينا باقي

في الحنايا ...في عيون أطفال بتكتب بالدوايا

في المشاوير والحكايا

و جّوه ثابت في القلب



يا سمحه ما غابت مدينة

يا سمحه ما بموت الفريق

و لابينهش في غناوينا الحريق

و الوتر دايماً بغني ..

للقوافل الجايه من وجع الطريق



و السحاب برضو بيعود

ويجيك بي برق البشارة

بينا بينك لا موانع لا سدود

بيناتنا بس تبقي الجسارة

[العطبراوي]

شعراء مصطفي سيد احمد
أزهري محمد علي.......ابداك من وين يا..كل المعاني الجميلة.....وكفي

وضاحة

الـصـبـاح الـبـاهـى لـونـك

وضـــاحة يـا فجــر المـشــارق ....

غـــابـة الأبـنـوس عـــيونك

يابنيّة مــــن خـــبــز الفنادق

***********

شـــيدتى فـى جــــوّاى صــوامــع لـى الـفــرح

وفـتـحــتـى فى دنياى .. مـسـارح لى المــــرح

وبــقيتى لى ســــكة وعــيون

لا قـدرت أطــولك شـــان أجــــيك

ولا قـــدرت من غــــيرك أكــــون

وأنا بــيــكــى مــالـينى الكـلام

... حــرّكت بيك عــصـــب السكون

جـــلــبت ليـك الغــــيم .. رحـــــط

طـــرّزت لـيــك النيـــل .. زفـــــاف

حرقت ليك الشوق بخور ...

وفرشت ليك الريد .. لحاف

**********

لا الســكة بيكى بتنتهى

ولا مـعــاك مــلّيت طـــــواف

ياريتنى لو أقــدر أطولك

وضّـــاحة يا فجـــــــر المشارق ....

[العطبراوي]

شعراء مصطفي سيد احمد
ازهري محمد علي.....مشروع حلم الفسيح

أنا بينى مابينك جزر

تترامى .. والموج اللّديح

القدرة والزاد الشحيح

كملتو .. ما كِمل الصبر

نتلاقى فى الزمن المريح

ميعادنا فى وش الفجر

********

يا مشرع الحلم الفسيح

يا بعض منى .. وفينى ساكن

أنا أصلى منك ومشتهيك

وبيناتنا ليل الغربة ... داكِنْ

هبّت هبوبك

أفتح شبابيك المساكن

وسـِّع دروبك .. ولـِّع مصابيح الأماكن

***********

يا مشرع الحلم الفسيح

يومنا النـّهِـبْ .. أسلِبنا خوفنا

كبـِّرنا قدرك .. مرتين

وطـِّول قدر كتفك .. كتوفنا

يا غضبة الرعد البيسكن .. فى غناوينا وحروفنا

ضوِّى الدساكر والضفاف

عبِّى الحناجر بالهتاف

سدِّد مسامات الرِّعاف

نوِّر مغاراتنا وكهوفنا

**********

يا مشرع الحلم الفسيح

أنا وإنت .. والمطر الفصيح

حنطوِّع الزمن القبيح

ناخد بعض .. شكل السما

حدِّثنى دايماً .. كلما

تنشف على البر الضفادع

يهجر الضو المواضع

وتسقط من الكف .. الأصابع

حدثنى دايماً كلما

تحرد مراسيك السفن

تسكن مرافيك الزعامات .. الدُمى

حدثنى لو تاهت خطانا .. على الدروب المبهمة

أو ربما

تهدم آلات الشوارع .. وترجمْ العُزّى الصواقِع

حدثنى لو صادف الكى المواجع

وضلك على الساحل رمى

حدثنى لو مطرك هما

علمنا دايماً كلما

نبذر على أرضك شهيد

يطلع شمس .. يبهر بأنوارو السما

[العطبراوي]

شعراء مصطفي سيد احمد
ازهري محمد علي.........أبداكى من وين

أبداكى من وين .. وفينى منك لسة حاجات

من مخاوف ومن شجن

أبداكى من وين .. وظنى إنك

فكرة إعلان الحياة

وإنتهاءات العوارض والمحن

نفسى ألقاكى وأكون

أنا كلى من بعضك

أو .. بعضى من كلك بدن

وداير أبقاكى وأوحد دورة الدم

المقسمة بينى .. بينك .. والسحن

..........

أبداكى منى .. ولاّ منِّك

أبتديكى محل .. محل

من ياتو منفذ أدخلك

وكل المنافذ فيكى سدّاها النحل

من ياتو شارع أوصلك

وكل الدروب معطونة لى آخر الوحل

.. أستبيح كل الحواجز .. وأدخلك

من كلامك بدخلك

من بين مسامك بدخلك

من أى قاسم مشترك

وشبهة تشابه .. ادخلك

ونتلاقى نهرين من تسامى .. وإشتها

وأبداكى من حيث أنتهت عندك خواتم الإنتها

أبداكى .. وأخلع خيام عمرى المضى

وألقاكى مبسوطة اليدين

مفتوحة أبواب الرضا

أبداكى من لحظة أنستِكْ نار

وأخدت من قبسك .. هُدى

وأنا ضُمـّة زاهد

فى الدروب الما بتجيك

.. ولا بترجِّع ليا من تالاك صدى

أبداكى من وين ؟ ..

[العطبراوي]

شعراء مصطفي سيد احمد
بشري الفاضل..المبدع... نفسى فى داخلك أعاين ...ونتمتع ...بروائعك


نفسى فى داخلك أعاين

وأروى روحى وأشوف منابعك

الصحرا فى عينيا تتواثب جناين

ماخدة صوتك من جداول

وما خدة صورتك من كهارب

مولداً ميدانو حافل

كلما يصبـِّح ... تجيهو الناس جحافلْ

يا سلام

**********

لمـّا تعبرى فى الشوارع

شوفى كيف الناس تصارع

ناس تطفـِّر .. وناس تدفـِّر

فى البشابى على نجومك

وفى البخبْ .. كايس تخومِك

وكل زول من عِنْ سُلافك ..

لا لا .. قال دايرلُو كاسْ

********

مرّة طربان .. شلت صوتك شان أغنى

قلت آه ياليل .. وآه

إنتى أول .. وإنتى تانى .. وإنتى تالت

وإنتى رابع

نافرة زى صيد الخلا

وصافية زى نبع المنابع

وقلتى لى غناى .. خلاص

*********

حلوة عينيك زى صحابى

عنيدة كيف ... تشبه شريحتين من شبابى

حلوة عينيك زى صحابى

وزى عِنب .. طوّل معتـّق فى الخوابى

وسمحة زى ما تقول ضيوفاً .. دقـّوا بابى

.. فرحى بيهم سال .. ملا .. حتى الكبابى

[العطبراوي]

شعراء مصطفي سيد احمد
بشري الفاضل.... متخبية


متخبية والناس شايفنك

باباى ونخيل

متخفية والناس عارفنك

قرآن وإنجيل

وشقانا معاكى .. هو إنـّك

طاويك الليل

لكن واردنك .. وراويانا

لا عيون تحزن .. لا دموع بتسيل

*********

يوم بكرة جميل

ضوّاى .. ووسيم

يوم بكرة جميل

باكر .. ذاخر

يوم بكرة جميل

أبداً لا أتغرّب .. لا مسافر

باكر ضوّاى

وجميلتو الليل الما سوّاى

كان حاول يطمس أقمارو

يوم بكرة جميل

أبيض ريحو

من فالو النيل يطمح طوفان

وتخاف من موجو تماسيحو

باكر ضوّاى

كلمات وأناشيد .. وقيامة

باكر ضوّاى

وغناهو الحادى .. الهدّاى

يوم بكرة جميل

[العطبراوي]

شعراء مصطفي سيد احمد
قاسم ابوزيد......وتاني قاسم ابوزيد..وتالت ود ابوزيد.....ياالغناوي الفيني منك مشتهنك
والخطاوي البيني بينك كايسة عنك..........مشتهنك ومشتهنك...يا جميل يارائع

عباد الشمس

عباد الشمس شافك .. مشاك ..

ساقِك جبيرة وجد

تيار الظلام غطاك

غياب البهجة ما هزّاك

هواك .. هز العهود .. بى الصد

*******

تذوب يوم الشموس ضوّت

عباد الشمس يوم جاك .. سألنا الغيم .. عِنادِك ردْ

أسف بُعدِك حروف جفّت

جِدار الماضى .. دمعة خد

********

غَفل طرفِك .. صَرَخْ .... ياليل

سرق عِشقِك صباحاتى

شتيل إحساسنا ما فرهَد

********

رحل صوت المغنى .. حزين

ولسّة الصوت .. صِراع زمنى

مواعيد عِشقِى ما بتِنـْهـَد

[العطبراوي]

شعراء مصطفي سيد احمد
قاسم ابوزيد............نشوة ريد

عباد الشمس شافك .. مشاك ..

ساقِك جبيرة وجد

تيار الظلام غطاك

غياب البهجة ما هزّاك

هواك .. هز العهود .. بى الصد

*******

تذوب يوم الشموس ضوّت

عباد الشمس يوم جاك .. سألنا الغيم .. عِنادِك ردْ

أسف بُعدِك حروف جفّت

جِدار الماضى .. دمعة خد

********

غَفل طرفِك .. صَرَخْ .... ياليل

سرق عِشقِك صباحاتى

شتيل إحساسنا ما فرهَد

********

رحل صوت المغنى .. حزين

ولسّة الصوت .. صِراع زمنى

مواعيد عِشقِى ما بتِنـْهـَد

[العطبراوي]

شعراء مصطفي سيد احمد
قاسم ابوزيد...........علميني الاحتمال

علمينى الإحتمال


وكيف أجاوب عن هواك


لما يغلبنى السؤال


لما يتأرجح منانا بين مظنة وإحتمال


ما بحسِّـك دونك .. إنتى


ما الحقايق .. ما الظلال


والحرِف بِعرِفْ مداهو


حتى لو جفّ الخيال

*****


علمينى الإحتمال


ونحن كيف نقدر نقاوم


فى بلد ملّ الحِوار


صرخة بتموت فى المزارع


وزيف مشتّت فى الشوارع


بين مداينّـا الكُتار


علمينى الإحتمال


ونحن كيف نقدر نقاوم


هجمة الزمن التتار


وكيف نحصِّن ومضة الأمل


البيشرِق كل مرة


وفى إنتظارى


إنتى والشوق فى المجرّة


برق خفّق من خدودك

ورعد يفتح لى دروبك

وغيث يقفّل فى شجوبك


*****


علمينى الأحتمال


ونحن كيف نقدر نجمّع لى ملامح الليلة


من عُمق المدار


علمينى الإحتمال


ونحن كيف نقدر نقاوم


فى بلد ملّيت صِفوفا


ولاّ أمشى على المزالِق


فى بلد نكرت دِفوفا


ولاّ أشيلِك وإحتِمالِك


إمّا أدّيك إحتمالى


يا أشيل منِّك ظروفك


ولاّ أرجّع ليك حروفِك


غنية تمرُق من دفوفك


برجا هجعة ليل طيوفا


*****


علمينى الإحتمال


ولاّ نتعاهد نواصِل ..


فى الظروف القاسية .. نمشى


وفرحة الأطفال نشوفا


ومضة تمحوها الظلال


ونظرة تغنيك عن سؤال


فى خيالك .. وغيم ظلالك


لمّا يتجاوب سؤالك


ترفع الأحزان ظروفا


وتنقر الأفراح دفوفا


لمّا نتقابل نحقّق


فى وجودى .. وفى وجودِك


أحلى شوفة

[العطبراوي]

...شعراء مصطفي سيد احمد
قاسم ابوزيد............سافر

سافر ..

مطارات الوداع ضجت قدامك .. وراك بيضا

وسماك غنـّاى

مساحات الأسى الفى عيونّا

تتفجر مدينة وناى

بطاقات دعوة الرجعة .. تساب عينين من الفرحة

دموع للحاضرين فجت

زغاريد غطت الدنيا

وعاد .. فرح الرجوع منية

صداك الريح .. ومتل السنبل الغناى

........

كتير بنعاتب الحاضر

ولا أسفاً على الماضى

صدق الرؤية من قلبك .. بين الشوف وإنسانك

نغم فنان يعيش راضى

مداك إتعدى حد الشوف

دخلت على الشعر .. إنسان

وهواك .. إتختّ جوة الجوف

وإنتحر النهار .. هسـّة

نغنيك لى مدن .. شاخت

معاك أحلامى .. ما تنسى

تغنيك القرى الراحت

خلاص يا غربة .. ما ترسى

غنيناك .. وبنغنى

وبتحدى الزمن .. فنان ..

[العطبراوي]

شعراء مصطفي سيد احمد
قاسم ابوزيد.........القاكي..وين

ألقاكى وين

كان التعب قفـّل مسامات الضياع

غناكى مزمار الزمن .. إرشيف عِشِق

مشوار نغم

وتر التراخى .. موشحات

****

ألقاكى وين

من غبتى ما شرقت شمِس

والدهشة ساساق الدروب

لى وين تمِش

نار النضال لو تنهبِش

توقِد سنون المتعبين

تعقد زفاف آخر ضمير

إتباع مقنّن بالقِرِش

****

ألقاكى وين

كان التعب ما ختّ إيدو

على جبين تربال يخم رمل الشقا

المليان غُلُب

دقست قوافلو مع السراب

ورابط جِلَيد الهم سِعِن

محزوم خِشيمو من الصَبُر

راجى السحاب

****

نلقاكى وين

أنا .. وإنتى .. والنيل .. والأرض

والبور مشتّت متنسى

نجامة التعب .. الكَعب

.. ما كان عَوَل ريدى الصِبِح

صفصاف هدير البر

أيامى توب شحاد .. هزاهو خمّ وخمْ

أنا ما لقيتِك ليه

طعم الفراق دم.. دمْ

ختيتى فوقى الليل

والليل سقانى السّمْ

أنا خاطرى فى المطرة

ريحة الدعاش .. والشّمْ

.. ألقاكى وين


http://www.sudanesehome.com/forum/images/misc/progress.gif

[العطبراوي]

شعراء مصطفي سيد احمد
قاسم ابوزيد......ضليت

ضليت .. هرب منى الأمل .. جنيت

جافانى الشروق .. حنيت

كنتى معايا .. فى لمـّة دليب .. شاشاى

فى إيقاع حشا المردوم

فى جيد الزمن .. سوميت

************

مرقت .. على محطات السفر .. غربة

وما لقيتك .. أمل شارد

مع إنك معاى فى زحمة المشوار

وحتى يقينى عاد من تانى

صحـّاك فى حنين ذاتى ..

نجم الفرحة يا عايد

*********

تعالى معاى....

تعالى معايا من زفة نفس مسدار

وما جرتق فرح .. كانت

ولا طعم الشقا الروّح

خطاى هانت

وإنتى معانى شايلاها القوافى

معزة فى عمق الفرح .. دوبيت

وكت ضليت

.. قعدتّ براى .. وحسيتك

بتطلعى من نفس طورية ضامـّة الطين

ومن دمعة وجع طوّل

ندا العرق البنادى .. حنين

[العطبراوي]

شعراء مصطفي سيد احمد
قاسم ابوزيد..ادفقي

إدفقى ما تبقى رقراق

أبقى يا ضُل .. يا شموس

غطى المساحات بالوضوح

إستنهضى الشوق .. الجروس

وهجك شوارع ذاتى

فى ليل اليباب

ما تشفقى العطش .. الرحيل

النيل ركيزة

ودمعة الأحباب سِحاب

ما تخافى من دم الغروب

لو رتّش الّلوحة الضباب

مادام ضمير الفينا .. حى

مادام عِريق العِشق .. حى

ملحوقة يا مدن السراب

نديانة بى فرح التساب

********

أدفقى فيضان عمار

أتربعى .. وفجّى الوجع

دمع الألم .. ما يدفّقك

ما خاب غناك

فارسك رجع

إتوهجى وإنتى الشمس

إتلهجى نورك سطع

نوّر بوادينا الكساح

رقصت مزامير الصباح

مبكية قرية وقنبلة

متكية دمعة .. وسنبلة

الليلة فى إيدنا السلاح

ريشة وكدنكة .. ومطرقة

نبنيكى أحسن يا ظروف

مخضرة .. دانية القطوف

نطوى المسافات .. نسبقا

********

أدّفقى بلدك فِداك

إتوهطى

ورّى البنيات العديل

محمية بى عرق الترابلة

ونغمتك مسقية بى الريد العتيق

أنغام رباباتك تشيل

معزوفة الليل .. والرفيق

ما تصغرى

تكبر أمانى السنبلة

هَىْ أكبرى

تصغر معانى القنبلة

ما ترجعى الصد لى المداين .. والقرى

شيلى الشحوب والإصفرار

أدى البويتات منظرا

إدفقى فى كل شارع .. وكل بيت

فى روابينا المحنّة

وفى ضمايرنا السهول

إدفقى

فى كل حتة .. وكل زول

أبقى .. شان تحيا الفصول

[العطبراوي]

شعراء مصطفي سيد احمد
قاسم ابوزيد...ليه غبتى يا قمرة

ليه غبتى يا قمرة

نركب جياد الليل

وإنشرّ بينّا صباح

سفر العتامير .. ليل

نرجاكَ فى المطرة

أرجع تعال .. يا شليل

دِرع الأميرة .. سـِرِق

سووهو حِدوة خيل

بحر العطاشا .. نِشِف

نشرب بواقى السيل

******

صُدْ لى ملامحك .. يا حراز

ريح العوارِض ... غرّبتْ

فرتِق ضفايرك .. لى الرزاز

... جية العصافير .. قرّبتْ


http://www.sudanesehome.com/forum/images/misc/progress.gif

[العطبراوي]

...شعراء مصطفي سيد احمد
قاسم ابوزيد...زي مايكون

على عمقك

مشيت متلفِّحك .. خاطر

برغم ذبول نجيماتك

سماك معقول

وشارع الشوق ..

بدونك .. تمْ

بحِسْ بى القول .. على حدّ السيوف مجدول

ورغم الفات

ورغم الحاصِل المسلول

فوق عمقك قدل جوّاى

على لقيا .. وبياض خاطر

وزى مايكون

*****

وعلى عمقك

مشيت متلفّحك .. خاطر

لا الشبورة .. لا ريحة الدُعاش

مشبوبة بى ندّكْ

.. صبابة وصوت

ولا برقت شموس منّك

ولا دخلت شموس فينى

ولا أظنّك بتدّى شموس

ويطلع من عيونك ضو

ولا لِمِس الجفاف خدّك

ولا ركّ الندى المحروق

فراشات فى شذاك .. دخان

شعاعات من بريق لحظك

فهل يرجع زمن جيتك

حضور تانى ؟

*******

على ذكراك أمل ممتد

أنا وإنت .. وهدير الكون

على لقيا .. وبياض خاطر

******

وعلى عمقك .. مشيت

متلفّحك خاطر

ولا عند المغيب وجّت غصون شجرك

ولا لمـّة فرح .. بتلم

ولا الرقدة .. التعب بتجم

ولا زِيف العِشِق مفضوح

ولا الصمت القبيل .. مفتوح

ولا الفرح البِتِم القول

صدى الغنوات ... يرقِّص حول

ولا وجّت رياض أطفال

ولا الموّال

مركّب بى نسيج الجيـّة

بى أنغام طبول شدوك

عشان أضحى الفرح مسحور

وإيقاع الرقيص .. مكسور

******

نسيب البلد ... ينجَمْ

نطوى الشوق منام

نتوسد الأحلام

على هبـّة نسيم باكر

لأننا نحن متواعدين

ومن جوّة الضجيج طالعين

بصوت واحد

لأننا نحن متواعدين

على لقيا وبياض خاطر

وزى ما يكون

[العطبراوي]

شعراء مصطفي سيد احمد
شاعرنا عبد العال السيد........صحفي وكاتب.....ويمتلك....الكثير...الكثير من القصائد والاشعار.......لعدد من الفنانين......وتعامل مع مصطفي سدي احمد في عددة اعمال.....
غرب ومطر

الدنيا ليل .. غربة ومطر

وطرب حزين

وجـّع تقاسيم الوتر

شرب الزمن فرح السنين

والباقى هداهو السفر

*******

ياروح غناى

الغربة ملّت من أساى وغربتى

وبقيت براى .. حاضن أساى

الوحشة ملت من شقاى .. ووحدتى

لا غنوة .. لا موّال يبدد حسرتى

غير الدموع ياملهمة

الغربة مرة .. ومؤلمة

*********

قولى للنيل ضفة .. ضفة

والعشيات لما تصفى

والنسيمات البتاخد

من عفاف ريدتنا .. عفة

إنو شوقى يفيض بحر

شوقى شوق إنسان مضيـّع

ضيعو الليل .. والسفر

لا ينابيع ريدى جفـّت

لا .. ولا أشواقى خـفـّت

كل يوم فى الغربة زايدة

وبيها كل الدنيا .. عرفت

[العطبراوي]

شعراء مصطفي سيد احمد
عبد العال السيد.................
عز المزار

من بعد ما عز المزار

والليل سِها .. وملّت نجومو الإنتظار

والشوق شِرِب حزن المواويل
وإنجرح خاطر النهار
*********
وبقيت أعاين فى الوجوه
وأسأل عليك وسط الزحام .. قُبـّال أتوه
يمكن ألاقى البشبهك
ما الليل براح
والشوق .. تعالى بيندهك
*********
شايلاهو وين النيل معاك
عصفورة جنحاتا النجوم .. وأنا بى وراك
بسأل عليكى مدن .. مدن
وأعصر سلافة الليل .. حزن
بسأل عليك فى المنفى .. فى مرفا السفن
يمكن طيوفك أُخريات الليل تمر
تملا البراحات ..
لى الحزين طول العمر
********
ما نحنا بينا الأمنيات والتضحيات
بينا المعزات .. والعذابات فى الحياة
بينا الهوى ..
إخلاص على قلب إنكوى
وكلام قديم
قلناهو آخر الليل .. سوا
إنو راح نتلاقى لو طال النوى
لكن كلامنا الكان .. وكان
خايف يكون شالو الهوا

[العطبراوي]

شعراء مصطفي سيد احمد
خطاب حسن احمد..الشاعر والكاتب ...البليغ...الروعه تسري في جسده...والكلمات...تتطاوعهوا....بخجل.....

البت الحديقة

حتجى البت .. الحديقة

شايلة أنسام فى طريقا

.. وشاتلا ألوان

*******

حتجى البحدث بريقا

ضجـّة الضو فى المكان

حتجى المن بدرى جات

.. من ظلامات السكات

شايلة قمرين فى عيونا

.. وفاتحا ليلين بى جنونا

.. وطاوية ساحات إنتمت لى فجر ..

فات

وتنتمى لى عصور جديدة

********

حتجى البت البريدا

ضاحكة .. منتصرة .. وعنيدة

آملة .. مزدهرة .. وجديدة

ناقشة فى الزول .. أغنيات

حتجى المن بدرى جات

.. من ظلامات السكات

واصفة لى الناس الطريقة

.... ولى العصافير .. الجهات

[العطبراوي]

شعراء مصطفي سيد احمد
خطاب حسن احمد مع جلبت ليك......


جلبت ليك
جلبت ليك من بلادالله البعيدة

صنوف من الوجد .. المُلِحْ

قلت ألقاك فى السّمح

كنت بصطاد فى الظهيرة

من مناقير الكنار

بوصل السكك .. الأغانى

ومن ثُرى الليل القصيّة

أنتشل عطر الأمانى

ولو ألاقى اللون .. أدسّو

لمّا يغرس فينى حِسّو

لى ملاقاتك .. هدية

وأفقد الرعشة المعبّية .. فى إيديا

جلبت ليك

[العطبراوي]

شعراء مصطفي سيد احمد
الاستاذ والشاعر والاديب محمد المهدي عبد الوهاب....وصديق الراحل المقيم مصطفي سيد احمد...........وتجاورا مع بعضهم لفترة طويله

مزيكة الحوارى
مانى غرقان فى التمنى

ولانى سارح بالأمانى

زارنى خاطراً بلّ شوقى .. وإحتوانى

النخل إتلاقى .. غنى

وردد النيل الأغانى

النجوم لامع بريقا

الورود النايمة .. فاقت

عطرت كل الجزاير بى رحيقا

الندى الراقد بفوقا

صفّقت جنحاتو غنت .. لى هوايا

**********

دقوا مزيكة الحوارى

رقصوا البنوت .. أعرضوا

النخل زايد فى عرضو .. وفى علاهو

البيوت غرقت وراهو

وبرضو زايد فى علاهو

يحكى للدنيا الجميلة

سر عظمتو .. وسر بهاهو

********

ضى عيونك يا بنية

يضوى من بلداً بعيدة

تحملك لينا الغمامة

ويكتمل للروح .. نشيدا

وفى الدروب اللّيك تودى

بنسرج الخيل العنيدة

والحزن من نور عيونك

يلبس الفرحة الجديدة

***********

وأنا راكب يا مراكب

لا الرياح توقف خطايا

لا الجبال .. تحجب رؤايا

ست شموس الكون .. منايا

ليك مسافر

ومن كتير الزاد .. مسافر بى غنايا

نوصل الشمس البعيدة

نبقى عيدا

نزرع الحب البيوقد

لى النهاية

[العطبراوي]

شعراء مصطفي سيد احمد
محمد المهدي عبد الوهاب.................أخوان الإنسانية

أخوان الإنسانية




مابين زمناً متمنيهو


وزمناً منك .. زادنى أسيـّة


طفت الدنيا عشان .. أنساكِ


وأنسى الحزن الطارد .. ليـّا


كان البحر الما خـلاّنى .. أعيش فرّادى


كانوا أخوان فى الإنسانية


قعدت معاهم .. وإتفاكرنا


كم لفـّينا .. وكم سافرنا


وكم مازحنا ليالى الصيف


كم غنينا لى الحرية


كم دارينا الحزن الأكبر


بين الصيف .. وجمال المنظر


************


كنتِ بتطلعى من عينيهم


وكتين يفرحوا .. أو يندهشوا


أو يفترشوا سواعد بعض


أو يتكلموا عن الأرض .. وسلام العالم


وكنت غريب الوجهِ .. معذب


**********


ما أحلاهم ..


شالوا معاى الهم بى الجملة


.. وهتفوا .. البحر .. البحر


جوة المركب .. فِضلوا يغنوا .. يغنوا


شوية .. شوية ..


وسكتْ المركب


كل الناس إتنين .. إتنين


فرح إتكلم بى لغتين


... كنت برايا

وجانى حنين الكون .. إتكوّم

غوّر .. غوّر .. جوة فى صدرى


وإتمنيت لو كنتى .. معايا

[العطبراوي]

شعراء مصطفي سيد احمد
الشاعر المرهف
أبوذر الغفارى..

ضجة الشوق

فى عيونك .. ضجة الشوق والهواجس

ريحة الموج البنحلم .. فوقه بى جية النوارس

*********

يا ما شان زفة خريفك

كل عاشق أدّى .. فرضو

ومافى شمساً طاعمة .. طلـّت

إلاّ تضحكى ليها برضو

والغمام الفيكى .. راحل

فى الصنوبر بلقى أرضو

والصباح يمتد .. ياما

كل ما جاوبتى نبضو

**********

نشتهيك

يا نحلم نحكى ليك عن المسافة .. ونشتهيك

عن سفن بالشوق بترسم

فى بحيراتك .. ضفافا .. ونشتهيك

عن ملامح غنوة هلت .. فى عويناتك هُتافا .. ونشتهيك

عن حقيقة نهاتى بيها

فى أساطير الخرافة

***********

يا صباحات الموانى

حتى لو دربك ترنـّح .. فى مشاوير الأغانى

والجرح إرتد بينا

لى زمان الآهة .. تانى

يانا لا بنتحاشى صدّك

لا بتموت فينا الأغانى

*************

يا غنانا المشتهنو

يانى موعود بى زمانك

بى مواقيتو البرنـّو

بى إرتعاش صرخة وجودو

يوم يطل ميلادى .. منـّو

لما يتوسـّد صباحك

.. ياتو ليل يفصلنى عنو ؟

[العطبراوي]

شعراء مصطفي سيد احمد
الاديب والعبقري.......والمناضل....والاستاذ......الشاعر الكاتب
محمدعبدالله شمو.....
مريم الأخرى

هاهى الأرض تغطت بالتعب

البحار إتخذت شكل الفراغ

وأنا مقياس رسم للتواصل .. والرحيل

وأنا الآن الترقب .. وإنتظار المستحيل

أنجبتنى مريم الأخرى قطاراً وحقيبة

أرضعتنى مريم الأخرى قوافى

ثم أهدتنى المنافى

هكذا قد خبرونى .. ثم قالوا لى ترجـّل

***********

ثم أنتِ .. أنت ياكل المحاور .. والدوائر

يا حكايات الصبا

تحفظين السر .. والمجد الذى مابين نهديك .. إختبا

ليس يعنيك الذى قد ضاع من عمرى هباء

وأنا .. يا صغيرتى .. لست أدرى ما الذى يدفعنى دفعاً .. إليك

ما الذى يجعلنى أبدو حزيناً

حين أرتاد التسكع .. فى مرايا وجنتيك

لا عليك

تشهد الآن السفوح .. المطمئنة

نحن قاتلنا سنيناً .. وأقتتلنا

نحن سجلنا التآلف .. فى إنفعالات الأجنة

وأحتوانا البحر .. والمد اليقاوم .. والشراع

يا هذه البنت التى

تمتد فى دنيايا سهلاً .. وربوعاً .. وبقاع

ما الذى قد صبّ فى عينيك شيئاً من تراجيديا الصراع

******

والمدى يمتد وجداً عابراً هذى المدينة

خبرينى هل أنا أبدو حزينا

هل أنا القاتل .. والمقتول حيناً .. والرهينة

هل أنا البحر الذى لا يأمن الآن السفينة ؟

خبئينى بين جدران المسام

قبلينى مرةً فى كل عام

فأنا أحتاج أن ألقاكِ فى كل عام

أنا أحتاج أن ألقاكِ فى ذرات جسمى

فى الشرايين المليئة بإنقلابات المزاج

فى إنعكاس الضوء

فى النافذة الأولى .. وبلـّور الزجاج

.. هكذا قد خبرونى .. ثم قالوا لى ترجل

***********

وعلى أطروحة الحلم المسافر .. ألتقيك

على حمى الرحيل المستمر .. الآن .. فى كل المواطن ألتقيك

فى مساحات التوهج .. فى جبينى .. ألتقيك

فى إنشطار الوقت .. فى كل الذرى

وفى حكايات الطفولة .. إذ يعود بنا الزمان .. القهقرى

آه لو تأتين يا سيدتى .. من كل فجٍ .. وأتجاه

من عميق الموج من صلب المياه

تستطيعين التنقل بين أرجائى وظلى

تستطيعين التوهج .. عند لحظات التجلى

ولعينيك إمتلاك وثائقى .. حتماً .. وقلبى

ولعينيك التنصل .. عن مواثيقى ودربى

هكذا قد خبرونى .. ثم قالوا لى ترجل

**********

وأنا أبحث عن صيغة هذا البعد .. هذا اللاّ نهائى

عن قرار الشعر .. عن لون التـّغرُّب

بين جدران المقاهى

آه لو تأتين ... آهِ

تجدين الإِلف الممتد سهولاً .. بإنتظارك

وأنا .. كالحذر المنساب .. خوفاً

بين صالات الجمارك

كالرحيل .. كالترقب .. وإنتظار المستحيل

هكذا قد خبرونى

ثم قالوا لى ترجل

[العطبراوي]

شعراء مصطفي سيد احمد
المخرج المبدع الممثل.....الشاعر......المسرحي المتميز حقيقتاً فنان مكمل.......يصنع البهجة والفرح في نفوس.......ابناء شعبي.........الانسان
جمال حسن سعيد
أظنك عرفتى
أظنك عرفتى

عواصفك مهبـّى

أبارى فى خيالك .. يسوقنى ويودّى

ونهرك يعدى

ويجهل مصبّى

هواجسى البتزرع

وظنـّى البربى

****

لقيتك خواطر

بتصحى .. وتساور

وطيفك يزاور

وروحك تحاور

تجيبنى فى زمانك

موشـّح أساور

أقول بس نسيتك

وجرحك .. يتاوِر

*****

أظنك عرفتى عذاب المغنى

وطبلو المجدّع

شظايا التمنى

حروفو البتجزع

فى لحظة تجنى

خطاهو البتهرع

متين تطمئنى

****

مسرِّج خيالك .. حصانى القبيل

معربد غبارو

وخلّى الصهيل

مسافر .. مسافر .. وفاقِد دليل

أظنـِّك عرفتى ..

هموم الرحيل

[العطبراوي]

...شعراء مصطفي سيد احمد
عمر الطيب الدوش......علم وممحتاج تعريف اكيد


سحابات الهموم


سحابات الهموم .. ياليل

بكن بين السكات والقول

وباقات النجوم

الجّن ..

يعزن فى المطر

فاتن عزاك .. رجعن

وشوق رؤياك دوام مشدود

على أكتاف خيول... هجعن

وصوت ذكراك .. مكان يجرى

يلاقى السيل ...

وسر مدفون بصدر النيل

**********

ولولا الذكرى مافى أسف

ولا كان التجنى ... وقف

**********

وصوت ذكراك

رزاز صفق

على خطوات بنات .. سجعن

وصوت ذكراك ..

حنين لى غيبة فى المجهول

ولولا الذكرى مافى ..وصول

ولولا الذكرى مافى .. إصول

ولولا الذكرى مافى شجن

********

سحابات الهموم ياليل

بكن

بكن

بكن

[العطبراوي]

شعراء مصطفي سيد احمد
هاشم صديق.......وكفي

حاجة فيك


حاجة فيك



تقطع نفس خيل القصايد

تشده أجراس المعابد

توهتنى .. جننتنى

جننت حرف الكلام

وبرضو أدتنى السلام

********

حاجة فى شُرف المداين

وفى غرف كل السفاين

جوّة فى عمق المناجم .. والعيون

حاجة زى ماتكون محلـّق فى العواصف

فجأة .. تهبط لى السلام

حاجة زى نقر الأصابع

لمـّا ترتاح .. لى الموسيقى

حاجة زى أخبار .. تناغم من جريدة

حاجة زى وتر الموانى

لمـّا يصدح لى سفينة

.. حاجة فيك

*********

حاجة فيك

لا بتبتدى .. لا بتنتهى

خلتنى أرجع لى القلم

وأتحدى بى الحرف .. الألم

وأضحك مع الزمن .. العريض

وأنسف متاريس الطريق

وأعرف متين أبقى المطر

وأفهم متين أصبح حريق

.. حاجة فيك..

[العطبراوي]

...شعراء مصطفي سيد احمد
الاستاذ الشاعر سيف الدين محمد صالح
سر فى جوف أصداف

ياسر مكتوم فى جـوف أصداف

فـتـشـت عليك بقـليب نزّاف

لا خـبـيـر يـهـدى ... لا دليل وصّاف

************

ياسر مكتوم فى جوف أصداف

راجـياها الريح ... وكتين ما تطــل

على موجة تمرجح زهرة فـــل

وتشيلا تروح ... والدنيا تنوح

على قمراً مات فى مطر الليل

يتّم نجمات بكاها السيل

*************

يا سر مكتوم فى جوف أصداف

الريح القاسية عنيدة .. تمام

طـفــت الـقـنديل .. الكان مـقـدوح من دمع الليل

رمت القُـنديل الكان نديان فى جــرف النيل

رسمت أحزان .. وسؤال حيران .. فى عيون أيتام

***************

يا عمر مرسوم فى كف أقدار

يا خطايا الطال بيها .. المشوار

ياليل مشتاق لى دفقة نور

ياظلمة تبكى .. حتى البلور

ياموجة تعاند فى التيار ...

يا خطايا الطال بيها المشوار......

[العطبراوي]

شعراء مصطفي سيد احمد
الدكتور والشاعر المرهف طلال دفع الله


إصطفيت جرحك

وإصطفيت جرحك براك
وتر إنتباهك والنغم
ضفة تزرع فى الشروق
وضفة بتقاوم الألم
شمعة الأمل التهِد ليل الكوابيس
زمن الودار
شامخة بتعاند فى صدى الليل
الهياج الإحتضار
*********
صاح إنتباهك فى الزمن
لما أصطفاك
قدر العصافير .. الرحيل
غدر الشِباك شوك المتاهات .. الدوار
تحتك نسيج الليل .. طويل
الأناشيد الماخدة من حـِزم الشعاع
نار البدايات البتول
للسحابات التلوِّح قوس قزح
بُشـْرَة هطول
ولى ضِيا القمر المقرّح
ضد قوانين الأفول
*******
ليك يا آخر الخيول
فرس الرِهان الما كبا
وهج الشموس الإشتعال ..
وإنكسار المستحيل
شقيتو بى سيل الحروف
الطالعة دابا من الصدف .. مجرى البحر
تيارو والموج الرجوع
أديتو حيل مدّو الزمان كان إنحسر
غيرت فى الزمن الملامح
طعم الكلام .. لون الغُنا
وطبع البذور .. كيميا التراب
طقس المطر
******
صاح إنتباهك فى المكان
زهو السنابل بالقموح
وإجتراحك لى لسان لغة الجموح
وكتين يتوه بين السكات
وسيف القيود .. الإرتهان
شمس الحقيقة .. الـ .. آه ..
بقت منفى ونزوح
وأقتباسك للصبر لغة اليقين
بإنقسامك فى الزمن
وإنصهارك
وإقتسام الآهة بينك والمحن
وإنتصارك لى صباحاً بكرة طالع
من مدارات الصهيل
يا صباحك
لما تنداح ضفة جراحك .. بالشجن
وتقلِد الزمن العديل
يا جراحك
لما تفرد غيم جناحك
فوق عذابات الوطن

[العطبراوي]

...شعراء مصطفي سيد احمد
الاستاذه نجاة محمد سعيد

الزمن الفلانى

لمـّن يجى الزمن الفلانى


سمانا بتقطر مطر ..درّى

وتمازج برتكانى

ندمن الضحك المعافى

نحيا فى الفرح المورّد

ياسمينى .. وأقحوانى

...............

يا حبيبنا .. جوّة عينيك عايشة ناس

بتسجل الأيام .. أغانى

والطريق .. ما ببقى ساهل

ليك بى المعنى المكانى

لمـّا يتحقق زمانى

بشرق الفجر الحقيقة ..

والصباح الأبيضانى

...........

يا حبيبنا

بتحيا فى حلم الترابلة

وفى العلاقات .. المعانى

وفى البقاسى شقا المسافة

وعايشة جوّاهو .. وبعانى

.. لمـّا يتحقق زمانى

بمسح الحزن المعشعشْ

فى عيونك .. أسمرانى

[العطبراوي]

شعراء مصطفي سيد احمد
الطيور
حافظ عباس





والله نحنّ مع الطيور..

الما بتعرف ليها خرطة

ولا فى إيدا جواز سفر

نمشى فى كل المدائن

نبنى عشنا بالغناوى

.. وننثر الأفراح .. درر

والربيع يسكن جوارنا

والسنابل تملا دارنا

والرياحين .. والمطر

*********

والحبيبة تغنى لينا

لا هموم تسكن دروبنا

.. ولا يلاقينا الخطر

*********

إلاّ باكر يا حليوة

لمـّا أولادنا السمر

يبقوا أفراحنا البنمسح بيها .. أحزان الزمن

نمشى فى كل الدروب الواسعة .. ديك

والرواكيب الصغيرة .. تبقى أكبر من مدن

إيدى فى إيدك نغنى

والله نحنّ .. مع الطيور

الما بتعرف ليها خرطة

ولا فى إيدا جواز سفر

[العطبراوي]

...شعراء مصطفي سيد احمد
فيصل محمد صالح
سِفر السكوت

طوبى للرجال العصافير

كلما حطّ طائرهم فوق غصن

غنوا بشجيى الكلام .. بديع الصور

وبؤساً لنا نحن الرجال .. الشجر

تهاوت جذور الكلام

جفت ينابيعنا

وأرهقتنا ليالى السفر

تؤرقنا الذكرى

توقِد نار المواجد فينا

فيوجعنا الشوق فى صرة القلب

يتأبى حتى السكون الذليل

نخرج الآن من جلدنا

ونخدش صمت السؤالات

نركض عبر الطريق الطويل

من أى ثقبٍ فى الحكايات جئنا

ومن أى بابٍ فى السماواتِ .. كان إلتماس السكينة؟

ومن أى ذنبٍ عصىٍ

تعلم القلب سفر الرحيل

الطيور قطعت رحلتها ثم عادت

والأمانى إستكانت

والليالى ما عاد صمتها مستحيل

والنساء اللائى علمننا

العشق فى زمانات النداء الجميل

نسجن كعادتهن من كذوب الروايات

ما يخلع الدفء عن جسد الحب

ثم تذوقن للحبيب البديل

يا صديق المسافات أركض

ما عاد فى الحزن متسع

لصفير الجراحات ــ قلبى وقلبك ــ

ولا صبر فى الأفق لإنتظار الخيول

كل المراكب تاهت

أنكرتنا الشموس

والحبيبات خانت

لفظتنا البحار

فهل يستطيع البنفسج أن يكون الكفيل ؟

أيوجعك الوصف ؟

آه .. من زمنٍ كنا ننتقى فيه العبارات

من فصوص المحار

نتمشى فى مفاصل الشعر

تأخذنا كل ساعةٍ فى مدار

آه .. من آه .. ثم آه

من كل ذاك الزمان النبيل

أصرخ الآن .. أو

أخرج الآن .. أو

إنزف الآن .. أو

أكتم الشدو فى الفؤاد العليل

[العطبراوي]

شعراء مصطفي سيد احمد
كتابة مشتركة بين الأستاذ مصطفى سيد أحمد والمبدع مدنى النخلى
علمى عيونى السفر
علمى عيونى السفر

ما البسافر فى عيونك

سكتو بتبقى السلامة

ينسى أحزانو .

ويعرف الدنيا جنبك إبتسامة

ظللى الناس بى حنانك

أبقى ليهم ضل غمامة

*********

الشقا اللاّزمنى .. مدة

يوم بفوت .. والفرحة تبدا

ما بقول .. فارقنى عدّى

عشان بخاف ترحل عيونك

وتنهزم فينى الأمانى

وبى شقاهو .. وبى أساهو

تانى يتوشـّح زمانى

أصلو غير عينيك .. وحاتك

مافى للأفراح .. معانى

********

جينا ليك شوق فى عيونـّا

وفى عيونك شوق يناغِم

الشجون باكر بترحل

والزمن يصفا .. ويسالم

والحلم يصبح حقيقة

وتنسجم فى الحب ظروفو

والحنين تزهر غصونو

والعشم .. دانيات قطوفو

شوفى كيف يوم بكرة .. عامِر

هاتى إيدك .. شان نطوفو


http://www.sudanesehome.com/forum/images/misc/progress.gif

[العطبراوي]

شعراء مصطفي سيد احمد
الحاج ود عجبنا
الفرجونى

عمنا الحاج ود عجبنا .. فى الفريق ياهو الركيزة

هو البشيل حمل الرضاعة

وعندو كلمة على الجماعة

فى الطريق باقيلنا .. تاية

وكل طيب ليهو غاية

وللضعيف تلقاهو ساند

يقهر الكعب المعاند

وللضيوف ديوانو فاتح .. ديل يهلوا .. وديل يقوموا



عمنا الحاج ود عجبنا

من سنين أيام جهلتو

يسأل المولى السلامة

وسترة الحال .. والكرامة



عمنا الحاج ود عجبنا

فى ليلة من ذات الليالى

فى زمن حظر التجول

جاهو ضيف فى راس حداشر

رحب الحاج بيهو .. جداً

فرّشولو .. ونزلوهو .. وكاسو للعشا .. ما أتلقالو

ما الرغيف ممحوق .. مقصّر

والبلد فى حال معسِّر

وعمنا الحاج فى مبادؤو

وجبة الضيف زى فريضة

وهسة ضاقت بى العريضة

ضيفو كيف يترك عشاهو

.. من ده زايد إختشاهو

وجاتو فكرة

يمشى للفرن المجاور

ولى لجان العيش .. يشاور

بس عشا الضيف .. يا جماعة

ضيفى نازل .. ليهو ساعة

شاكلوهو ودفروهو ونهروهو .. وجاتو دورية الطوارى

وأمسى بايت فى الحراسة

وناسو جنـّوا .. للصباح ما عرفوا حاجة

وجاهم الخبر المؤكد

ود عجبنا فى الحراسة .. ماشى محكمة الطوارى



ناسو .. أولادو .. وبناتو

عرفوا حالو .. بدرى فاتوا

راحوا محكمة الطوارى

وفيها فى نص الخلايق

شافوا حالاً ما لايق

عمنا الحاج بى جلالو .. فوقو حس السوط يولول

فوق قفاهو .. فوق زنودو .. وفوق رجولو

ومرة فوق فِججاً حشايم

أصلو ما قايل بهونن .. حتى لو نزلن هجايم

إلاّ لكن الليالى

هى البتِترْخِص كل غالى



حاكمو الولد المنصّب .. كتفو بالدبّور .. مقصّب

إنت يا حاج يا مخالف

زول مخرّف وعقلو تالف

إنت ياحاج ماكا دارى ؟

ذِلة الناس فى الطوارى؟

أجلدوهو .. وغرموهو .. ونفذوا الحكم البهينو ..

شان يفتِّح تانى عينو

تسمع السوط ليهو خاوية

وفوق قفا الحاج صيحتو .. داوية

وفجأة .. رفع الحاج عيونو

شاف بنات ولدو .. وبناتو

كلهن واقفات يعاينن

دمعتن فى العين ترقرِق

ووجعتن فى الجوف .. تحرّق

والحزن ليهن يفرّق

دى النجوم الفى سماهن

كل سوط نازل عليهو من شعاع الضو .. عماهن

عمك الحاج دمعو .. سرّف

وسيلو فوق أشنابو .. زرّف

تم حكمو .. وراح بيوتو

نفسو مكسورة .. وذليلة

كيف ملاقاة الحليلة

وصحوة الروح العليلة



فى البيوت الجوّة .. غادى

عمك الحاج .. ما أعتيادى

وفوقو متلمِّين جماعتو

والسكيلى ضرب .. حزاينى

وقالوا ناداهو المنادى

فارق الدنيا المهينة

يقطع الذلّة .. وسنينا

وفوق فراش ودعجبنا

بسمع الزول البوصى

أقفلوا الحوش يا جماعة

وطفّوا أنوار الرتاين

داك حرس حظر التجول .. من بعيد ليكن بعاين

[العطبراوي]

شعراء مصطفي سيد احمد
عبدالعزيز العميرى هذا الشاب الخلوق المبدع المرهف الاحساس..العايش في وجداننا....

المـمـشى العــريــض

مكتوبة فى الممشى العريض

شيلة خطوتك .. لى البنيّة

مكتوبة بى الخط العنيد ...

فى ذمّة الحاضر .. وصيّة

شاهدة التواريخ والسّير

.. والإنتظار

أدونى من قبلك مناديل الوصول

.. وفردت أجنحة العشم ..

فى ساحة الوطن .. البتول

وضحكت ماهمّانى شى ...

وبكيت ولا همّانى شى

عندك وقفت من المشى

وغرقت فى ضو النهار

********

كانوا ..

بتمنوكى لو ترتاحى لحظة ..

على الدرب

حبوكى ... حب

قدر الحروف الحايمة فى بطن الكتب

قدر الخيال ..

ما مدّ إيدو على السحب

كل خاطر كان بريدك

إلاّ ريدك كان رسول الدهشة ...

فى كل الديار

.. وأنا زى عوايد الشعر فارس

مدّ خيل الكلمة .. ليك

مصلوب على ضهر البداية

.. القالوا آخرا جايىّ ليك

وسرحت يامهوّن .. تهوّن شان أجيك

كان أصل يوم لى حضورك ...

كتْ بريدك .. ومشتهيك

وإنكسر فينى الترجّى

ونلت من سفرى الخسار

بس داير أقولك يا أصيلة

لو تعب فينا التمنى ..

وإنهتك وتر المغنى

لو تسدى علينا طاقات البشاير ...

بنهزم يوم التجنّى

وأجيكى ما همّانى شى

عندك وقفت من المشى ..

وغرقت فى ضو النهار

[العطبراوي]

شعراء مصطفي سيد احمد
الاستاذ الشاعر عثمان مالك
الشعر المعطار
إذا عادت بى الأيام .. إلى الماضى

كتبت على سوادِ العمرِ

شعراً لا يدانيه .. غناءُ الطيرِ

وهمسُ الماء

ووشوشةُ الضياء فيهِ

ركبتُ زوارقى .. أبحرتُ فى شعرٍ لها .. مجدولْ

جعلتُ مشاعرى .. جندول

********

إذا عادت بى الأيامُ .. يوماً أيها الأحباب

ولو فى زورقٍ يمضى على الصحراءِ

عبرَ سرابْ

أنا ملاّحهُ الفرحانُ

أطرقُ مغلقِ الأبوابْ

أدقُ .. ليس يعنينى

لأنى قادمٌُ من حاضرِ اللحظاتِ للماضى

*********

وبى شوقٌ سيشعلُ صمتَ هذا الزورق .. الهادى

فيدفعه إلى الوادى

إلى أفقٍ .. أنيقِ النجمِ صدّاحِ البساتينِ

وأشدو حين تأتينى

فتاةٌ لدغةُ العصفورِ

أنفاسُ الرياحينِ

بكفيها .. ولى فى عمقِ هدبيها حكاياتٌ .. وأشعارُ

ولى فى شعرها المعطارِ .. أخبار

إذا سالت على وديانِها الخضرا

.. أنهارُ

.. إذا عادت بى الأيام ..


http://www.sudanesehome.com/forum/images/misc/progress.gif

[العطبراوي]

...شعراء مصطفي سيد احمد
استاذنا وحبيبنا والانسان المرهف المبدع مصطفى سيد أحمد
بسيمة ضو
رسمت بى وجيها بسيمة ضو

بتغالط فى الزمن القاسى

بتعاتب فى الغنوة الصعبة

واللحن حزين

ووتر موجوع تحت إحساسى

تسأل عن مغنى الأفراح

يمكن لى جراحنا يكون .. آسى

ما بشبع روحنا فرح زايف

لو كان نتناسى .. وتتناسى



يا بت يا نيل

العاشقك .. عاشق كل الفيك

غنايك فى كل ظروفك

فى الفرح البشرق وعد .. وفال

فى الحزن الودّر ضى شوفِك

فى سجون القهرك .. فى خوفك

فى النبض الصامد .. فى البركان

السامعو يدمدم فى جوفك



جرّحنا عتابك .. يا باكية

عايزانا نغنى غنا الأفراح

ما الغنوة الناشفة .. لبن ضرعك

والفرح الفيك .. خلاّنا وراح

ولقينا فرحنا ــ وإنتى حزينة ــ

بكون أشتر ويزيدنا جراح

خلينا من الفرح الزايف

بتعود أفراحنا ونلقى .. سراح


http://www.sudanesehome.com/forum/images/misc/progress.gif

[العطبراوي]

شعراء مصطفي سيد احمد
الشاب المبدع الصادق الرضى

غناء العزلة ضد العزلة


( النص كاملاً )


كما يتسرب الضوءُ شفيفاً

صوب سطحِ البحرِ

وهو محمّلٌ بروائحِ القمرِ النبىِّ

خلاصة السحرِ .. غناءُ النشوةِ الكبرى

وهفهفة العناصر فى تراكيبِ الضياء

تتصاعدُ الأرواحُ فى الأمواجِ

وهى ترتـِّلُ الغصةَ شيئاً من خواصِ الماء

خيطاً من دخانِ الرغوِ

فى همسِ المزاميرِ

ووشوشة الغناء على شفاهِ الحورِ

إذ يسبحنَ بين القاعِ والسطحِ

فضاءُ الرهبةِ الصدفيـّةِ .. اللاّلون

حيث الصمتُ فاتحةُ الوجودِ الداخلىِّ

.. لدولةِ البحرِ وقانون المياه



خـُذ من شعاعِ الشمسِ نافذة

.. وحلّق فى فضاءاتِ الغياب

إلى رحيلٍ .. أبدىٍ

.. لا مكان الآن .. لكْ

واللهُ يسكنُ بالأماكنِ .. كلِها

وجهاً يضوِّءُ بالأزقةِ

شارعاً يمتدُ فى كِسرةِ الخُبزِ ـ الطعامِ المستحيلِ ـ

إلى ثيابِ الفقراء



ماذا يلوِّحُ بالنوافذِ ؟

هل ترى منديلَ عاشقةٍ بلونِ البحرِ

دمعُ صبابةٍ .. فى نهدِ عاشقةٍ بطعمِ النارِ ... يقطرُ

والعصافيرُ إكتمالٌ للندى

.. فى شُرفةِ الحلمِ .. تسد الأُفق

تبحثُ عن طفولتِها بذاكرةِ الفضاء الرحبِ

والفجرِ المعلّب فى رِفوفِ الصمتِ

واللغةُ الخفيةُ للغناءِ على مسامِ العشبِ

والشجرُ المخبأُ فى تماثيلِ الشجر



الحزنُ لا يتخيّر الدمعَ ثياباً

كى يُسمّى فى القواميسِ .. بكاء

هو شىءٌ يتعرى من فتاتِ الروحِ

يعبرُ فى نوافيرِ الدمِ الكبرى

ويخرجُ من حدودِ المادةِ السوداء

شىءٌ ليس يفنى فى محيطِ اللونِ .. أو يبدو هُلاماً

فى مساحات العدم



الحزنُ فينا كائنٌ يمشى على ساقين

دائرةٌ تطوِّف فى فراغِ الكون

تمحو من شعاعِ الصمتِ .. ذاكرة السكون المطمئنة



كيف ترفضُّ الجدائلُ..

فضةً فى الضوءِ

ترفضُّ الفقاقيعُ مابين إمرأةِ الرزاز

إشارةً للريحِ فى المطرِ الصبىِ

إضاءةً للماء .. خيطاً من حُبيباتِ الندى

سحراً .. صلاةً .. هيكلاً .. قوسَ قُزح

ذلك سرُ الكونِ ..

أن تبصِرَ فى كلِ حُسنٍ آيةً للهِ

أنواراً من الملكوتِ .. والسحرِ الإلهىِّ المهيب

ذلك سرُ العدلِ ..

أن تتفجر الأشياءَ .. تفصِحُ عن قداستِها

.. ترى فى الشىءِ ما كان إحتمالاً

ثم تنفتحُ الكنوز

الأرضُ كانت تُدخِرُ القمحَ لأطفالٍ لها..

فقراء .. لا يتوسدون سوى التراب



قُلْ للذين يوزعون الظلمَ بإسمِ اللهِ فى الطرقاتْ

وفى صفوفِ الخُبزِ .. والعرباتِ .. والغرف الدمارْ

البحرُ .. يا صوتُ النساءِ الأُمهاتْ

القحطُ .. يا صمت الرجالِ .. الأُمهاتْ

اللهُ حىٌّ .. لا يموتْ



كيف إستوى ماكان بالإمسِ هواءاً نتناً .. روحاً بغيضاً

بما كان هواءاً .. طيباً

ريحاً يؤسسُ معطياتِ الشارعِ الكبرى

عبيراً ضد تلك الرائحة

ما أشبه الليلةَ بالبارحة

كلِ ما كنا نغنيهِ على شاطىءِ النيلِ

تغيّبْ ... وأنطوى

فى الموجِ منسياً .. حُطاماً فى المرافىءِ

أو طعاماً للطحالبِ

فى إنزلاقِ الصوتِ للقاعِ

وفى صمتِ المسافاتِ القصيّة



نحنُ فى ساعةِ الحزنِ وميقاتِ الفجيعةِ

والفراغِ العاطفى .. الوطنى

الآنَ لن نبكى

ولكن .. من يساومُ بالغدِ الآتى

وماذا سوف نخسرُ ؟

نحن بالغربةِ رتبنا بلاداً

لا تُشابهُ غير وجه الذاتِ .. بالمرآةِ

إمرأةٌ هى الغةُ .. الرمادْ



لا تثقْ بالقلبِ

إن العِشقَ يؤذى

بينما يُجدى التحرُكُ فى السِكونِ

.. وفى مساحاتِ الأنا

وعىُ التكوُّنِ .. وأبتكارُ الفردِ .. مجموعاً

يوازى سلطة الإطلاقِ

تحديد المواضِعِ .. بالإشارةِ نحوها بالإسمِ

تفتيتُ الهُلامِ

وأختراقُ السرِّ

فتحُ نوافذَ الأشياءِ

تكريسُ التفاصيلِ الدقيقةِ

قوةٌ تنسفُ الأحلامَ .. والذكرى

وأشباهَ الحبيباتِ ـ الدمى ـ والأصدقاءْ



لا تثق بالقلبِ

كى يتصاعدُ الضوءُ على كلِ المساحاتِ

وحدِّق جيداً

إخترْ مكانك وأحترق حيثُ إنتهيتْ

أنت منسوبُ الدمِ الآن

وأنت الإشتعال ـ النارُ مجمرةُ الغضب

أنت إذن ضياءُ اللحظةِ الآتى

أنا ــ أنت : نحنُ والناسُ والشارعُ

والعواميدُ التى تمتدُ بالأسفلتِ

صوتى ــ صوتك المشروخُ فى صدإِ المقاعدِ

وإنهيارُ البراكينِ

لم أقل أن الفضيحةَ قد تراءت فى تلافيف العُمامة

وأمتدادُ اللحية ـ الزيف

لماذا لم تقل أن العمارات إستطالت

.. أفرغت أطفالك الجوعى .. على وسخِ الرصيف

أنت تعرف أنهم ..

يقفون ضدك ــ ضدنا ــ ضدى

وأعرفُ أننى سأظلُ السلطة ـ اللاّ وعى

نحن الآن فى عُمقِ القضيةِ

مركز النارِ

وبالهامشِ .. تبقى سلطة اللغةِ الخفيفة

كى تُعلَقَ فى الفراغ



نعم ستنسى كل ما يأتون من فعلٍ .. وقول

سوف نصلبُهُم عرايا .. بالمساميرِ

على بوابةِ التاريخِ

ثم نعبىءُ الأيامَ فى الصمتِ الخرافىِ .. الرهيب



لستَ من نورٍ لتغفرَ

أنت من طينٍ لتبنى

فأبنى لى بيتاً لنا ــ لكَ ــ للصغارِ القادمين



أن يكُ للعدلِ فى الأرضِ وجود

فليكن دمُنا هو المقياس

إن تكُ السماءُ مقابلاً للأرض

فلتكن الدماءُ مقابلا للعدل



قال اللهُ كونوا ــ ثم كنا

هل تحققنا تماماً من وجودِ الذات

.. فى أرواحنا

ضوء التكوّنِ .. وأنطلاقُ الكائنات ؟

نحن نخرجُ من غناء العزلة الكبرى

لنكتب عن غناء العزلة الكبرى

ولكنّا نصاب بضربةِ الحزنِ

أوان خروجِنا من داخِلِ الصمتِ

.. وفى جوفِ السؤال

[العطبراوي]

شعراء مصطفي سيد احمد
كتابة مشتركة بين الأستاذ مصطفى سيد أحمد والمبدع مدنى النخلى
علمى عيونى السفر
علمى عيونى السفر

ما البسافر فى عيونك

سكتو بتبقى السلامة

ينسى أحزانو .

ويعرف الدنيا جنبك إبتسامة

ظللى الناس بى حنانك

أبقى ليهم ضل غمامة

*********

الشقا اللاّزمنى .. مدة

يوم بفوت .. والفرحة تبدا

ما بقول .. فارقنى عدّى

عشان بخاف ترحل عيونك

وتنهزم فينى الأمانى

وبى شقاهو .. وبى أساهو

تانى يتوشـّح زمانى

أصلو غير عينيك .. وحاتك

مافى للأفراح .. معانى

********

جينا ليك شوق فى عيونـّا

وفى عيونك شوق يناغِم

الشجون باكر بترحل

والزمن يصفا .. ويسالم

والحلم يصبح حقيقة

وتنسجم فى الحب ظروفو

والحنين تزهر غصونو

والعشم .. دانيات قطوفو

شوفى كيف يوم بكرة .. عامِر

هاتى إيدك .. شان نطوفو

[العطبراوي]

شعراء مصطفي سيد احمد
ركزو معاااااي شديد.....................

ضليت
قاسم ابوزيد
*****
ضليت ..
هرب منى الأمل .. جنيت
جافانى الشروق .. حنيت
كنتى معايا .. فى لمـّة
دليب .. شاشاى
فى إيقاع حشا المردوم
فى جيد الزمن .. سوميت
************
مرقت .. على محطات
السفر .. غربة
وما لقيتك .. أمل شارد
مع إنك معاى
فى زحمة المشوار
وحتى يقينى عاد من تانى
صحـّاك من حنين ذاتى ..
نجم الفرحة يا عايد
*********
تعالى معاى....
من زفة نفس مسدار
وما جرتق فرح .. كانت
ولا طعم الشقا الروّح
خطاى هانت
وإنتى معانى شايلاها القوافى
معزة فى عمق الفرح .. دوبيت
وكت ضليت ...
قعدتّ براى .. وحسيتك
بتطلعى من نفس طورية
ضامـّة الطين
ومن دمعة وجع طوّل
ندا العرق البنادى .. حنين

******
واناديك وانت في ذاتي ..
مخاوف سكة آهاتي
مداين قرية لابسة القمرة شامة ضو
يحن يغشاها مرة شروق
يخدر من عرق تربال ..
يرتاح في ضليل واسوق ..
ينادي تراب
يغازل خدرة السيال
تطلُ شروق ..
تكون قمر السعد ضويت ...

[العطبراوي]

شعراء مصطفي سيد احمد

آ نجمات .. شقيش قولن لى
ما لاقاك طالِع .. متدلّى ؟
المطيوب من طيبة أُمّاتو
كالفجّاج .. الندّ نباتو
موج البحر اللّحَمَر هوجتو
وعِرق العِرِق .. اللاّوى ثباتو
جانا الشَدر الأخَدَر منو
ونار الشدر الأخَدَر جاتو
فات شِقيش ...
أب قولاً واحِد ..
وهاهي أعوام تنقضي على رحيل نورس البوح الجميل مصطفى سيد احمد, وها نحن نلوك حسرة, وفي الحلق غصة لا تراوح مكانها, جراء ذلك الرحيل المبكر.ولا عزاء.. سوى الاتكاء على ذلك الإرث التليد الذي تركه الراحل, وفي النفس موجدة لا يهدهد وجعها إلا سماع صوته الأليف وانعتاقه الشفيف.ولا نملك كلما هلت علينا ذكرى رحيل مصطفى سوى إحتفاء باهت نردد فيه بعضاً من كلمات في حقه, وعدد من أغنياته في بكائية يتماوج صداها لحين.. ثم ماذا؟؟لا شيء البتة.. ينفض السامر, ويذهب كل من حيث أتى, وماذا قدمنا لمصطفى؟ هي محض دموع تجف مع أول لفحة من نسيم!!لقد مللنا كل ذلك, ومللنا التكسب الرخيص بموت مصطفى, فلا زال البعض يخرج علينا بعدد من (الآواخر), آخر ما قاله مصطفى, وآخر قميص إرتداه, بل وحتى آخر كوب شاي رشف منه قبل الرحيل!!حتام هذا التسكع الفارغ في ردهات حياة مصطفى سيد أحمد؟؟ألا تكفي هذه السنوات اجتراراً وتباكياً ووقوفاًعلى أطلاله؟؟فلنفكر في وسائل أكثر عمقاً في التعبير عن إمتنانا لهذا الرائع!لم لا نوثق لكل أعماله الغنائية, ونحن نعلم أن الرجل في سنواته الأخيرة قد فاق انتاجه الخمسين أغنية في العام الواحد!أين كل هذه الأغنيات؟ ولم لا يتم في كل عام تسجيل عشرة أغنيات على الأقل في ذكراه, نعيد بعثها من جديد, ونهديهالكل محبيه..لم لا نقم معرضاً دائماً يحكي ويوثق لمصطفى, وأين التلفزيون والإذاعة؟ ولم لا تتبنى الهيئة القوميةللاذاعة والتلفزيون انتاج عدد من الحلقات لمصطفى على سبيل التوثيق, بدلاً عن التباكي الذي لا يجدي لساعة من الزمن؟وأين هي لجنة الخرطوم عاصمة الثقافة لتفرد له مساحة عبر فعالياتها التي لم نلمس منها مايكفي حتى الآن؟ ألا يستحق مصطفى ذلك, وهو رائد هذا الغناء العصي الذي لم يستطعه سواه؟ وألا ينصب ذلك -تكريمه- ضمن عكسها لثقافة السودان؟؟كل ما نحتاجه هو خيال أخاذ, وفكر نافذ .

[شادي بابكر]

يا الله عليك يا رائع اتحفتنا .........
ربنا يقدرك دائما علي الابداع .......

[طارق الولي]

http://profile.ak.fbcdn.net/hprofile-ak-snc4/hs333.snc4/41666_100000115175032_5632_n.jpg (http://www.facebook.com/album.php?profile=1&id=100000115175032)



http://photos-d.ak.fbcdn.net/hphotos-ak-ash1/hs450.ash1/24807_112740262073146_100000115175032_278361_24278 01_t.jpg (http://www.facebook.com/album.php?aid=19574&id=100000115175032)











http://profile.ak.fbcdn.net/hprofile-ak-snc4/hs625.snc3/27429_100000115175032_2179_q.jpg (http://www.facebook.com/profile.php?id=100000115175032&v=wall&viewas=1297899308)

[جبارة محمد احمد]

أيام قلائل وتمر الذكرى الخامسة عشرة لرحيل الفنان مصطفى سيد أحمد، الذي ودع الحياة بالعاصمة القطرية الدوحة في يناير من العام 1996م تاركاً تراثاً ثميناً من أعماله الخالدة.
وقال الشاعر مدني النخلي أن الذكرى القادمة ينبغي أن تكون لابراز أعماله وتوثيقها بدلاً عن النحيب والبكاء على وفاته، وأنا شخصياً تعودت على الاحتفاء بهذه المناسبة بعبير خاص وعلى طريقتي، فقد كانت علاقتي به بمثل هذه الخصوصية وعرفته كما لم يعرفه أحد مثلي، وهذه المناسبة ليست للوجاهة الاجتماعية، وانما لاعادة ذكرى شخص قدم روحه للفن، ولا يزال موروثه متداولاً بين الناس، وهو فنان استطاع أن يصنع مدرسة خاصة به رغم ظروفه المرضية.
ووجه النخلي رسالة لوزير الثقافة السموأل خلف الله للاهتمام بجمع تراث مصطفى سيد أحمد وحفظه بالاذاعة والتلفزيون، كما ناشد زملاءه باتحاد المهن الموسيقية وكلية الموسيقى باستلهام أعماله في برامج موسيقية كاملة حتى تتعرف الأجيال الحالية على هذا الفنان العظيم، وقال النخلي: على من يؤدون أغنيات مصطفى أن يعلموا أنه قد صنع نفسه بنفسه، لذا عليهم أن يضيفوا للوحته وأن لا يعتمدوا على ما قدمه مصطفى فقط، وأضاف: مصطفى ذكراه تعد تنبيهاً للفنانين كيما يقتدوا به، فقد حفر اسمه بالصبر والمثابرة والكفاح، وصوته كان يبعث الخوف في البعض، وهؤلاء لا يرغبون في إعادة سيرته، وقال: أنا الآن أعكف على تأليف كتاب يحوي سيرته العطرة، وباذن الله سوف أقوم بنشره قريباً.
من ناحيته قال الشاعر جمال حسن سعيد أن مصطفى كتب لفنه الخلود، وطوال فترة رحيله لم ينجلي عن فكر الغناء، واستطاع أن يحفر اسمه على الوجدان السوداني وهو رمز للفنان الخلوق الباحث عن الجديد.
من جهته قال الشاعر صلاح حاج سعيد أنهم لن ينسوا مصطفى أبداً وذكراه ستبقى فيهم مادام هناك عرق ينبض، وتمنى صلاح أن يتمكن أصدقاء ومحبو مصطفى من توثيق جميع أعماله، وقال: نجحت في تسجيل اربعة أعمال للاذاعة، وكان الفضل في ذلك لمدير الاذاعة معتصم فضل والمخرج كمال عبادي، وأدعو كل شاعر له علاقة بمصطفى للجوء لهما لتوثيق أعماله.
وذكر صلاح ان مصطفى حرص طوال حياته على توثيق أعماله عبر أشرطة الكاسيت، وبالنسبة لتوثيق أعمال بالتلفزيون توجد صعوبة في ذلك لندرة أعماله المصورة، والشعراء عليهم مسؤولية احياء ذكراه، خاصة أولئك الذين أسهموا في مسيرته الفنية، وأضاف صلاح: بحسب متابعتي لأسرته الصغيرة الموجودة بكندا هم يفتقدونه بشدة، ونحن على اتصال دائم بهم لمعرفة أحوالهم وأمنياتنا لهم بالتوفيق في حياتهم، وأن يرحم والدهم بقدر ما أعطى للفن السوداني.

الراي العام

[شادي بابكر]

هردت لهاتى
محمد الحسن سالم حميد

يغنولك غناوي الساب
وفي بيوضة ما في سراب

جبال كجمي وفيافي الكاب
تمر بالخضرة منقسمي
فيافي الصحي وبيوضة ..
المراسم فيها مفروضة ..
خضارة يراري شوف عيني ..

على الأبواب قماريها .. طواريها
جواريها .. بقت روضة
بقت تشرب من الحمداب
تشوفي رهاب بعد نجمي
وأشوفو قريب قرب نضمي
أشوف العالم التحتاني هيلاهوب

هد عمايد الفوقاني جو الجب ..
رمي العارض وقف ناهض
وفي السابو الدمار أفراد
عريق الحب نبض قابض
مثل فيض الحروف أسمي

هردت لهاتى


وغناوينا القبيل رقراق
علينا تصب برد قارص
واجر نمي .. وأداوي لهاتي بالقنوات
عقب يبرد حشاك يمي

وطني ولا ملى بطني
سكاتي ولا الكلام النى
بليلتي ولا ضبايح طي
قليلتي ولا كتر سمي

سلام يمي
سلام لا هكمي ولا دكمي


ماطال في بحرك في مي محمد الحسن سالم حميد

ماطال في بحرك في مي
وتمرك مفدع بالجريد
شدرك أمد حس السمي

طينك معتق بالطمى
نبنيك اكيد نبنيك جديد
نبنيك ايوا سوا سوا
منو وجديد نبنيك جديد

يا إيد ابوي على إيد أخوي
على إيدنا أنا
عى إيد وايد نجدع بعيد

في لجة من راس ميضنة
حكومة الفقر الدمار
الفخفخت والصهينة
واللي نقاص ايامنا كاس

ماطال في بحرك في مي
محمد الحسن سالم حميد

اليالطيف سوس البحر
نرجم قفاهو حجر حجر
من ها الرصيف
الما قدر قدام
سريحة الموج يقيف
الما انستر
الأرزقية وناس مو يا
نسقيها كاس اسقتنا يا
نوريها كيف عشق الحياة
سنانا فوق حجر القصاص
سنانا ناس ضرب البحر
جوانا احر من الرصاص
ياضو حبيبين القسا
طول ما انت غرقان في الأسى
تبت يديك ما ترمي ساس
ماتبني مجدك من جديد
تفتح شبابيك الخلاص
تدخل نسيمات النشيد
بيت القصيد يستقبلا و مستقبلا
والحاضر الماضي التليد


يابلدي يافردة جناحي التاني
وكت الناس تطير لي عالما
وا فجعة الزول البجيك
مايلقى فيك غير الهجير
ناسا تواشني مسالمة
كل البشاشات القبيل
يلقاه ميتة مسممة
والجاتا جاتا من الارض
ما جاتا من تالا السما
مااعتى غبنك ياولد
واعدل قضيتك وأعظما
لاترجّع السيف الجفير
والدنيا فايرة مصادمة
من غير تجيب تار البلد
ريح العوارض تهزما
وتطرد مع إبليس الأخير
دعة الضلال من جنتك يا آدما
تاكل من الشدر الحلال
يغشاك نعاس في ضل رمى



تحتاك هضاريب الصعب
كربة ليالى الَمظْلمة
يا نيل قُبل خاطرك يطيب
أرضك تفذّع باللهيب
تكشح تواريب الغضب
صعب المِراس
نوبة وزنوج بجه وحلب
رطانة عربان مواشو
ومولدين تلقانا أو
نلقاك ضوء
ضلمة لياليك العِجاف
رشة نهاراتنا النشاف
آمنا بيك وموحدين
في إيدنا فاس… وقلم رصاص
شتلة وكمنجة ومسطرين
وطبنجة في خط التماس
حرآسة من كيد البكيد
ضد الرصاص والإنتكاس
نبنيك جديد واشد باس

[طارق الولي]

ي روح والي الدين.....و .....مصطفي سيد احمد
شعر : هاشم صديق
تطير قمريه
من عشه
لي قشه
يحش جنحاتها
صقر الريح
تقع مكتوله
بالدهشه
صباحاتي الحلم
مضبوح
صباحاتي الفرح
غشه
‏................
مباهجنا انتحر
لونها
مرابعنا انتهت
حفره
حدايقنا اتسقت
صفره
مقابرنا إتملت
خضره
نزح دخرينا
لي طينا
و في جوفها
السمح خش
و بين الحوش
و ود سلفاب
اصبح جرح الوطن
ممشي

‏........
مذياع الوطن
متعوس
يساسق
من فراق لفراق
يرازي الموت

عريشه الفل
يشقق
في سقفنا الضل
و يسد بي كفو
نور الطاق
أيا والي الغبش
و الحوش
وتر مصبوغ
بحزن الدوش
مغص مغروس
في صوت مقروش
هلال من فوق
نجيل مرشوش
صعب حنضل
أساك ينطاق
و زي كل جيل
و أصيل
في بلد الحرقه
و الدقداق
تفوت بسراع
كأنك ضو
شلع في الجو
كأنك ضيف
كأنك طيف
رسم للناس
شعر بالساق
جدع في الطين
بذور سرور
طلع في غفله
بالرقراق
________

[طارق الولي]

بين الحوش
و ود سلفاب
كفر ... و وتر
عذاب ....و سفر
غبار .... و حفر
سهام الحرقه
من نشاب
أسف خلي
الشدر هاجر
و شاب
قش الجزيره
الشاب
بين الحوش
و ود سلفاب
قدم دوزن
حرافه تسر
وتر ضمد
هوان الامه
بي حرف القصيد
الحر
بين الحوش
و ود سلفاب
بريق نجمين
نقيح جرحين
دعاش اسمين
بذروا النشوه
في الاوصال
و خلو الكون
رقيصو كتر
و كان ثمر الحصاد
الشوك
و تبريح السهام
المر
و رسم اسمين
علي نصبين
ممدوده في فيافي
خراب
تقع لوزتين
في سدر الطين
تنقرش
في خلا الاحزان
علي عود الهشاب
ريشتين
خريف الرازه
حتل غيمو
ناح محسور
علي الولدين
يغيب والي القلوب
الزين
و مدفوسه الرفوف
و الين
و ود سلفاب
تفارق الروح
و ارواح الهتش
بايرين
يمرقو الناس
ديوش و خلوق
علي دخري الوطن
باكين
لا إعلان
لا إذعان
لا ترتيب
لا تغيب
لا ترهيب
بحرف الدين
بلد يعزف
صدق نفسو
دليلو هواهو
في قلبو
و متوكل بروح ياسين
_________________

[طارق الولي]

بين الحوش
و ود سلفاب
شليل و الليل
و عين السدره
يتفتح
علي القمره
و بكره صباح
بيتمطا
و يقوم مرتاح
ولد ممراح
يسوق الكوره
بي قلبو
يحاور بيها
في المطره
يدندن بيها
بالاقدام
و يساسق بيها
في الاحراش
و ينقرش بيها
فوق الرأس
يخلب بيها
لب زهره
و يبشر بيها
فوق شجره
تزغرد أمو
و تكبر
‏ - دقر يا عين
يا ( والي الدين )
تخاف العين
تجر بسراع
تجيبلو حجاب
من الفقرا
بين الحوش
و ود سلفاب
ناي الراعي
بتبتب شجون
نغماتو و تصبح
علي الضامرين
علي البسطا
كمنجه تنوح
علي الوالي
تقطع في جنون
وترها
رقصه ( زوربا )
بالكوره
و أغاني العزه
لي ( طيبه )
و لي ( نورا )
‏ و للفقرا
دموع نخله
بتبدع
تكب في الوادي
نافوره
تطرشق بالحزن
عشره
و تتكرفس
غصون ليمونه
في شوكها
تقول محشوره
في الوكره
_________________

[طارق الولي]

بين الحوش
و ود سلفاب
يقيف ( فارماس )
علي التله
يأذن
لي خلاص الناس
و يكبر صوتو
للحله
يا شر بي ضراع
و عيو
علي الطاغيه
علي الكهنه
علي المافيا
علي العله
و يصير صوتو
عزا الايام
و نور فانوس
في قطيه
و ضل ممدود
في ضهريه
قمح مدروش
عشا الايتام
ضمير عاشق
هوي الارحام
مسادير
تضفر الاحلام
عيون مفتوحه
لي قدام
صبر مشدود
علي الألام
جدول في اليباس
دفاق
وزي كل جميل
و اصيل
في بلد الحرقه
و الدقداق
يفوت بسراع
تقول زي طيف
جدع في الطين
بذور سرو
طلع في غفله
بالرقراق
مما قمنا
كان دخرينا
بتسرب
و يقع في البير
مما صحينا
كان لافينا
توب سيدنا
كان قابضنا
من حلقومنا
برضو ( مشير )
مما شفنا
كل أحلامنا
كان بتموت
من ( التخدير )
مما عرفنا
كلو ( حريف )
‏( و زول رايع )
مصيرو عسير
مما و عينا

يا ما سمعنا
ناس بتقول
صحيح ما بتدي
اصلو حريف
صحيح ما بتدي
اصلو شريف
زرعنا يطول
يقيف قندول
نحاحي الطير
يرك الموت
في عيش الريف
_______

[طارق الولي]

http://www.youtube.com/watch?v=zT999sS_KWo&feature=related

[طارق الولي]

http://www.youtube.com/watch?v=J2jVpwn65Bc&feature=related